Hanyoyi 7 Domin Samun Nasara A Kasuwanci

Idan ka yi ƙoƙarin binciken hallayar ‘yan kasuwa masu nasara akan shafukan yanar gizo, sau da yawa za ka ga sunayen mutane kamar shahararrun mutanen da suka ƙirƙiri na’ura mai ƙwaƙwalwa kamar Steve Jobs ko Bill Gates.

Nasara A Kasuwanci

Hoto: Big Stock

Marubuci: Bello Galadanchi

Sau da yawa mutane suka ambaci sunayen waɗannan mutane a duk lokacin da aka yi maganar ƙwararrun ‘yan Kasuwa waɗanda suka girgiza duniya da basirar kasuwancin su. 

Suna matuƙar harzuƙawa, wani lokacin har da saka jama’a fargaba. To idan Allah bai ba ka fasahar Steve Jobs ba ko jajircewar Bill Gates ba, kar ka tayar da hankalin ka. Ina da albishir. Za’a iya nunawa ‘yan kasuwa hanyoyin samun nasara ta horar da su akan ɗabi’u masu muhimmanci. 

Manazarta, da ƙwararru a harkokin kasuwanci sun bayyana cewa shahararrun ‘yan kasuwa za su iya ɓullowa daga duka ɓangarorin rayuwa a kowani lokaci, kuma Allah Ya yi su da halayya iri-iri kuma ba sai suna da ilimin boko ba. 

Saɓanin hikima, ba dole sai ka zama mai nasara a komai na rayuwa ba, ko kana da nutsuwa ta musamman, ko ka kasance mai aiki babu dare babu rana sannan za ka iya samun nasara a kasuwanci. Maganar gaskiya, irin waɗannan mutanen ba sa iya ɗaukar kasadar da shahararrun ‘yan kasuwa ke ɗauka, kuma masu nazari sun bayyana cewa mafi yawancin lokuta, ɗaliban da ke samun C a jarrabawa su ne suke zama shahararrun ‘Yan Kasuwa. 

Sai dai kuma ƙwararrun ‘yan kasuwa suna da ɗabi’u kusan iri ɗaya, daga jajircewa zuwa kasada waɗanda suna daga cikin gimshiƙin samun nasara a kasuwanci.

Nazarin da masu bincike suka yi ya nuna cewa shahararrun ‘yan kasuwa suna da ɗabi’u daban daga manajojin kamfani, ta inda suka yi musu fintinkau a ɓangarori kamar sauraron ra’ayoyi domin ƙarin ilimi da ƙirkire-ƙirƙire, da kuma iya horar da kawunan su, da ma ƙarfafa wa kawunan su gwiwa, sannan suna da sauƙin kai wanda hakan yana taimaka musu wajen jure wahala. 

Ga ɗabi’un guda bakwai, da bayanan su a taƙaice:

1. JURIYA: Juriya ne na farko, saboda mafi yawancin kasuwanci na samun ƙalubale wajen karyewa. Hakan yana faruwa sau da yawa a kowani mako.

2. ƘAUNAR KASUWANCI: Duka shahararrun ‘yan kasuwar da na sani sun yi imanin cewa za su bada nasu gudunmuwa ga jama’a. Wannan abu yana ƙayatar da su, shi yasa suke iya jurar duk wani ƙalubale da ke addabar su.

3. HANGEN NESA: Sau da yawa shahararrun ‘yan kasuwa na fuskantar jama’ar da ke yunƙurin kashe musu gwiwa saboda suna da hangen nesa, lamarin da ragowar jama’a ba su iyawa.

4. SAURARON RA’AYOYIN JAMA’A: Wannan yana nufin samun nasara wajen jurewa fargaba. Fargabar jin kunya, da rashin samun albashi, da karyewa da ma sauran batutuwa.

5. IMANI: Dolen dole sai ka yi imani da burin ka da niyyar ka. Dolen dole sai kana sha’awar yin ganganci amma kuma a dabarance.

6. IYA KWANA: Dolen dole sai kana da zuciyar gaya wa kanka cewa “gaskiya wannan abu da nake yi ba ya aiki, bari na canza alƙibla”.

7. KARYA DOKA: Shahararrun ‘yan kasuwa mutane ne dake ƙalubalantar hikimomin da aka gada tun iyaye da kakanni. Binciken manazarta ya nuna cewa shahararrun 'yan kasuwa sun ƙunshi “ilimi, zafin nama, ganganci da saɓawa yadda lamura ke gudana.”

Idan bacci kake ka tashi, idan a zaune kake ka miƙe, idan a tsaye kake, to ka fara tafiya, idan tafiya kake to ka ruga da gudu, idan gudu kake to ka tashi sama. Allah Ya bamu nasarar duniya da lahira Amin.

Karanta Sauran anan»

Hanyoyin Faranta Wa Masoyiya Cikin Sauki

So mai abubuwa daban-daban. Mutuncin da ke tsakaninka da shi kawai kulawa.

Farantawa Masoyiya

Hoto: Wallpaper Safari

Marubuci: Nura Nakowa

Idan aka rasa kuka a tsakanin masoya, to so da kansa yake yin abin da ya ga dama. 

Idan ya ga dama ya cutar da mutum ɗaya, idan kuma ya ga dama ya cutar da su duka.

Rashin kulawa yana rage shaƙuwar da ke tsakanin masoya biyu. Yana sa su fara yin nesa da juna ta sigogi daban-daban.

Idan aka fara yin nesa da juna sai tsana ta fara shigowa a tsakani.

Ba kuma sai tsanar ta haddasa gaba ko tashin hankali ba a'a, kawai dai soyayyar ce za ta fara yin sanyi sai ka ga an soma yin baya-baya da juna, ko a koma kamar abokai amma ba aminai ba ko kuma a zama kamar dai irin an san juna ne amma ba lallai sai an shaƙu da juna ba, sai a rinƙa gaisawa daga nesa wanda idan aka ci-gaba a haka wata rana sai ka ga an rabu.

Kulawa na daga cikin abin da ke ƙarfafa wa masoya ƙwarin gwiwa.

Kulawa na da bambanci da hidima. Kada don kana taƙamar kana bada wani abu ko kuma kakan yi sayayya ka kawo ko ka aiko ya zama shi ne dalilin da zai sa a yi maka irin son da kake da muradi.

Sakin fuska, yin murmusi da dariya suna daga cikin hanyoyin faranta ran masoyiya.

Hira da bada labari me daɗi yana ciki.

Ziyara da Kira a waya da tura saƙonni da kuma maida martanin saƙo idan an yi maka shi ma abu ne me kyau a soyayya.

Tsokana, barkwanci  suna ƙara sanyawa a samu sakewa a tsakanin masoya.

Kada ka bari ka ce wai sai an yi maka sannan za ka yi, soyayya takansa a yi 'yar rige.

Ya Allah ka ba mu ikon farantawa masoyan mu sannan kuma su ma ka ba su ikon faranta mana. Amin.

Karanta Sauran anan»

Kalli Zafafan Hotunan Karshen Mako Na Auta MG Boy

 Auta MG BOY, ɗaya ne daga cikin sabbin mawaƙa masu taso wa a masana'antar shirya fina-finan Hausa (Kannywood).

Mawaƙi Auta MG Boy

Hoto: Auta MG Boy

Hotunan sun ɗauki hankula sosai a shafukan Sada Zumunta duba da yanayin yadda aka ɗauki hotunan, wanda hakan ya taka muhimmiyar  rawa sosai wajen ƙayatar da al'umma daga sassa daban-daban na faɗin ƙasar da ma Duniya baki ɗaya.

Kalli ƙarin wasu daga cikin kyawawan hotunan na shi a ƙasa;

Auta MG Boy

Hoto: Auta MG Boy

Mawaƙi Auta MG Boy

Hoto: Auta MG Boy

Karanta Sauran anan»

Abin Da Ya kamata Ku Sani Kafin Ku Fara Shiga Jami'a Ko Fara Kasuwanci

Idan aka kwance mota baki ɗayanta, aka raba komai na jikinta, sannan aka zuba maka komai nata a gareji ɗaya, shin kana gani za ka iya haɗa ta? Idan aka ba ka takardun da aka yi amfani da su wajen ƙera ta fa?

TSAKANIN SHIGA JAMI'A DA FARA KASUWANCI

Hoto: Freepik

Marubuci: Bello Galadanchi

To a jami’a ne ake koyar da duk waɗannan dabarun, saboda kowane aji zai mayar da hankali ne wajen tabbatarwa ka laƙanci wani ɓangare na karatun da kake yi. Idan karatun haɗa mota kake yi, to za ka samu malamai daban-daban waɗanda suka ƙware a sassa daban-daban na mota.

Bayan ka kammala ɗaukar waɗannan ajujuwa, to za ka iya haɗa mota. A taƙaice, jami’a ce za ta ba ka makaman da za ka yi amfani da su wajen laƙantar abin da kake so ka yi a rayuwarka.

Ilimi makami ne, kuma duniyar nan filin daga ne. Akwai makamai iri biyu, kuma ana so ka zaɓi ɗaya. Na farko shi ne sanda, na biyu kuma ƙaton bindiga ne mai ɗaukar harsashi ɗari biyu da hamsin a lokaci ɗaya. Wanne za ka zaɓa?

Bugu da ƙari, idan har kana so ka yi sana’a, to akwai matuƙar muhimmanci ka je jami’a domin nazartar wannan sana’a, idan kuwa ba haka ba, waɗanda suka yi wannan karatu za su mallaki manyan makamai a filin daga, kai kuma a ƙyale ka da sanda.

Na tabbata wasu daga cikinku za su lissafo sunayen mutanen da suka yi nasara ba tare da karatu a jami’a ba. Wani hanzari ba gudu ba, mafi yawancin waɗannan mutane sun daina karatu ne, saboda sun laƙanci wani ilimi da ya ba su tagomashi har sana’ar su ta samu babban ci-gaba a ɗan ƙaramin lokaci. Amma daga baya, dolen dole suka koyi ragowar darrusan da ba su kammala a jami’a ba ta wasu hanyoyi na daban.

Idan kai ba Bill Gates ba ne, ko Mark Zuckerberg, to kar ka yaudari kanka. Ka nemi ilimi yanzu-yanzun nan.

Shawara ta ita ce ka yi ƙoƙarin gina sana’arka a dai-dai lokacin da kake karatun jami’a, kuma kar ka daina karatu sai idan har ka cimma babbar nasara a dare ɗaya.

Wani abin dariya shi ne a lokacin da muke da ƙuruciya, gani muke kamar mun san komai. Yarinta ce kawai. Da ka cika shekaru 30, za ka fahimci cewa ashe babu abin da ka sani.

Karatun jami’a ba ɓata lokaci ba ne, saboda zai koya maka dabarun zaman rayuwa a cikin ɗan ƙaramin lokaci, a maimakon ɓata lokaci mai tsawo kana tafka kuskure da da-na-sani kafin ka laƙanci sana’a.

Idan karatun ya gundure ka, to ka samu wani abu daga gefe kana yi. Malamanka za su ba ka shawarwari kyauta. Idan ka girma ka zama mutum, to fa sai ka biya kuɗi sannan za’a ba ka shawara.

Ka zama mai sauƙin kai, ka nemi ilimi, kuma ka yi amfani da makaman da jami’a za ta ba ka.

A rayuwar nan, akwai hanya mai sauƙi, kuma akwai mai wahala. Shawara ta rage ga mai shiga rijiya.

A ƙarshe kuma idan har sana’ar taka ta samu matsala, to takardar digiri ɗinka za ta zama madafa har sai ka samu ka farfaɗo. Ba lallai ba ne ta sama maka aiki, amma masu azancin magana suka ce “Da babu, gwamma ba daɗi”.

Karanta Sauran anan»

Sauke Zazzafan Sakon Murnar Sallah Audio Na Sanusi Kabir A Kyauta

Wannan Audio na "Murnar Sallah" cike yake da daɗaɗan kalaman soyayya masu ratsa sassan zukatan masoya. Idan har kana sauraro to ba za ka san lokacin da shauƙin soyayya zai ziyarci farfajiyar zuciyarka ba. Abin dai ba a magana.

Saƙon Barka Da Sallah

Hoto:Freepik

Idan har kana soyayya, lallai wannan Audio na Murnar Sallah zai faranta maka rai, haka ke ma idan kina yin soyayya, za ki ji daɗin shi, kar ku sake a ba ku labari.

Kalli kaɗan daga ciki anan...

Wanda Sanusi Kabir ya rubuta, ya kuma tsara, sannan ya gabatar da shi da kansa. 

Lallai kada ku bari a ba ku labari.

Idan kana da matsala a Soyayya musamman wajen rubuta Saƙonnin Soyayya ko furta lafazin soyayya, don yabon kwalliyar masoyiyarka, ko don taya ta murnar ranar sallah, ba shakka wannan zai nishaɗantar da kai ya kuma ƙara inganta tasirin soyayya a farfajiyar zuciyarka. Ya kuma taimaka maka wajen tura wa masoyiyar ka saƙonnin soyayya na zamani.

Sauke Audio Na Ma'anar Soyayya Da Shawarwari Ga Masoya A Kyauta

Wato tsayawa bayyana abin da wannan maƙala ta sauti ta ƙunsa kamar ɓata lokaci ne, abin sai wanda ya saurara.

Kar dai mu cika ku da surutu ku hanzarta sauke Audio na Murnar Sallah yanzu a kyauta domin sauraro.

SAUKE AUDIO ANAN

KADA KU SAKE A BA KU LABARI

Da fatan zai ilimantar,nishaɗantar ya kuma faɗakar da masoya gaba-ɗaya. Ya kuma zama silar ƙarfafa alaƙa a tsakaninsu.

Karanta Sauran anan»

Babban Abin Da Yake Bata Li’itikafi

Li’itikafi yana ɓaci don aikata babban laifi kamar:

Zina da shan giya da ƙarya da ƙazafi, haka nan yana ɓaci don yin jima’i da sumba da daddare ko da rana bisa  sha’awa.

Abin Da Yake Bata Li’itikafi

Hoto: Portal Patio

Haka nan yana ɓaci da zuwan haila, haka nan yana ɓaci da cin abinci ko shan ruwa da rana, haka yana ɓaci idan an fita daga Masallaci ba don neman abinci ko wata bukatar Ɗan Adam ba.

Karanta Sauran anan»

Sharudda 7 Na Yin Li'itikafi

Haƙiƙa, li’itikafi yana da sharuɗɗan inganci guda bakwai:

1. Musulunci: Li’itikafi ba ya inganta ga kafiri.

Sharudda Bakwa Na Yin Li'itikafi

Hoto: Mina News

2. Balaga: Ba ya inganta ga yaron da bai balaga ba, ko mahaukaci.

3. Tsarki: Ba ya inganta ga mai janaba ko haila ko nifasi.

4. Masallaci: Li’itikafi ba ya inganta a cikin gida ko ɗaki ko Masallacin da ba a sallar jam’i a cikinsa.

5. Azumi: Li’itikafi ba ya inganta ba tare da Azumi ba.

6. Barin runguma ko sunbatar mace da daddare ko da rana.

وَلاَ تُبَاشِرُوهُنَّ وَأَنْتُمْ عَاكِفُونَ فِي الْمَسَاجِدِ. (سورة البقرة: آية 178)

Allah (S.W.T) ya ce: “Kar ku rungume su (mata), lokacin da kuke li’itikafi a cikin Masallaci.” (Suratul Bakara: aya ta 178). 

7. Neman iznin miji: Li’itikafin mace ba ya inganta idan mijinta bai yi mata izini ba.

Karanta Sauran anan»

Karanta Yadda Za Ka Ga Daren Lailatul Kadari Cikin Sauki

Ya zo a cikin Hadisi, ana samun Daren Lailatul Ƙadari a kwanakin mara na goman ƙarshe na watan Azumi a daren ashirin da ɗaya ko ashirin da uku ko ashirin da biyar ko ashirin da bakwai ko ashirin da tara da dare na ƙarshen watan Ramadan.

GANIN DAREN LAILATUL KADARI

Hoto: The Independent

Nana Aisha (R.A) ta ce, Manzon Allah (S.A.W) ya ce: “Ku nemi Daren Lailatul Ƙadari a goman ƙarshe.” (Bukhari ne ya rawaito).

Ana so a yawaita addu’a a Daren Lailatul Ƙadari. Nana Aisha (R.A) ta ce, na tambayi Manzon Allah (S.A.W) na ce, ya Rasulullahi, idan na ga Daren Lailatul Ƙadari me zan faɗa a cikinsa? Sai Manzon Allah (S.A.W) ya ce, ki ce: 

"اللَّهُمَّ إِنَّكَ عَفُوٌّ تُحِبُّ الْعَفْوَ فَاعْفُ عَنِّى."

“Allahumma innaka afuwun tuhibbul afwa fa’afu anni.”

Ma’ana: “Ya Ubangiji, haƙiƙa, Kai mai afuwa ne, kuma kana ƙaunar yin afuwa, ya Allah ka yi min afuwa.” (Bukhari da Muslim ne suka rawaito).

Kuma ana so a karanta waɗannan ayoyi masu yawan lada.

1- آيَةُ الْكُرْسِيُّ 2- آمَنَ الرَّسُولُ 3- إِذَا ذُلْزِلَتِ اْلأَرْضُ 4- قُلْ يَأَيُّهَا الْكَافِرُونَ 5- قُلْ هُوَ الله أَحَدٌ 6- سُورَةُ يَاسِين.

1. Ayatal Kursiyyu

2. Amanar-Rasulu 

3. Izazul zilatul ardu

4. Kulya ayyuhal kafiruna

5. Kul huwallahu ahad

6. Suratu Yasin.

Kuma a yawaita istigfari, tasbihi, salati ga Annabi, sannan a roƙi alhairan duniya da na lahira.

Karanta Sauran anan»

Karanta Hanyoyin Samun Nasara A Rayuwa (50) Cikin Sauki

12. Jarraba ka gani: Duk abin da ba ka taɓa gwadawa ba ba za ka san cewa yana da riba ko bai da shi ba, idan kana da abubuwa da yawa da kake son zama ko kake son yi zaɓi mai sauƙin cikinsu wanda kake ganin za a iya samun abin da ake so a cikinsa, kafin ka fara, dubi waɗanda suka yi nisa a cikinsa ka ɗan tambaye su, idan kuma bayani ba zai yi ba to zauna kusa da su ka koya kafin ka shiga. Wannan idan kana son cin nasara kenan, amma kawai ka dubi abu da ido ka ce ba za ka iya ba matakin farko kenan na karya kai, da wahala ka zama abin da kake so.

Mutane kala-kala ne

Hoto: Forbes

Marubuci: Baban Manar Alkasim

13. Me ka fara?: Mu ba mu da wannan lissafin, ba kamar Turawa ba ne da idan mutum ya so yin abu ya gaza sai ya fara binciken kansa me ya hana shi kaiwa? Idan ya samu sai ya yi maganinsa kawai, kai ma idan ka gano shi sai ka yi ƙoƙarin gyara shi ba wai ka ce tsarin ya rushe gaba ɗaya sai dai wani ba. Idan ka taɓa yin shago a jikin gidanka, wanda 'yan uwanka suka karya ka da bashi, kar ka ce ka kulle shagon shikenan, bar shi kowa ya ga lalacewarsa, sai ka riƙa gaya musu dalilin karyewarka, ɗan ba su sarari na ɗan wani lokaci, sai ka dawo da ƙarfi, a wannan lokacin ba bashi, don ba za a sake karyaka ba, idan ka yi haka za ka iya tsayuwa da ƙafafunka.

Wanda ya so shiga sana'ar kanikanci, ga shi ya iya, har ya buɗe nasa amma mutane ba sa zuwa, zai yi wahala a ce abin hawansu ne ya daina lalacewa, ya binciki ɗayan abubuwa guda uku: Anya lokacin da yake koyon aiki ya gwanance kuwa? Don dole waɗanda suka saba da shi su biyo shi; Anya ya sami wuri mai kyau kuwa? Anya mu'amalarsa da mutane tana da kyau kuwa? Kar ya ce ba a samun komai zai canja wata, wasu na samu ai, shi ma ƙila abin da ya gani kenan, sai ya binciki abubuwan nan 3 kawai ya gyara.

14. Hannu ɗaya ba ya ɗaukar jinka: Shakka babu wannan maganar gaskiya ce, mutane da dama an haifo su talakawa ne ba su mutu ba sai da suka yi arziki, wasu an haifo su a gidan kuɗi ne, kuma mahaifin ya mutu ya bar su da gado mai tarin yawa, sai dai kuma Allah bai yi musu arziki ba sun koma sahun masu ƙwatar rayukansu da ƙyar, haka rayuwa take a kowane lokaci. Yanzu dai tunda ka san inda kake son zuwa sauko da kanka ƙasa, kai me nema ne ba ka san inda za a dace ba, yi ƙoƙari ka shiga fannin da kake so, fara tafiyar tare da su, duk da cewa arziki ake nema yanzu ba lokacin tara shi ba ne, matakin farko na sanayya ne, akan yi ƙoƙarin a saba da mai iyo ne tun rani.

Manyan mutane ba sa son ka fito musu da maitarka ta son kuɗinsu ko nuna cewa kai fa kanka ya waye ɓaro-ɓaro, yanzu sai su yi ƙoƙarin rabuwa da kai, babban abin da za ka yi shi ne ƙanƙan da kai, babu matsala idan ka yi barci amma da ido ɗaya, koyi duk abin da kake buƙata, saba da irin mutanen da suka amfana, banda ƙarya banda ha'inci, banda nuna kwaɗayi a fili, da sannu za ka ga kai ake turawa wasu harkokin, kar ka damu da cewa ba ka samun komai tunda manufarka kai ma ta ka tura wasu ne anan gaba, ba wai a yi ta tura ka ana biyan ka ba, koyi aikin sosai.

15. Mutane kala-kala ne: Wani za ka taras a rayuwarsa ba abin da ya ƙi jini irin ya ga ma'aikacinsa ba ya neman nasa na kansa, yakan yi iya ƙoƙarin sa ya ga duk ma'aikatansa suna cikin wadata, shi yake tambayarsu abubuwan da suke yi, idan ba su yi masa ba ya ɗora su a kan hanya, wani kuwa ba ruwansa da kowa, abin da ya sani aikinsa kawai, mutum shi yasan yadda zai fidda kansa, wani bai son ka nuna kana son abin hannunsa, wani kuma ba abin da yake so kamar ka nuna masa kana da buƙatar wani abu daga gare shi, kowanne akwai, lura da wanda kake tare da shi.

Na zauna da wanda bai iya ba ma'aikacinsa abin hannunsa, amma bai damu da abin da za ka samu ta ma'aikatarsa ba, ko nawa ne ma kuwa, shi da kansa zai gaya maka cewa ka yi aiki idan kana son kuɗi, bai da bakin ciki kokaɗan. Irin waɗannan idan ka same su sai ka zage dantse ka yi aiki tuƙuru don tara abin da kake so, idan kuwa ka zauna da mutanen da ba su son ci-gaban kowa to ka ɓoye wayonka ka yi karatunka ka ƙara gaba, ba matsala ba ne ka zauna da wanda kake ƙaruwa da shi ta fuskar gina kai, don dama abin da ya kawo ka kenan.

DUBA NA BAYA: Karanta Hanyoyin Samun Nasara A Rayuwa (49) Cikin Sauki

Sai dai duk halin mutum ka sani cewa ba za ka iya kaɗa fuka-fukanka ka tashi sama ba sai ka bar ƙarƙashinsa ka sami gashin kanka, mutumin da ya yi ƙoƙarin tashi bayan yana ƙarƙashin wani ya san cewa ƙume kansa zai yi ya dawo ya durƙushe, ga zafin ƙume kai ga na faɗuwa, abubuwan da ke tattare da yunƙurin tashi a ƙasan wani sun haɗa da:-

1. Ƙoƙarin shiga gaban maigida.

2. Zargin sace kuɗinsa don gina kai.

3. Ƙwashe masa abokan hulɗa.

4. Ja da shi a al'amuran rayuwa.

5. Rashin aminci ta kowace fuska, da sauransu.

Za mu ci-gaba Insha Allah.

Karanta Sauran anan»

Kalli Zafafan Hotunan Isah Adam Ferozkhan Na Cikin Shirin Labarina

Isah Adam ferozkhan wanda aka fi sani da Presdo a cikin shirin Labarina, ɗaya ne daga cikin jarumai a masana'antar shirya fina-finan Hausa (Kannywood).

Isah Ferozkhan

Hoto: Isah Ferozkhan

Hotunan sun ɗauki hankula sosai a shafukan Sada Zumunta duba da yanayin yadda aka ɗauki hotunan, wanda hakan ya taka muhimmiyar rawa sosai wajen ƙayatar da al'umma daga sassa daban-daban na faɗin ƙasar da ma Duniya baki ɗaya.

Presdo

Hoto: Isah Ferozkhan

Kalli ƙarin wasu daga cikin kyawawan hotunan na shi a ƙasa;

Isah Ferozkhan

Hoto: Isah Ferozkhan

Isah Adam

Hoto: Isah Ferozkhan

Presdo

Hoto: Isah Ferozkhan

Isah Adam

Hoto: Isah Ferozkhan

Karanta Sauran anan»

Sana'o'i 16 Da Za Su Sauya Rayuwar Mata

Babu shakka mata dake zaman aure na fuskantar ƙalubale masu matuƙar yawa, waɗanda ba kowa ne yake fahimta ba. Banda zaman aure da kula da iyali, akwai rashin tabbas na rashin kuɗaɗen shiga waɗanda za ta iya amfani da su wajen taimako, da kyautatawa, da kuma zaman ko-ta-kwana. Babu shakka akwai matan dake hali, ko suke da maza masu hali. Sai dai fahimtar yadda ake juya naira da kwabo na da matuƙar muhimmanci wajen fahimtar ƙalubalen rayuwa, darajar kuɗi da kuma nuna irin baiwa da zuciyar da Allah Ya baiwa mata. Saboda haka wannan rubutu zai mayar da hankali ne akan sana’o’in da mata masu ƙaramin ƙarfi dake zaman aure za su iya yi domin samun arziki da rayuwa mai amfani. 

JERIN SANA’O’IN DA MATA ZA SU IYA FARAWA

Hoto: Telegraph

Marubuci: Bello Galadanchi

Kafin mu fara lissafo sana’o’i, to ya kamata mu fahimci cewa idan za ki fara sana’a, to ki tabbatar kin amsa waɗannan tambayoyin:

1. Wacce matsala za ki warware wa jama’a?

2. Ta yaya sana’arki za ta rage wa jama’a ɓata lokaci?

3. Ta yaya harkar ki za ta kawo wa jama’a rahusa?

4. Ta yaya za ki banbanta sana’arki da sauran masu yin irinta?

Waɗannan tambayoyin su ne gimshiƙin duk wata sabuwar sana’a da ake son yin nasara. Idan sana’a ba za ta warware wata matsala da ta addabi jama’a ba, to kar ki kuskura ki fara. Ruyuwar nan a cike take da matsaloli da ƙalubale iri-iri. Duk inda kika duba za ki gani, akwai abubuwa iri-iri dake ciwa jama’a tuwo a ƙwarya. Mafi akasarin lokaci, mutane suna kashe kuɗi ne domin warware musu matsala. Idan har za ki warware wa jama’a matsala, to da gudu za su ɗauki kuɗi su miƙa miki. 

Sai dai kuma mafi yawancin lokuta, akwai hanyoyin da ake amfani da su wajen warware waɗannan matsaloli.

Kasancewar mun san waɗannan hanyoyi, sai ƙwaƙwalwar mu ta toshe, ta yi tunanin cewa ba za a iya samo wata sabuwar hanya ba. Wannan ba dai-dai ba ne. Anan nake so ki ɗan yi tunani, ki ƙirƙiri hanyoyin warware matsala cikin hanzari kuma cikin farashi mai rahusa. Idan kika yi haka, to jama’a za su yi watsi da ɗaya hanyar da suka saba da ita, domin yin amfani da naki. Wato a duniya babu abin da yake da daraja kamar lokaci. Lokaci ya fi kuɗi daraja, kuma sai da lokaci ake samun kuɗi. Idan har za ki rage wa jama’a ɓata lokaci, to babu shakka za ki samu nasara.

Ba dole sai kin ƙirƙiro sabuwar sana’a ba, a’a, za ki iya duba sana’ar da ake yi kullum, akwai akasi a yadda ake yinta, ko akwai matsala da kusan kuwa yake fama da shi bisa yadda ake wannan sana’a. Ke kuma idan kika tashi, to sai ki ƙirƙiri hanyar warware wannan matsala tare da rage wa kwastomomi ɓata lokaci da kashe kuɗi. 

Ga misali. Hajiyata tana da tela da take kai wa ɗinki. Telan ya ƙware, amma kwanaki bakwai yake ɗauka kafin ya kammala. Sai dai kuma bayan kwanakin bakwan, telan yakan yi jinkirin kwanaki biyu zuwa uku, sannan ga tsada. Ɗinkin riga ɗaya na kamawa dubu shida zuwa goma. To idan ke mace ce mai sha’awar ɗinki, to ga dama ta samu. Matsalolin anan su ne ɗaukan dogon lokaci, rashin cika alƙawari, tsada, da kuma zirga-zirgan zuwa wajen tela. Sai ki ƙirƙiri tsarin da zai ta warware duk waɗannan matsaloli. 

RAGE WA’ADI: Za ki iya tantance kwanaki nawa yake ɗaukar ki gama riga mai wahala, sai ki tsara yadda za ki rage wannan lokaci. Za ki iya ɗauko matasa ‘yan mata ki rarraba musu ɓangarori masu sauƙi na ɗinkin, ke kuma ki mayar da hankali akan masu wahala. 

KWANTAR DA HANKALI: Za ki iya rubuta takardar alƙawari ki saka hannu akai, sannan ki bai wa kwostomarki ita ma ta saka hannu don ki kwantar mata da hankali. Akan takardar, za ki iya saka sharruɗa kamar “Idan ba ki kammala ɗinkin a cikin wa’adin da kika yi alkawari ba, to kar ta biya rabin kuɗin ɗinkin”.

RAHUSA: Idan kuma za ki iya rage kuɗin ɗinkin, shi ma hakan zai kawo miki kwastomomi, sannan za ki iya ƙara abubuwa da yawa waɗanda wasu telolin ba sa yi. Ba sai kwastoma ta zo wajenki ba, ki ringa zuwa wajenta talla, ki nuna mata sababbin ɗinkuna. Ya zamanto kina da “LOKUTAN GARAƁASA”, inda za ki bada rahusa ta yin amfani da hikima iri-iri kamar “idan kika kawo ɗinkin atamfofi guda huɗu, to na biyar ɗin kyauta ne”, ko kuma a kowane wata, akwai irin ɗinkin da kike rage kuɗinsa da kaso hamsin cikin dari.

Za ki iya amfani da garaɓasa wajen tallata sana’arki. Kamar “idan kika saka hotunan kayana da shagona akan shafinki na facebook da WhatsApp, to zan rage nera dubu a ɗinkinki na gaba. 

TALLA: Idan kina da hali, ki nemi ‘yan wasan Hausa ku tsadance, su saka ɗinkinki a ɗauke su a hoto a gidan hoto. Idan ma za ki iya, ku tsadance a ɗauke su akan bidiyo suna yabon ki, da irin daɗin da suka ji wajen aiki dake. Ke kuma ki watsa ta Facebook, da WhatsApp da Instagram. 

Da gudu za ki ga mata suna rububin zuwa wajenki. 

KAFOFIN ZAMANI: Har yanzu jama’a ba su ankara ba da yadda ake amfani da waɗannan shafukan sada zumunta wajen bunƙasa sana’a. A wannan zamani, mutane sun gaji da talla. Kowa talla yake, kuma a ko ina. Yanzu mutane sun fi mayar da hankali akan mai tallar, ba kayan da yake sayarwa ba. Idan kina da kirki, ban dariya, murmushi mai kwantar da hankali, nutsuwa da riƙon amana, to jama’a za su bada labarinki. Yi tunani mana, sau nawa kika taɓa ganin wani yace “wai-wai, ashe wannan tsiren yana da daɗi haka?”, amma za ki ga jama’a suna rubuta kalamai kamar haka “yanzun nan na rabu da Aminu Maishayi Taraba. Mutumin arziki ne”. Duk wanda ya karanta wannan, zai ji yana begen haɗuwa da Aminu, sannan yasa a fasa masa ƙwai da indomie. Kina gani dai Aminu aka tallata ba shayinsa ba, amma harkarsa ce ta samu ci-gaba. Saboda haka za ki iya amfani da kafofin sadarwa na zamani wajen tallata sana’arki, ta samun mutane su faɗi abubuwan alhairi dangane da yadda kike riƙe sana’arki. 

Bugu da ƙari, ya zamanto kina da shafi inda kika tattara duk masu hulɗa dake. Amma shi wannan shafi ya zama waje ne na gaisawa da tattauna batutuwa na rayuwa, ba talla ko zancen kasuwancin ki ba. Hakan zai sa kwastomomin ki su shaƙu dake, su ƙara fahimtar ki, sannan su zama suna gaya wa jama’a labarinki. Wannan shi ne zai jawo hankulan mutane. Idan ɗaya daga cikin kwastomominki ta samu ƙaruwa, ki bayyana a shafinki, kuma ki yi kira ga jama’a su taya ta murna da Allah Ya raya. Idan har kina da hali, ki sayo ‘yan riguna ki aika, ki ce mata wasu daga cikin kwastomomin ne suka bayar a baki. Kar ki so ki ga yadda za ta ji daɗi, ta ƙara darajanta ki. Game da kafofin zamani, zamu yi rubutu na musamman akai. 

KYAUTATAWA: Ɗaya daga cikin abubuwan da masu sana’a ba su fahimta ba a Najeriya shi ne kyautatawa. Hankalinsu yana kan samun riba. Albishirinki, mance da batun riba na shekara ɗaya. Duk ribar da kika samu, yi amfani da ita ki bunƙasa sana’arki ta yadda za ki ci-gaba da warware wa kwastomominki matsaloli. Idan da kina kammala ɗinkin riga a cikin kwanaki uku, kuma suna biyan dubu biyar, to idan kika tara riba, a maimakon ki fara tunanin siyan mota ko wayar hannu, a’a, sai ki fara tunanin yadda za ki yi amfani da waɗannan kuɗaɗe wajen kammala ɗinkin a cikin kwanaki biyu, ko ma kwana ɗaya, da kuma yadda za ki rage farashin ɗinkin zuwa dubu uku, ko dubu biyu da ɗari biyar. Hakan zai iya yiwuwa ki ɗauko yara mata ko amare kina koya musu ɗinki, ƙarawa shagon ki girma, mallaki wani ɗan karamin shagon ɗinki da ma’aikatansa dake cikin matsala. Wani abu da za ki iya yi wanda ba a cika ganin shaguna suna yi ba shi ne kyauta. Idan kika sayi takalma, da mayafai, to duk lokacin da wata kwastoma ta yi miki cinikin misali dubu biyar, ko goma, to sai ki ba ta takalma ko mayafai ta zaɓa. Wannan ya zama al-adar sana’arki. Kar ki damu da samun riba, ki bai wa kwastoma komai ta yin amfani da hikima. Abin da kike yi shi ne tallata kanki da kasuwancinki ta hanya mai jan hankali, kuma ba kowa ne yake hakan ba. 

To jama’a, idan kuka dubi waɗannan bayanai, za’a iya ɗaukar hikimomin dake cikinsu a saka a kowace sana’a. Babban abin shi ne ki warware matsala, ki rage wa kwastoma kuɗin da take kashewa da ɓata lokaci, sannan ki jawo hankalin wasu kwastomomin ta hanyoyin da ba kowa ne yake bi ba. 

To yanzu ga lissafin sana’o’in da matar aure mai zaman gida za ta iya farawa ba tare da jari ba. 

1. HAJIYA GOOGLE: Wannan sana’a ce ta taimakawa mutane samun abin da suke nema. Misali shi ne akwai wanda yake so ya sayi mota Honda Accord 2002, kuma yana so ya kashe dubu ɗari shida, ke kuma sai ki aika saƙonni a shafukan Facebook da WhatsApp da Instagram, ki nemi wanda yake da wannan mota kuma yake sha’awar sayarwa. Idan kuka tsadance, to shi kuma sai a nuna mi shi mota. Idan ta yi, to sai ya biya kuɗin ta, ke kuma a yanka miki kwamashonki. Idan kina sha’awar wannan, to ya zamo kina cikin shafuka iri-iri akan Facebook da WeChat. Sai ki rubuta sanarwa kamar haka “Assalamu alaikum. Idan akwai wanda yake son sayar da Honda Accord 2002, ya iya aiko mun da hotunan ta.”

2. KOYAWA MATA DABARUN ZAMAN AURE: Babu shakka akwai matsala a wannan zamani, inda ‘yan mata da yawa da samari ba su fahimci zaman aure ba. Akwai abubuwa da yawa kamar rashin tsafta, iya kwalliya, iya girki, iya magana, ladabi da biyayya, da fahimtar yadda namiji ko mace ke tunani. Bisa la’akari da yadda aure yake saurin tarwatsewa a wannan zamani, koyar da zaman aure zai iya zama sana’a mai kyau idan malamar ta tsara shi sosai yadda zai ja hankalin jama’a, kuma ya ƙayatar da su. Ban da darrusa, za’a iya tsara wasannin kwaikwayo, kallon fina-finai, gasar girki, gasar kwalliya da kuma Certificate a ƙarshe. Wannan zai harzuƙa amare kuma jama’a za su yi marmarin shiga wannan makaranta. 

3. RUBUTA ƘASIDU DA WAƘE-WAƘEN SIYASA: Ba ke ce za ki rera waƙoƙin ba, amma za ki iya rubuta su, sannan ki sayarwa mawaƙa, ko wasu ‘yan siyasan dake ƙaunar wanda kika rubuta waƙar akan shi. Misali shi ne Malam Bello babban ɗan siyasa ne. Malam Aminu yana ƙaunar Mallam Bello. Idan kika rubuta waƙa akan Malam Bello, to ko za ki iya tallatawa Malam Aminu, ko wani mawaƙi ya rera ta don ki sayar wa Malam Aminu ko Malam Bello. Idan za ki rubuta waƙoƙin da kalmominsu sun yi fice, ba kamar waɗanda muke ji kullum ba, to kuwa za ki samu kasuwa. Idan za ki iya bai wa mutane dariya da farin ciki da waƙoƙinki, to ‘yan siyasa za su yi ta aiko saƙonni. 

4. FRUIT SALAD: Wannan sana’a ce mai sauƙi, kuma ba kowa ne yake yin ta ba. Ki fara da maƙota, da ‘yan uwa. Kina aika musu, suna sha. Ki share makonni kina yi, idan har akwai daɗi, to za ki ga jama’a sun fara ƙwanƙwasa ƙofa. Sirrin shi ne ki zuba lemo irinsu 5 Alive da Tang a ciki. Ɗan Adam yana son zaƙi.

5. HAƊA DARASI: Idan kin kammala karatu, to za ki iya zama mai haɗawa malamai darasi. Idan kina da na’ura mai ƙwaƙwalwa, to sai ki yi amfani da ita wajen kasafta lokacin darasi da abubuwan da za’a koya. Idan kin iya wannan aiki, to za ki iya ɗaukar malamai suna koyarwa a ƙofar gidanki, ke kuma kina neman ɗalibai a WhatsApp da Facebook. Ki biya malamin albashi, ki yanki naki rabon. Idan ki tara kuɗi, to sai ki yi hayar waje, ki nemi rijista, ki yi hayar manaja ya zama principal. 

6. MAI NEMAN ASALI: Akwai jama’a da ke so su san asalin iyayensu da kakanninsu. Idan kina da wannan baiwa, to ki mayar da ita sana’a. 

7. RUBUTA TATSUNIYOYIN YARA: Me zai hana ki rubuta tatsuniyoyin yara? Ai babu wahala, ki tantance yara ‘yan shekaru nawa za ki rubutawa, me iyaye suke ƙoƙarin koya musu a waɗannan shekaru, sannan ta yaya za ki yi amfani da hikima wajen rubuta labari mai ɗauke da wannan batu?

8. MALAMAR QUR’ANI: Za ki iya zama malamar mata. Ba dole sai yarinya mace taje wajen malami namiji ya koya mata karatun Qur’ani ba. Ki buɗe makaranta a cikin gidanki, kuma ɗalibai su ringa biya awa-awa. Zai iya kasancewa su ɗauki karatun da za’a share sa’o’i 30 domin kammala izifi biyar. Za’a ringa zuwa makarantarki sau biyu a mako, kuma karatun sa’o’i biyu za’a ringa yi. Za ki iya karɓar ɗari 2 duk sa’a ɗaya, saboda haka ɗari 4 kenan kowace ranar karatu. N800 a mako, N6,000 na sa’o’i 30. Idan kina da ɗalibai biyar, kin ga za ki tashi da N30,000 kenan. Shin akwai abin da yafi samun kuɗi da lada a lokaci guda?

9. KULA DA ‘YA’YAN MUTANE: Idan kina da gida mai tsafta, to za ki iya kafa sana’ar kula da yara idan iyayensu ba sa nan, ko suna buƙatar hutu. Mata masu aure sau da dama suna fuskantar ƙalubale daga ƙananan yara, wani lokacin har bacci ma gagararsu yake. Idan kin iya mu'amala da yara, to wannan sana’arki ce. Ita ma awa awa za’a ringa biyan ki. 

10. MARUBUCIYAR JAWABAN SIYASA

11. GWANJO

12. KULA DA TSOFAFFI

13. ƊINKIN HULA

14. HAƊA TAKALMI

15. RUBUTA LABARAN SOYAYYA

16. KWALLIYAR MATA

GARGAƊI: BABU BASHI! BABU BAYAR DA BASHI!!! BABU BASHI!!!!!!!! MASOYINKA BA YA KARƁAR BASHI A HANNUNKA!!!! MASOYINKA NA SO KA CI-GABA, SABODA HAKA SHI NE MUTUM NA FARKO DA ZAI BIYA KA DON KA BUNƘASA SANA’ARKA. SABODA HAKA BABU BABU BABU BABU BASHI!!!! GWAMMA AN BARKI DA KAYANKI, DA KI BADA BASHI.

Karanta Sauran anan»

Dadin Da Ke Cikin Soyayya Tare Da Rahamar Da Ke Cikin Alakar Masoya

Duk da cewar lamarin so nada ban al'ajabi ba za a fasa cewa so da daɗi ba.

Shi kansa kalmar so daɗi gareshi don haka ne ma ba a furta shi wajan da babu shi.

Kafin a furta shi sai an tabbatar da an ji shi.

Ba a jin shi har sai an gan shi.

Daɗin Soyayya

Hoto: Wallpaper House

Marubuci: Nura Nakowa

Idan aka ganshi sai zuciya ta karɓe shi. Idan kuma zuciya ta karɓe shi sai rai ya yi daɗi. (Wato ba a furta so ga wanda ba a ji son shi ba kuma zuciya ba ta yi na'am da shi ba).

A duk lokacin da mutum ya ga wadda ya so ko wadda yake so koda ba su fara soyayya ba sai ya ji daɗi a ransa. Abin da ake ji rai na farin ciki shi ne daɗin so. 

Idan kuma aka fara soyayya ana ganin juna kuma ana samun musayar kalamai masu daɗi da sanyaya zuciya sai ka ga masoya suna shiga cikin walwala.

Idan rai ya san cewa ya samu wanda yake sonsa. To, wannan kaɗai ya ishi mutum jin daɗin rayuwar duniya.

Samun nutsuwa a tsakanin masoya yana sa su manta da damuwarsu.

A duk lokacin da za a yi maka magana za a yi maka me daɗi, ba za a yi maka magana da hararramu ba. Ba za a nuna maka izza da isa ba. Ba za ayi maka gatsali ko shaguɓe ba, a'a, magana za dinga yi maka a cikin hikima da nutsuwa domin kada ka ji wani abu a ranka.

Hakanan kuma duk lokacin da ake hira da kai a cikin hikima da dabara za a dinga furta maka abin da zai ƙarawa soyayyar ku armashi.

A ko da wani lokaci ana haba-haba da kai.

Ba a so ranka ya ɓaci.

Ba a so a daina jinka.

Ba aso a ji ka ce yau ba zan zo ba.

Komai ka buƙata ba za a so a ce maka babu ba, duk yadda za ayi sai an taɓuka wani abu. Burin zuciya shi ne kawai a faranta maka.

Za a yi maka hidima ba tare da ka nema ba. Za a yi maka tanadi kafin ka zo. Za a ba ka ba tare da an buƙaci naka ba. Kana da shi ko ba ka da shi ba a damu ba kawai dai soyayyar ka ake da buƙata.

Duk wani abu naka shi ake son a ji ko a gani. An damu da kai fiye da yadda ka damu da kanka.

Lafiyar ka da hulɗar ka da jama'a da mu'amalar ka ta yau da kullum, duk suna ran masoyinka. Kai, wani abin ma sai dai ayi shiru kurum.

Tabbas so da daɗi. Akasi ne yake sa a ji babu daɗi.

Masu soyayyar gaskiya suna jin daɗi.

Ya Allah ka farantawa masoya masu soyayya don Allah.

Alhamdu lillah.

Domin kyautata soyayyar ka da zamantakewar aure da kuma sanin haƙiƙanin mene ne ainihin so da abin da yake assasa so a cikin jikin Ɗan Adam, ka nemi littattafai na 'Sinadarin So' da 'Mene Ne Soyayya'.

Za ka same su a shagon 'Abin Yabo Book Shop' kasuwar kurmi, 'yan littafi, rijiyar 'yan goro.

Ko ka kira Abu Huraira akan wannan lambar 08036527328.

A ci-gaba da bibiyar mu a ranakun Litinin, Laraba, da Juma'a domin ganin abin da muka wallafa na soyayya.

Karanta Sauran anan»

Karanta Hanyoyin Samun Nasara A Rayuwa (49) Cikin Sauki

8. CANJA ABOKAI

Maganar gaskiya sauya abokai wurin mai neman nasara ba mafita ba ne, sai dai maganar da ake yi ita ce "Ƙarin abokai" su wa ka ƙara? Don me ka ƙara su? Abokanka da ka taso tare da su a kan 'yan uwantaka da taimakekeniya har yanzu suna nan da wannan matsayin a wurinka ba ragi ba ƙari, waɗanda kuma sana'a ko son ci-gaba a rayuwa suka kawo maka su ma tanan za ku haɗu, shin waɗanda ka samu daga bayan nan sun zo ne su ƙara maka ci-gaba a kan hanyarka ta zama mai sukuni ko sun zo ne a dalilin sanayya a baya? Idan dai arziki suka zo ci to su biyo bayan abokanka na yaranta, su daina shige maka.

Maganar Gaskiya

Hoto: Quantum Workplace

Marubuci: Baban Manar Alkasim

Idan kuwa abokan sana'a ne to ya matsayinsu? Waɗanda za ka ƙaru da su ne ta fuskar aiki ko ƙara maka sanin makama za su yi? Duk wanda zai taimaka wurin haɓakar arzikinka shi ne yake sahun farko a rayuwarka ta fuskar kasuwanci da sana'a, wanda zai taimaka maka ta fuskar rayuwa kuwa to ya biyo ta wurin abokanka na kusa waɗanda ka yarda da abokantakansu, ba su da baƙin ciki da kowa, kuma ba mahandama ba ne, idan ka sami wannan ginshiƙi ba shakka ka ajiye ɗan-ba na gina kanka a rayuwa, wani mutumin abokansa ke wargaza shi, su suke ɓata sunansa a wurin jama'a, musamman abokan da aka same su daga baya. Kar ka yarda wasu mutane 'yan ƙalilan su shiga tsakaninka da sauran jama'a. 

Ka sami wanda ka amince da shi wanda za ka riƙa tuntuɓarsa ta fuskar zumuntarka, wani ta ɓangaren abokanka, wani ta fuskar addini musamman halas da haram, wani kuma ta sashin dokokin ƙasa, don kar tsantsi ya kwashi ƙafarka ka wuce wani wurin, idan dai za ka samu ƙumbar susa to abokai kala-kala za ka gani. Kai dai kar ka yarda ka watsar da waɗanda suka so ka, suke tare da kai tun ba ka da ko sisi, irin waɗannan tserewa za su yi su barka, don gujewa da mutuncinsu. Kar ka ba su wannan damar, kamo su don su ci gaba da taimaka maka zuwa ga nasara, 'yan bambaɗanci da gulmace-gulmace kuwa ja musu layi, matso da na ƙwarai waɗanda za su riƙa shiryar da kai.

9. ME KAKE BUƘATA?

Yi tunani sosai cikin tsanaki, me kake buƙata: Nasara, dukiya, jajircewa... Wannan aikin ya fi ƙarfinka kai kaɗai, yanzu wa ya taɓa shiga inda kake ƙoƙarin shiga kuma ya ci nasara? Yaushe ya fara? Wasu hanyoyi ya bi? Yi ƙoƙari ka san irin ƙalubalen da ya samu a tsakiyar tafiyar da kuma hanyoyin da ya bi wurin warware su, saka a zuciyarka cewa kai ma fa zuwa nan da wasu 'yan lokuta kaɗan za ka kamo shi. Kar ka damu da manyan matsalolin da za ka hango, ita faɗuwa ba matsala ba ce matuƙar za a iya tashi a ƙara zage himma, ko ba komai an sami wani sabon ilimin da zai hana faɗuwa nan gaba, babbar matsala ita ce idan an faɗi a shantake, a yi tsammanin komai ya ƙare kenan.

10. Banda koke-koke: Wani al'adarsa kenan, ko rowa yake son yi maka sai ya yi ta zargin sana'arsa yana kushewa tare da faɗin munanan kalamai don dai ka san cewa ba ya samun komai, banda zargin sana'a ko zargin abokan sana'a, wani idan bai sami abin da yake so ba to a kan sana'ar zai ƙare, ko ya abka wa abokan sana'arsa ko ya ce wane ya yi min kaza, ba don shi ba da yanzu na sami kaza, ko wallahi ina son yin abu kaza amma su wane nake tunani, bayan abin da zai samu nasa ne shi kaɗai, kawai idan ya gaza ya yi ƙoƙarin gano abin da ya hana shi sannan ya fuskanci matsalolinsa zuwa ƙarshe, me ya sa ya gaza? Ya zai yi maganin hakan anan gaba?

11. Banda gaggawa: Galibin waɗanda suka ci nasara a rayuwarsu ba su yi gaggawa ba, bi a sannu, yi ƙoƙari ka san mutane a fannin da za ka shiga, babban kuskure shi ne ka nemi su ba ka kuɗi, dage kawai ka san hanyar da suka tara kai ma ka bi, idan ka ce kai yanzu-yanzu kake son abu za ka sha wahala, na zauna da kala-kalan mutane da dama, wasu ina tare da su ne ba su ma yarda ina cikinsu ba, sun nuna ta fuskoki daban-daban, amma ni na san me nake ƙaruwa da su don haka na nuna ban san me suke yi ba, da haka na gama sakandare na yi dufuloma har na iso matsayin da nake ciki, ban karɓar kaye a cikin sauƙi, kuma da wahala ka ga ban kai inda nake so ba, ba abin da ya fi kyakkyawar niyya, naciya da haƙuri amfani, malam Jafar Allah ya jiƙansa ya nuna cewa nasara ba ta samuwa idan ba haƙuri.

12. Banda ɗaukar zugi: Da yawa wasu abin da yake raba su da ma'aikatansu kenan, kullum ka riƙa zaton wane zai cutar da kai, ka riƙa sakawa ana jiyo maka me yake cewa? Na zauna da wanda har waya ake yin recording ake kai masa, wai ga abin da wani ke faɗi a kansa, kai har taro yakan haɗa ya sa a ɗauka a waya a kai masa don dai ya ji me ma'aikatansa ke faɗi a kansa, sai ya zamo bai da natsuwa da duk wanda yake tare da shi, bai yarda da kowa ba, ga kamfaninsa babban kamfani, a ƙarshe dai ɗan ƙaramin abu ma sai dai ya yi da kansa. 

Wannan ya hana kamfanin bunƙasa, kullum yau a jiya, dole mutum ya yi maganin irin wannan cutar dake harɗe shi ta hana shi zama babban mai sukuni, wani sa'in waiwayen ƙaramin abu zai sa a wuce babba ba tare da an ganshi ba.

DUBA NA GABA: Karanta Hanyoyin Samun Nasara A Rayuwa (50) Cikin Sauki

Saki jiki, sami ma'aikatan da ka yarda da su, riƙa bincikawa idan suna yin aikinsu kamar yadda ya dace, kar ka yi sakaci da kuskure komai kasawarsa sanya a gyara ba tare da masifa ba, a ja wa mai kuskure kunne don ya kiyaye gaba, rage wa kanka aiki ta wurin samun waɗanda ya dace su tsaya a kan wasu ayyukan, maida hankali kan ƙololuwar sana'ar, yi ƙoƙari shugabannin kowani sashe su riƙa ganinka a kullum ko a lokutan da suka dace don jin inda aka tsaya da inda za a tashi, duk wata matsala na da yadda ake warware ta, don haka ba ka da matsala da kowa a kan abin da za a iya gyarawa, wanda ya ɓaci gaba ɗaya musamman wanda yake da alaƙa da yarda ko aminci to bi a hankali har ka rabu da shi, musamman idan ya zamo wanda ba zai gyaru ba.

Za mu ci-gaba Insha Allah.

Karanta Sauran anan»

Dalilan Da Yasa Mutane Masu Basira Suka Fi Nutsuwa A Ko'ina

Idan za ka iya warware matsalar, to mene ne dalilin tayar da hankalinka?

Idan ba za ka iya warware matsalar ba, to ina amfanin tayar da hankalinka?

Jama'a idan kuka yi nazari, za ku ga cewa tayar da hankali ba shi da amfani a kusan kowani lokaci.

Mutane Masu Basira

Hoto: Betterup

Marubuci: Bello Galadanchi

Ga misalai:

1. Akwai jarrabawa mai matuƙar muhimmanci dake tafe kuma ka damu. Idan ka tayar da hankalinka, ba za ka iya yin bitar karatunka ba yadda ya kamata. Sakamakon haka, sai ka gagara taɓuka abun arziki a jarrabawar. 

2. Ɗan fashi ya tare ka, kuma ka tayar da hankalinka. Hakan zai iya fusatar da shi har ta kai ga yi maka illa. Ka ga daga murhu ka faɗa rijiya. Allah Ya kiyaye. 

3. Kai ne shugaban ma'aikata a wajen aikinka, inda kuka samu kanku a cikin wata matsala, ko ƙarancin lokaci. Wannan dama ce da ya kamata ka harzuƙa mabiyan ka, ka ba su ƙarfin gwiwa, ka nuna shugabanci don ku samu ku kammala abin da Allah ya sawwaƙe. Idan ka yi hakan, akwai yiwuwar za ku ma iya warware matsalar baki ɗaya. Idan kuwa ka tayar da hankalinka, to za ka rage wa mabiyanka ƙarfin gwiwa. Sakamakon haka, ba za ku yi aikin yadda ya kamata ba. 

A ƙarshe, duk lokacin da ka tayar da hankalinka, to ƙwaƙwalwarka na samun ƙalubale wajen tunanin hanyoyin warware matsalar da neman mafita. Saboda haka mu kwantar da hankulanmu, mu yi addu’a. 

Allah yana nan a kowani hali.

Karanta Sauran anan»

Matsalolin Soyayya 12 Ga Masoya

Shi dai so abu ne me daɗi wanda kowa yake so, to amma a cikinsa da akwai wahalhalu kala-kala waɗanda kowa da irin wanda ya taɓa fuskanta.

BABBAR WAHALAR DA KE CIKIN SOYAYYA

Hoto: Wallpaper House

Marubuci: Nura Nakowa

Wani bai taɓa shan wahalar soyayya ba, wani ya sha ɗan kaɗan, wani kuma gabaki ɗaya soyayyar sa a wahale take.

Idan aka ce wahalar da ke cikin soyayya wasu za su yi tunanin cewa rashin dace a soyayya ko ka nema ka rasa shi ne kaɗai wahalar soyayya. Ba haka ba ne. Daɗi da ɗacin da ke cikin soyayya kowannen su yana ɗauke da nasa irin nau'in wahalar.

Bari mu fara da ɓangaren daɗin:

Daɗin dake cikin soyayya shi ne Farantawa, Kyautatawa, da Kulawa.

To a yayin gabatar da waɗannan abubuwan guda uku dole sai da ujula. Kowanne daga cikin su (farantawar da kyautatawar da kulawar) a aikace ake yinsa.

Dukkanin su suna buƙatar lokaci da yanayi da kuma Ihisani. Sai ka samu lokacin da za ka dinga zuwa yin hirar da za ta farantawa masoyiyar. Haka ma ita macan. Hakanan kuma a soyayyar ku kakan yi alkhairi da yin kyauta, kamar sayawa masoyin ka abin da zai ci ko ya sha ko abin da zai saka a jikinsa domin ya yi kwalliya irin su sutura da kayan ƙyaleƙyale.

Waɗannan aikace-aikacan da zirga-zirga da baye-bayen da kakeyi, su ma wahalhalu ne a cikin soyayya amma ba a lissafa su a matsayin wahalar da ke cikin soyayya saboda su suna taimakawa ɗorewar soyayyar ne.

Da za ka tsaya ka yi lissafin lokacin da ka ɓata ba dare ba rana kana zuwa hira, da dukiyar da ka kashe a dalilin zuwa hirar, to za ka san cewa ba ƙaramin aiki ka yi ba. Kuma kai ka san cewa idan ba a dalilin so ba, babu wanda ya isa yasa ka yin wannan hidimar.

To wannan kenan;

Idan kuma za mu duba ɗayan ɓangaren na Ɗacin So a matsayin wahalar dake cikin soyayya, za ka ga cewa rashin dacewa da samun wanda zai so ka shi ne kan gaba a wannan matakin domin shi ne zai sa ka rinƙa shiga cikin ragowar matakan tsanani da ƙuncin da za ka iya tsintar kanka a ciki.

A sanadiyyar soyayya wani/wata ya shiga cikin ruɗanin da bai ma san ana sonsa ko ba a sonsa ba.

1. Wani ya san ba a sonsa amma yana sa rai da cewar wataran za a so shi. Kuma haka za a yi ta tafiya har a rabu ba tare da an so shin ba.

2. Wani ya kashe dukiya me tarin yawa amma ko sau ɗaya bai taɓa cin ribar abin da ya kashe ba saboda ba a karɓi soyayyar sa ba.

3. Wani kuma rayuwar soyayyar sa mujadala aka dinga yi saboda wadda yake so tanada manema dayawa. Ko da kuwa zai yi fintinkau a ƙarshe, shi kansa yasan babu sauƙi.

4. Wani yana ji yana gani za a bada wadda yake so ga wani amma babu yadda zai yi.

5. Wani yana so ana son shi amma kuma iyayensa ko iyayenta su ce ba za ayi auren ba. Haka zai yi ta fama amma ba za a yi auren ba. Kuma koda kuwa anyi auren, to fa babu kwanciyar hankali.

6. Wani kuma ƙarancin shekaru ko ƙarancin lokaci ko rashin ko rashin sana'a ko aikin yi ne yake jefa shi cikin shan wuya a soyayya, yayin da wani kuma an rena arzikinsa ne ko asalin sa shi yake haifar masa da wahalhalun soyayyar sa.

Da akwai kuma waɗanda wahalar tasu ta zarce na waɗannan.

7. Wani ya ci dukan tsiya akan Soyayya.

8. Wani an ɗaure shi.

9. Wani an yi masa sharri iri iri.

10. Wani an yi masa barazana da lafiyar sa da rayuwar sa.

11. Wani ma ya rasa rayuwar sa akan soyayya.

12. Kai, na ga wanda aka ɗaure shi tsawon watanni sai bayan an yi auren yarinyar da yake so sannan aka sako shi, amma a cikin ikon Allah sai da ta zama matarsa bayan ta yi auren ta fito da 'ya'ya biyu.

Alhamdu lillah.

Kaɗan kenan daga cikin abin da na za ƙulo na irin wahalhalun da ke cikin soyayya.

A ci-gaba da bibiyar mu a ranakun Litinin, Laraba, da Juma'a domin ganin abin da muka wallafa na soyayya.

Karanta Sauran anan»

Hukunci Tare Da Muhimmancin Yin Aure Ga Musulmai A Addinin Musulunci

Yin aure, abu ne da ya dace da  shari'a da lafiyayyan hankali da al'ada mai kyau. Akwai hikimomi da fa'idoji masu tarin yawa wajan yin aure, ga maza da mata, Allah ta'ala ya ce: (fassara) "Su matanku tufafi ne a gareku kuma tufafi ne a gare su.". Suratul Baƙara. 

Muhimmancin Yin Aure Ga Musulmai

Hoto: About Islam

Marubuci: Sheikh Aminu Ibrahim Daurawa

AURE A INUWAR MUSULUNCI DAGA LITTAFIN KIMIYYAR AURE

Wannan  aya ta nuna aure ado ne kwalliya ne, sutura ne rufin asiri ne mutuncin ne da daraja, saboda yadda aka kamanta rayuwar ma'aurata da tufafi, yadda tufafi suke ga Ɗan Adam, suna da amfani da yawa don haka aka kamanta rayuwar aure da tufafi, daga ciki amfanin tufafi akwai rufe tsiraici da yin kwalliya, da sutura, kuma duk wanda zai ɗinka tufafi yana buƙatar yasan kalar yadin da zai saya, na auduga ko na kattani ko na roba, mai kauri ko mai shara-shara,  mai tsada ko mai arha ko tsaka-tsaki,  fari ko baƙi ko wata kala daban, sannan wajan ɗunki mai yalwa ko mai matsi, ko kadaran kadahan, to haka rayuwar aure take wajan zaɓin abokin zama.

HUKUNCIN YIN AURE

Kasancewar mutane sun bambanta a halitta da halaye da yanayi, yasa malamai suka kalli ayoyi da hadisai da suka yi kira akan yin aure suka ba su fassara kashi uku:

Wasu malamai suna ganin yin aure sunna ne, abin da suke nufi, idan ka yi aure za ka sami lada, amma idan ba ka yi aure ba, kuma ba ka yi fasiƙanci ba, ba ka da alhaki. Wannan shi ne ra’ayin mafi yawan malamai, Badayatul mujtahid na Ibn Rushed 2/23. Addasuƙiy 2/214. Almugniy 6/446.

Na biyu sun ce yin aure sau ɗaya a rayuwa wajibi ne ga mutum, idan ya zauna bai yi aure ba ya yi laifi, domin wajibi shi ne abin da shari'a ta nemi ayi shi dole, idan mutum ya yi yadda aka umarce shi zai sami lada, idan kuma yaƙi ya zama abin zargi, kuma ana iya yi masa uƙuba akan haka. Saboda ko ba komai aure yana cika kamalar mutum mace ko namiji. Kuma abubuwan da suke cikin aure suna da yawa na buƙatu tsakanin namiji da mace, don haka idan aka yi aure kowa zai amfana. Wata ruwaya daga Alimam Ahmad, da wasu manyan Malamai daga cikin magabata, Almuhallah na ibn Hazamin, 9/440. Fathul Bariy 9/110. Dauda azzahiriy, Ibn Hazamin.

Na uku suka ce shi aure ya kasu gwargwadon yadda mutane suka karkasu;

Na ɗaya wanda aure ya zama wajibi a kansa. (shine wanda yake da ƙarfin sha'awa kuma yana da halin da zai iya riƙe auran ko sana'a, kuma idan bai yi auran ba zai yi lalata.).

Na biyu wanda aure ya zama sunna akansa. Wanda zai iya ɗaukar nauyin iyalin kuma yana yin wata sana'a ko neman ilmi, ba shi da sha'awa mai ƙarfi).

Na uku wanda aure ya zama haramun akansa. (Wanda ba zai iya ɗaukar nauyin matar ba, kuma ba shi da buƙatar auran, ko idan ya yi zai dinga cutar matar, wajan hana ta haƙƙoƙinta, ko ba shi da lafiya wajan biyan buƙatar iyali).

Na huɗu wanda aure ya zama makruhi akan sa. (ba a so ya yi aure saboda ya shagala da wani abu mai muhimmanci, ko ibada ko wani ilimi, ko wani bincike wanda ya hana shi samun lokaci, ko kuma ba shi da sha'awa, kuma babu tsoran yin lalata tare da shi.).

Na biyar wanda aure ya zama halal a gare shi (idan ya yi babu matsala, idan bai yi ba babu matsala).

Wannan shi ne magana Malikiyya, kuma akwai irin wannan ya shahara a fatawar daga wasu cikin shafi'awa da Hanbaliya. Fathul Bariy 9/110. Alƙawaninul Fiƙhiyya Ibn Juzay. 193.

 

Wannan shi ne fassara da malamai suka bayar ga dukkan ayoyi da hadisai masu kira da yin aure.

 

Amma ba kowa ya kamata ya yi aure ba saboda wasu ba su da sha'awa wasu ba su da lafiya wasu ba su da hali wasu ba su da lokaci, wasu kuma sun shagala da wani abu da ya fi yin auran muhimmanci a wajan su a wannan lokacin, kamar yadda Shaikh Abu Gudda ya kawo tarihin wasu malamai maza da mata waɗanda har suka gama rayuwar su ba su yi aure ba, yawan ya haura talatin, a cikin littafinsa mai suna Al'ulama'ul Uzzab.

Haka kuma ba kowa zai ƙi yin aure ba, domin wasu suna da buƙatar yin auran, domin samun zuriya, wasu domin samun abokin rayuwa wasu domin kare kai da gujewa lalata, kamar zina, maɗigo da luwaɗi, wasu domin ƙara mutunci da kamala.

Karanta Sauran anan»

Ingantattun Shawarwari 10 Ga Masu Son Yin Nasara A Rayuwa

1. KAR KU TAƁA MIƘA WUYA A KOWANE HALI: Idan kuka yarda da kanku, to sauran jama’a ma za su yarda da ku. Idan kuka ƙi miƙa wuya a yaƙin zaman duniya, to sauran jama’a ma ba za su taɓa daina bin ku ba. Mutum ɗaya ba zai taɓa yin abubuwan da mutane da yawa za su iya ba, saboda haka ku haɗa kai da sauran jama’a, ku ba su dama su ma su kwatanta yin abin arziki a duniya. 

Shawarwari 10 da za su inganta rayuwarku 

Hoto: The Down Reh

Marubuci: Bello Galadanchi

2. KAR KU YI AMFANI DA TSOFAFFIN AƘIDU DA RA’AYOYI: Kuna da ‘yanci da damar laƙantar sababbin ra’ayoyi da aƙidu. Babu wanda ya isa ya saka ku dole ku bi ra’ayin da ba ku amince da shi ba. Ko maciji na canza fata, saboda haka kuma matasa nauyi ya hau kawunanku wajen canza aƙidun siyasa, shugabanci, ilimi da sauran ɓangarorin rayuwa. Kar ku zama tumaki, waɗanda ke bin kowa da komai ido rufe. 

3. KAR KU JIRA SAI AN BA KU – KU NEMA, KU TAMBAYA: Ku nemi abin da kuke buƙata komai ƙanƙantar shi. Ina so ku sani cewa duniyar nan ba wajen kiwon sarakuna ba ne. Idan kuna son wani abu, ku tambaya, kuma ku ba da hujjoji masu ƙwari da suka sa kuko so. Idan ba ku samu ba, kar ku yi fushi, kar ku miƙa wuya. Ku ƙara tambaya. 

4. KU TAIMAKI MASU ƘARAMIN ƘARFI DA MARASA GALIHU: Kowa na da baiwa. Baiwa mafi amfani a duniyar nan shi ne wanda ya taimaki jama’a wajen kawo ci-gaba. Wacce baiwa kuke da shi, kuma ta yaya za ku yi amfani da ita wajen taimaka wa jama’a? Kar ku zama ‘yan jari hujja. Ba komai ba ne ya cancanci riba, amma duk wani aikin alkhairi na da sakamako mai kyau ta hanyoyi iri-iri, ko yau, ko gobe. 

Tausayi na da matuƙar muhimmanci a rayuwar bil adama. 

5. FARIN CIKINKU DA KWANCIYAR HANKALI NA KAN KAFAƊUNKU: Kar ku bari wasu su ɓata muku rai. Kuna da alhakin yanke shawara idan za ku bari abu ya ɓata muku rai, ko kuma za ku nutsu ne domin fahimtar daliliai da neman mafita. 

Ku tuna cewa duk wanda ya yi nasarar fusatar da ku ya yi nasara, kuma ya samu iko akan ku. Faɗa, tashin hakali, cece-kuce, gardama da zafin kai ba za su warware matsala ba. Duk zafi, duk wuya, ku kwantar da hankulanku ku yi tunanin mafita. 

Yawaita ƙorafi da nuna fushi na ƙalubalantar manufofinku na rayuwa. 

6. KU KASANCE ABIN SHA’AWA A KO YAUSHE: Duk abin da za ku faɗa, duk abin da za ku yi, duk inda kuke, ko da wa kuke, ko me kuke yi, ku kasance abin marmari da misali. Ku faɗi alheri, ku saka tufafi masu kyau da tsafta, ku yi murmushi kuma ku saurari jama’a idan suna hira da ku. 

7. KU FI KOWA AIKI TUƘURU BA TARE DA NEMAN IHISANI BA: Ku sadaukar da kawunanku da lokutan ku ga ayyukan da kuke sha’awa. Kar ku yi kuskure. Kar ku bari abubuwan da suke cikin zuciyoyinku su shafi ayyukanku. Ko albashinku ɗan kaɗan ne, ku tuna cewa ƙwarewa da ilimin da za ku samu a wajen aikin ya fi kuɗi daraja. Jama’a su sanku a matsayin mutane masu zuciya, aiki tuƙuru, kuma waɗanda za’a iya dogara akan su ko yaushe. Sakamako na tafe, ko yau, ko gobe. 

8. KU GIRMAMA DUK WANDA KUKA HAƊU DA SHI: Ku watsar da nuna banbancin al’ada, addini, aƙida, yanki da arziki. Idan kuka yi tunani, za ku fahimci cewa mafi yawancin jama’a ba su zaɓi halin da suke ciki ba. Saboda haka ku yi murmushi, ku girmama su, sannan ku kasance masu sauƙin kai da kirki. Ba za ku taɓa sanin ko da wa za ku haɗu ba. 

9. KU RIGA KOWA FARKAWA DAGA BACCI: Ku riga rana tashi daga bacci. Masu yin haka sun fi kowa cimma burinsu na rayuwa, kuma wannan lokaci ya fi kowanne daraja da albarka. Idan karatu ne ba ku gane ba, to wannan lokacin shi ne ya fi cancanta wajen ƙarin ilimi.  

10. KU CANZA KASASHEN KU: Idan kasashen ku na fuskantar ƙalubale, kar ku zauna ku yi ta ƙorafi. Ku samu fanni ɗaya da kuke gani za ku iya gyarawa, ku fara. ‘Ya’yan ku, jikokinku da tattaɓa kunnen ku ba su da wajen zuwa. Dole su zauna a wannan ƙasa, komai zafi, komai wuya. Saboda haka idan kuka fara gyarawa, to kun kafa tushen ci-gaba da warware matsalolin da za su saka ‘ya’yanku da jikokinsu su yi matuƙar farin ciki nan gaba. 

Ku tuna cewa duk wani abu mai kyau yana da wahalar samu. Idan kuwa ba ku yi komai, to kune za ku yi da-na-sani.

Karanta Sauran anan»

Kyakkyawar Wasikar Budurwa Zuwa Ga Saurayi

Yau Lahadi, 10 ga watan May, 2020  matata wacce zan aura ta dawo min da amsar wasiƙar da na aika mata.

Wasiƙa zuwa ga masoyi

Hoto: CUTE WALLPAPER

Marubuci: Bashir Abdullahi El-bash

Ga abin da ta ce:

"Ranka ya daɗe mijina wanda zan Aura,

Ina Son Ka,

Tsawon shekaru na roƙi Allah ya turo min miji nagari mai tsoronsa. Ban taɓa fahimtar amfanin addu'ata ba sai anan kusa-kusa da na gane muhimmancin samun mijin da na ke fata. Ina tunanin an halicce ka ne kawai domin ni, ka na tafiya a wani wuri a cikin wannan duniya. Ina cike da fatan ka ci-gaba da bin tafarkin Ubangiji wanda zai jagorance ka ka dawo gare ni.

An halicci mace daga haƙarƙarin namiji ba daga ƙafar da ya ke takawa ba, ba kuma daga kansa ba, sai daga ɓangaren da za ta kasance tare da shi ƙarƙashin kulawa da soyayya. Ba zan taɓa tsammanin ka kasance ma'asumi komai naka ya zama ɗari bisa ɗari ba, domin Allah ya sani ni ma ba haka na ke ba.

Za ka iya yin kuskure. Saboda haka, na sani, za mu ɗauki darasi daga kuskuren da ya gabata domin mu kasance tsintsiya maɗaurinmu ɗaya tsawon shekarun da za mu rayu. Ina cike da fatan zan so na kasance da iyawarka da kuma rauninka. 

Na yi alƙawarin zan kasance tare da kai a kowane lokaci komai wuya komai rintsi, a mummunar rana da halin tsanani da ka iya tunkarar rayuwarmu.

Na yi alƙawarin faranta maka a kowane lokaci, zan tunatar da kai matsayinka ko da za ka iya mantawa. Na yi alƙwarin zan so ka har abada ba tare da cin amana ba. Na yi alƙawarin zan yi mana addu'a a kullum mu da ƴaƴanmu. Na yi alƙawari a kowane lokaci zan kiyaye da duk abin da ka nuna buƙatarka akai sannan kuma zan maida hankali akan duk abin da ka ce.

Ba zan taɓa zama ma'asumiya komai nawa ya zama ɗari bisa ɗari a ce babu kuskure ba. Zan iya ɓata maka a wasu lokutan na kuma faranta maka a wasu lokutan. Ina fata daidai ɗina zai shafe kurakuraina a wurinka.

Zan yi ƙoƙari kullum na shirya maka kayan karin kumullo da abincin rana da na dare. Zan tsaftace gidanmu na adana maka jakar sanya kuɗinka ta aljihu da makullanka da kayan amfaninka na yau da kullum ka same su cikin aminci a duk lokacin da ka ke buƙatarsu. Zan saurare ka na kuma amsa kiranka zuwa duk ɗakin da ka buƙa ce ni a cikin gidanka mu shaƙata cikin soyayya da jin daɗi.

Zan yi amfani da wannan dama na ƙara gode maka. Na gode maka da ka gabatar da soyayya ta gaskiya a gare ni. Na gode maka da ba ka taɓa sanya wata mummunar rana ta zamto damuwa ga zuciyata ba. Na gode maka kan yadda ka ke sanya ni na ke kasancewa cikin farin ciki a kowane lokaci fiye da jiya. Na gode da kyakkyawar fahimta, da tausayi da nagartacciyar zuciya. Na gode da kallona da ka yi a yadda na ke. Na gode da ka so ni ta duk sashena kyawu da munina.

Fatana akanmu soyayyarmu ta kasance har abada cikin farin ciki da rungumar juna, jikokinmu su kasance da mu cikin jin daɗi da nishaɗi. Tare da haka ina fatan mu ci-gaba da sanya Allah farko. Ina son ka, zan ci-gaba da ƙaunarka har abada.

Daga mai biyayya a gare ka, matarka wacce za ka aura". Insha Allah!

Karanta Sauran anan»

Falala 8 Ta Karanta Alkur'ani Mai Girma Ga Musulmai

Karatun Alkur'ani ibada ce mai girma wacce ake samun lada mai tarin yawa tare da samun Aljanna, wanda da yawan mutane a yanzu sun shagala ga barin haka, akan sami wanda idan ba a cikin sallah ba ya kan shafe watanni bai ɗauki Qur'ani ya karanta ba, wanda hakan ba ƙaramar tawaya da asara ba ce.

Muhimmancin Karanta Alkur'ani Mai Girma Ga Musulmai

Hoto: Pexels

Marubuci:- Imam Aliyu Indabawa

Alkur'ani rahama ne, ceto ne, kuma alkhairi ne ga mai karanta shi. Lokacin da Allah ke ambatar siffofin salihan bayinsa 'yan aljannah sai ya fara da makaranta Alkur'ani kamar faɗinsa cewa"

 إن الذين يتلون كتاب الله وأقاموا الصلاة وأنفقوا مما رزقناهم سرا وعلانية يرجون تجارة لن تبور 

"Waɗanda suke karatun Alkur'ani suke sallah a kan lokaci suke kuma ciyarwa a ɓoye da a bayyane suna ƙaunar kasuwanci mara yankewa".

Wasu daga malaman tafsiri suka ce kasuwanci mara ƙarewa da aka ambata shi ne rahama da lada.

An karɓo daga Abdullahi ɗan Umar Allah ya ƙara musu yarda, Annabi (S.A.W) ya ce " Babu hassada sai a cikin abu biyu, mutumin da Allah ya ba shi Alkur'ani ya ke karanta shi dare da rana, da wanda Allah ya ba shi dukiya ya ke ciyarwa dare da rana".

لا حسد إلا في اثنتين‏‏ رجل آتاه الله القرآن، فهو يقوم به آناء الليل وآناء النهار، ورجل آتاه الله مالا، فهو ينفقه آناء الليل وآناء النهار

Daga faloli da darajojin karanta Alkur'ani:

1. Samun ɗaukaka a wajen Ubangiji duba da hadisin da Manzo (S.A.W) ke cewa " Allah yana da waɗanda ke matuƙar ƙauna a cikin mutane, aka tambaya su waye ya rasulallah? Ya ce su ne makaranta Alkur'ani.". Ibn Maja ya rawaito shi, Albani ya inganta shi.

قال رسول الله صلى الله عليه وسلم

إن لله أهلين من الناس قالوا: يا رسول الله ، من هم ؟ قال: هم أهل القرآن ، أهل الله وخاصته.

رواه ابن ماجة وصححه الألباني

Manzon Allah ya ce " Mafificin cikinku shi ne wanda ya karanci Alkur'ani ya ke karantar da shi.

 خيركم من تعلم القرآن وعلمه

2. Samun lada mai yawa tare da kyakkyawa ababen ninkawa.

Kamar hadisin da Muslim ya fitar da shi cewa Manzon Allah (S.A.W) Ya ce " Shin ɗayanku ba zai yi sammako zuwa masallaci ya fahimci ayoyin Alkur'ani guda biyu ko ya karanta su ya fi masa da a ba shi Taguwa guda biyu ba, aya guda uku ta fi Taguwa guda uku, aya guda huɗu ta fi Taguwa guda huɗu.

أفلا يغدو أحدكم إلى المسجد فيعلم أو يقرأ آيتين من كتاب الله خير له من ناقتين وثلاث خير له من ثلاث وأربع خير له من أربع ومن أعدادهن من الإبل

Manzo ya ce " Wanda duk ya karanta aya ɗari a wani dare ba za'a rubuta shi cikin gafalallu ba, ko za'a rubuta shi cikin masu ibada".

ومن قرأ في ليلة مائة آية لم يكتب من الغافلين أو كتب من القانتين

3. Samun ɗaukaka a duniya.

Kamar hadisin da ke cewa" Allah na ɗaukaka wasu mutane da Alkur'ani ya kuma ajiye wasu".

إن الله يرفع بهذا الكتاب أقواما ويضع به آخرين

4. Samun daraja maɗaukakiya a Aljannah.

Hadisi ya bayyana cewa" Ranar alƙiyama za a ce da ma'abocin Alkur'ani karanta ka yi sama, rera kamar yadda kake rerawa a duniya, mazauninka zai tiƙe a ayar da ka tsaya." .

‏يقال لصاحب القرآن‏:‏ اقرأ وارتقِ ورتل كما كنت ترتل في الدنيا، فإن منزلتك عند آخر آية تقرؤها‏

5. Samun ceto gobe kiyama.

Manzo (S.A.W) Ya ce "Ku karanta Alkur'ani don zai zo muku mai ceto gobe ƙiyama"

6. Saukar nutsuwa.

Hadisi daga Abu-huraira: Babu mutanen da za su taru suna karanta Alkur'ani sai nutsuwa ta sauka a gare su.

 وما اجتمع قوم في بيت من بيوت الله يتلون كتاب الله تعالى، ويتدارسونه بينهم، إلا نزلت عليهم السكينة، وغشيتهم الرحمة، وحفتهم الملائكة، وذكرهم الله فيمن عنده

7. Ninkuwar lada.

Annabi (S.A.W) Ya ce "Wanda ya karanta harafi guda daga Alkur'ani yana da lada, kowanne lada akwai ninkinsa goma.".

قال: من قرأ حرفا من كتاب الله فله حسنة، والحسنة بعشر أمثالها

8. Darajar kasancewa tare da Annabawa da manzanni.

Hadisi daga Nana Aisha (R.A), Manzo (S.A.W) Ya ce" Mahiru da Alkur'ani yana tare da Annabawa da manzanni, wanda ke karanta Alkur'ani yana sassarƙewa don wahala yana da lada biyu.".

الماهر بالقرآن مع السفرة الكرام البررة والذي يقرأ القرآن ويتتعتع فيه وهو عليه شاق فله أجران

Ma'anar Mahiru shi ne wanda ke karanta Alkur'ani ya ke kiyayewa da shi ya ke kuma aiki da shi.

Allah ya tabbatar da mu tare da Alkur'ani ya sa ya kasance ceto a garemu gobe ƙiyama Amin.

Karanta Sauran anan»

Karanta Hanyoyin Samun Nasara A Rayuwa (48) Cikin Sauki

5. Abokai: Lura da kyau, akwai abokan asali waɗanda aka taso tare tun yaranta, waɗannan su ne abokan rayuwa, duk wani abu da ya ratso maka wanda ya shafi rayuwar yau da kullum ko ya shafi iyali ko zumunta ko taimaka wa wasu su za ka sama a matakin farko, za su ba ka wasu 'yan shawarwari na yadda za ka tafiyar da rayuwarka cikin matattararka ba tare da ka yi baƙin jini ba, kar ka yarda ka yi nesa da su, ko sun ƙaurace maka a dalilin matsayin da ka samu janyo su kusa, ci abinci tare da su a gidajensu komai rashin daɗinsa, kawo naka, kuma idan Allah ya hore maka ka rinƙa ganinsu, duk wata gulma da za a kawo maka ta cewa wani a cikinsu ya zage ka ko ya yi maka sharri matuƙar ba a gabanka ya faɗa ba kar ka damu, yi masa abin da kake yi wa kowa za ka ribaci zuciyarsa.

Mahassada

Hoto: Business Alligators

Marubuci: Baban Manar Alkasim

Amma abokan sana'a da kasuwanci daban ne, yi ƙoƙari kowa ya san lokacinsa da inda ya kamata ya ba da gudummuwarsa ga rayuwarka. Abokan asali ba su san gumurzun da ake yi a wurin sana'arka ba, ya kamata su tsaya ne a ɓangaren zamantakewarka, kai kuma sai ka keɓe lokacin zama da su kan wannan, su ma abokan sana'arka komai kuɗinsu kar ka yarda su raina abokanka na asali, kuma kar su shiga rayuwarka ta yau da kullum don ba huruminsu ba ne, idan kowa ya tsaya a mahallinsa abubuwa za su ƙara haske, da wahala ka ji 'yan uwa ko abokai na zaginka.

Na ji wani ana ta zaginsa wai tunda ya sami wata madafar mulki ta siyasa ya haye bai sake kula kowa ba a cikin abokan tafiyarsa, bai kiransu, kuma bai da lokacin shiga cikinsu, a kullum yana sauraron su biyo shi ne shi kuma ya ɗan gutsura musu wani abin, su kuwa cewa suke bari ya gama lokacinsa mu gani, ba mu muka tura shi ba? Wasu kuma roƙon Allah suke ya fito neman wani matakin don su rusa shi, sai na ga ba zarginsa suke yi kan rashin aiki ba, kuskuren da ya yi shi ne bai ajiye abubuwa a mahallansu ba, ya yi watsi da abokan asali ya karɓi wasu jama'ar da rayuwa ta kawo masa daga baya, sai ya manta cewa waɗancan dai zai dawo musu a ƙarshe, bisa ga dukkan alamu yana dab da sakin hanyar nasara.

Shi wannan matsayi na farko da mutum zai samu hanya ce da idan ya bi ta za ta haɗa shi da wata hanyar, a haka har ya isa ga nasara, idan ya yi zaton wannan hanyar da ya hau shikenan ɗoɗar har nasara to fa ya yaudari kansa, yanzu dai ba a makara ba, ina abokanka na asali? Kama su, janyo su jiki, ko ba za ka ba su komai ba nuna musu cewa su ma fa wani abu ne a rayuwarka, bare ma sun cancanci komai tunda tare aka taso, ɗan lura da wasu matsalolinsu waɗanda ba za su gagare ka ba ka warware musu, su ma suna da rawar da suke takawa a rayuwarka, ka ba su damar da za su ji cewa tare kuke, idan ka ɗan sami lokaci ka ziyarce su a inda suke, idan kana da wani abu ka yi musu, duk lokacin da suka buƙace ka su same ka, ka sani ko mutuwa ka yi su ne na farkon tara maka jama'a da yi maka addu'a, sukuninnan da kake ji har da iya riƙe abokan farko.

6. Wanene naka?: Ana yi wa mata dariya ne amma suna da wayonsu, ka lura, wanda yake da ƙoƙari a makaranta ba ya rasa budurwa, wani sa'in ma har hidindumu take yi masa a maimakon shi ne zai riƙa ba ta don shi ne namiji, sirrin anan shi ne: Ta san ita kaɗai ba za ta yi karatun da zai sa ta ci jarabawa ba, sai ta sami wani mai ɗan hankali ta naniƙe masa su riƙa yin karatu tare, idan ma aiki aka ba ta shi zai nemo mata kayan aikin, ko ma ya yi aikin ya kawo mata, mai girman kai ba ƙoƙari sai ka taras da ƙyar take sha, kare mutunci a wurin mace dole ne, anan sai ta san wanda za ta yi mu'amala da shi kar ta ɗauko wanda zai kai ta ya baro, to kai da kake son ka zama mai sukuni da wa kake mu'amala? Wanda ya fi ka idan ka raɓuke shi za ka daɗa samun wayewa ta fuskoki daban-daban da za ka bunƙasa kasuwancinka ko wanda ba amfanin da zai iya ƙara maka a rayuwarka ta ƙoƙarin zama mai sukuni?

7. Duk yadda ka kai da wayewa kana buƙatar addu'a da neman kariya a wurin Allah, a duniyar nan akwai manya-manyan abubuwa guda uku waɗanda ba ƙarya ba ne suna nan: -

A. Mahassada: Waɗannan ko ba ka yi musu komai ba ba su ƙaunar ganin ci-gabanka, yadda ka fara tasowar nan ba su da wani buri illa ganin durƙushewarka gaba ɗaya, za su yi aiki da bakinsu da hannunsu, wasu har da dukiyarsu fatarsu kawai ka durƙushe kamarsu, ko kar ka ɗaukaka irinsu, to sai ka tsaya da dugaduganka, ba wai ka je wurin Boka ba, don shi ma idan ka je ɗin abokin ciniki ya samu, zai yi ta tatsarka ne ta fuskar da ba ka sani ba, koma ga Allah.

B. Masu kambun baka: Waɗannan daban ne, duk abin da suka yi masa baki sai ya lalace, kuma ana haɗuwa da su ba a sani ba, shi ya sa zama da kowa lafiya yake da daɗi, kar ka yarda ka riƙa tada jijiyar wuya da mutane a kan sana'a, wasu ce maka za su yi "Je ka ka gani" sam ba su da aniyar alkairi a zuciyarsu, su ma irin waɗannan idan dai ana yin azkar kamar yadda shari'a ta tanadar abubuwa kan zo da sauƙi, kuskuren da mutum zai yi shi ne ya ce "Ba wanda ya isa ya yi min wani abu" su koma su kwanta. Kai ka tsarkake zuciyarka ka yi kyakkyawar mu'amala da mutane ka nemi tsarin Allah. Idan kana neman zama mai sukuni barci ba naka ba ne, ba ruwanka da kowa wani kuma kai ne matsalarsa.

DUBA NA GABA: Karanta Hanyoyin Samun Nasara A Rayuwa (49) Cikin Sauki

C. Masu neman abu a wurinka: A cikin mutane akwai waɗanda ba za su zo wurinka neman abu ba sai sun kwana suna wuridi, yadda duk abin da suka ce suna so ka ɗauka ka miƙa, idan mai sana'a ya faɗa hannun waɗannan za su iya kwashe abin da ya tara na shekara 10 a dare ɗaya, ka ga sun karya ka kenan, koma ga Allah yadda ba za su iya samun nasara a kanka ba, na taɓa sanin wani mai ɗunkin hula, idan ya ce kaza yake so a ba shi kai da za ka saya dole ka biya, ba wai don ta yi maka ba, tsabar sihiri da tsafi, kafin su kawo maka kaya sai sun tsaface shi yadda suna gaya maka cikin rawar jiki za ka biya, ka ga a kan hanyarka ta zama mai sukuni idan ba ka koma ga Allah ba tsab za su tunkuɗe ka.

Za mu ci-gaba Insha Allah.

Karanta Sauran anan»