Gajerun Sakonnin Barka Da Sabon Wata Ga Masoyiya

Amintaccen abin alfarmar rubuta saƙona yana neman izinin zama dirshan wajen gabatar da rubutattun saƙonnin da ke cikin zuciyata. Kyakkyawar rana da lokacin da na samu sun wadaci zuciyata wajen wakitar gangar jikina domin isar da saƙon gaisuwar aminci a gare ki. Barka da sabon wata.

Gajerun Saƙonnin Barka Da Sabon Wata Ga Masoyiya

Hoto: Mix and match studio/Vecteezy

Marubuci:- Abdul'aziz Hamza KKR

Zan so a ce na zo inda kike domin na ba ki kulawa ta musamman, sai dai zan wakilta alƙalamin rubutuna domin ya iso da saƙona kafin na samu damar isowa zuwa ga babban birnin da kike sarauta. Barka da sabon wata

Abin da ke ƙaruwa a cikin raina bai yi ƙasa da ƙaruwar yawan tunanin abar sona ba,  komai salon yadda nake rayuwa, sai na dinga jiyo sautin ki, koda a cikin baccina nake jin daɗi. Barka da sabon wata

Murmushi kika iya cikin tsayuwar ƙwarewar girman daraja, kin saci zuciyata da kalamanki, zuciyata ba ta yi, babu ke. Barka da sabon wata

Ina son ki, cikin so wanda doguwar tafiyar hakan, ta sa nake miki ƙauna kullum, kalamanki su ne abokan hira ta. Barka da sabon wata

Ni fa a son ki ban yi niyyar wani hutu ba, komai girman huɗubar mahassada a kanmu, ba zai girgiza zuciyata daga ƙarƙashin inuwar son ki ba. Barka da sabon wata

Alƙalamin rubutun zuciyata yana farawa cikin farkon abin da faruwar hakan ke faruwa wajen isar da saƙon so zuwa ga gimbiyar mata. Barka da sabon wata

Karanta Sauran anan»

Kalaman Soyayya Ga Budurwar Da Ra'ayin Ku Ya Zama Daya

Na ɗauki tsawon lokaci ina bincike har kawo yanzu domin samun wacce za mu yi rayuwar aure tare mu gudu tare mu tsira tare, amma wani lokaci sai na ga kamar ba zan samu mai irin ra'ayina ba, har sai da na haɗu da ke sannan na tabbatar burina ya cika.

Kalaman Soyayya Ga Budurwar Da Ra'ayin Ku Ya Zama Daya

Hoto:  People images - Yuri A/Shutte stock

Marubuci:- El-Nass

A lokacin da na fara ganin ki sai da numfashina ya ɗauke. A lokacin da kika fara min magana sai da tunanina ya ɗauke.

A lokacin ne idanuwana suka tabbatar min da cewa ba su taɓa ganin wani abu mai kyawun sura tamkar ki ba.

A gare ki duk na samu abubuwan da nake buƙata.

Karanta Sauran anan»

Kalaman Gaisuwar Barka Da Asuba Ga Masoyiya

Aminci a gare ki ya sarauniya mai kyakkyawar sura da cikakkiyar nutsuwar sautin zance wanda ke fita tamkar busa irin na sarewa. Matsayin girman daraja da biyayyar da zuciyata takewa ƙaunarki ta wuce adadin busawar iska cikin adadin tafiyar kwanakin numfashina.

Kalaman gaisuwar barka da asuba ga masoyiya

Hoto: Master file

Marubuci:- Abdul'aziz Hamza KKR

Ina miƙa saƙon so daga zuciyata zuwa ga zuciyar da nake neman haɗa zumunci wanda muke fatan kasantuwa har zuwa ƙarshen rayuwar numfashi.

Ya mai martaba sallama da kalaman gaisuwar aminci a gare ki tare da haɗaɗɗiyar daular murmushin fuska mai cike da nuni da isar da muhimmin saƙo zuwa gare ki.

Ki agaji zuciyata da kalaman son ki, ki yayyafawa ruhina ruwan sanyin murmushinki mai fitowa cikin tsakiyar laɓɓanki masu ɗaukar hankali.

Ina cikin tsakiyar son ki,  ke ce sabuwar duniyata ta musamman mai ɗauke da kayan alatu masu faranta ruhin jikina.

Haƙiƙa hasken annurin fuskarki bai gushe ba face ya yi awon gaba da dukkan wani kuzarin da ke jikina.

Ina miƙa saƙon gaisuwa mai ɗauke da fatan amincewar ruhin zuciyarki, fatana kawai ki ce min kin karɓa.

Karanta Sauran anan»

Kalaman Soyayya Masu Kara Dankon Soyayya Ga Budurwa

Ke ce mai sani murmushi a duk lokacin da na shiga duhun damuwa. Ke ce abar kulawa a lokacin da nake da rauni.

Kalaman Ƙara Danƙon Soyayya Ga Budurwa

Hoto: Freepik

Marubuci:- Hayat S.A Kwa

Zuciyata tana rawa da farin ciki a duk lokacin da na tuna ki.

Kin shige min zuciya, kin zauna canciki.

Na gode masoyiyata da kika kasance a kusa da ni.

Soyayyar ki tana ƙara min ƙarfin gwiwa kamar hasken safe.

Rayuwata ta yi armashi saboda ke.

Na zama mai sa’a da samun ki cikin rayuwata.

Ke ce babbar abokiyata kuma abar sona.

Ki sani cewa, cikin kowanne numfashi da nake shaƙa, ina jin ƙamshin soyayyarki.

Kin zama sashi na zuciya, rai da fata ta.

Ina ƙaunarki fiye da kalmomi, fiye da lokaci.

Zan ci gaba da ƙaunarki har abada, insha Allah.

Tabbas, ke kyauta ce daga Allah, mafi daraja.

Ina yi wa Allah godiya da Ya haɗa ni da ke, tamkar amsa ce ga addu’ata.

Karanta Sauran anan»

Sakonnin Soyayya Na Lokacin Faduwar Rana

Murmushinki ya haskake ilahirin nahiyar dukkan jikina, ganinki yana bayyano da dukkan wani kuzari da shauƙina a kullum.

Sakonnin soyayya na lokacin faɗuwar rana

Hoto: Media bom

Marubuci:- Abdul'aziz Hamza KKR

Saƙon zuciya daga ɓangaren zuciya zuwa ga kyakkyawar sarauniya, kuma abun koyi ga dukkan sauran 'yammata.

Tsarin da na tsaro zuciyata shi ne na koya mata yadda za ta rayu da ke domin aminta da nagartarki da kuma ƙwarewarki wajen rarrashin abin da kike ƙauna.

Kin kasance wata alƙarya ta musamman wadda a cikinta ne nake wanzuwar kasancewa da shauƙi madawwami.

Tunanin zuciyata a kullum shi ne ki kusantu inda na kasance. Numfashina yana fita ne a cikin naki.

Son ki ya yi ado a cikin jikina, komai nake yi ina  kasantuwa ne a cikin yanayinki.

Kin zama ma'aunin da ke yawan  auna rayuwar jin daɗin da ke wanzuwa a tare da ni idan kina nan ni ma ina nan. 

Kin iya murmushin ɗaukar ruhin zuciya musamman lokacin da laɓɓan ki suka sha ado da kwalliyar jan baki.

Ni dai na san ina sonki. Kuma zuciyata ma tana sonki.

Ki taimake ni, ki agaji ruhina domin ki taya zuciyata sonki, da kuma taimaka mata wajen kulawa da ke.

Karanta Sauran anan»

Sakonnin Barka Da Maraice Masu Sa Budurwa Natsuwa

A cikin almurin maraicen ranar da idona ya fara ganinki tun daga lokacin ban ƙara iya aikata komai ba tare da na sanyo tunaninki cikin raina ba.

Saƙonnin Barka Da Maraice Masu Sa Budurwa Natsuwa

Hoto: Peak PX

Marubuci:- Abdul'aziz Hamza KKR

Aikin da ke cikin zuciyata shi ne sonki. Raina ya kasantu cikin dausayin ni'imar begenki, sai tunaninki ya zamto wani ɓangare na jikina.

Na zauna tsaf domin nazarin samun dama cikin dama irin wadda na samu a lokacin da Allah ya fara haɗa mu tsakanin ni da ke.

Zuciyata tana son ki hakan ne yake ba wa idaniya damar isar da saƙonta a lokacin da na so na gan ki sai kuma ban samu damar ganin naki ba hawaye su ne matakin farko.

Barka da yamma dukkan wani tarin farin ciki ina murnar ganin ya riske ki domin ya yo silar bayyanuwar murmushin fuskarki.

Tasirin kallon fararen idanun ki sun yi nasarar ƙara dawwamar da zuciyata bisa kan alƙiblar son ki hakan shi ne ya haifar min da yawan tunaninki.

Ni dai da ke zan rayu, da son ki zuciyata ta soyu. Mun fi ta cikin sahu na marayu. Sannunki mai sufar 'yan gayu.

Jarumtakar girman haƙiƙar sonki ta yi sanadin kafa daular ɗaruruwan begenki dare da rana, da son ki nake rayuwa.

Ban son kallo ko kuma jin wani sautin zancen da ba ya tuna min da zuwanki cikin raina.

Karanta Sauran anan»

Sakon Soyayya Ga Budurwar Shafin Sada Zumunta

Ina fatan kin kasance lafiya kamar yadda nake a yanzu, na ji dukkanin saƙonnin zuciyarki zuwa ga tawa zuciyar. Ki sani tuni na daɗe da ganin wannan saƙon a cikin rubututtukan ki na baya gare ni.

Sakon Soyayya Ga Budurwar Shafin Sada Zumunta

Hoto: Move me quotes

Marubuci: Abba Rabi'u Matallawa

Da a ce kin ɗora sashen saƙonnina gun ki kan mizani da kin gano makamancin hakan a cikin su.

Manufar nawa saƙon gare ki domin na tonawa tawa zuciyar asirin da take ɓoyewa, amma fa ki sani ɓoyon ya faru ba don tsoro ba sai domin kwarjinin da wannan kyakykyawar fuskar taki ke yi mini.

Ina sanar da ke na daɗe da kamuwa da soyayyar ki fiye da yadda zan faɗa miki  yanzu.

Na rantse miki da iyakar gaskiyata ina san ki fiye da yadda kifi ke son ruwa. Idan da babu soyayya tsakanina da ke babu dalilin da zai saka na nemi hoton ki har kala biyu, amma fa ba anan matsalar take ba idan muka tsunduma soyayya ina za ta kaimu? Na barki lafiya.

Karanta Sauran anan»

Gajerun Sakonnin Soyayya Irin Na Sarakai

Ranki shi daɗe hannuna a sama cikin aminci nake miki gaisuwar ban girma ga gimbiya sarautar mata, matsayinki ya kai a yaba miki.

Gajerun Sakonnin Soyayya Irin Na Sarakai

Hoto: Antonio Guillem/Dreams time

Marubuci:- Abdul'aziz Hamza KKR

Furucin furta sallama cikin karamci zuwa ga ma'abociyar kyawun suffa da kyawun diri. Ina motsawa ne da motsin da son ki yake matsar da ni cikin tsakiyar tekun ƙaunarki.

Kin hori zuciya da horon da ruhi yake hora ƙwaƙwalwata bisa irin yadda tunaninki yake yawan kawo ziyara cikin tsakiyar birnin masarautar zuciyata.

Gyara kintsi da kyau dole ne a cika miki fada yake sarauniyar da ke mulkin masarautar zuciyata. Taka a sannu yake jigon da ke jawo jerin farin cikin ruhina.

Ƙauna da son ki sun mamaye ruhina shiyasa zuciyoyinmu suke numfasawa a tare da junansu.

Sarauniya na zo gare ki da gaske zuciyata a makance, kalaman bakin ki su ne sinadarin ƙara ruruwar wutar son ki wadda ta mamaye zuciyata.

Akwai amana ni da ke babu ranar rabuwa, zahirin gaskiya ke ce wadda na zaɓa domin ki zamto ummin yarana.

Sannunki 'yar gaban goshin zuciyata. Na yi jinjina kuma na gaisheki. Burina ki zamto cikin farin ciki da tarin annashuwa, a daidai lokacin da kike karanta saƙonnina.

Karanta Sauran anan»

Hirar Zamani Ta Budurwa Da Saurayi A Ganin Farko

Saurayi: Tun farko fara buɗewar ƙwayar hasken ganin idanuwana ban yi tozali da kyakkyawar fuskar da ta ɗimautar da zuciyata ba sai da na fara haɗuwa da ke.

Hirar Zamani Ta Budurwa Da Saurayi A Ganin Farko

Hoto: Kieferpix/Gatty Images

Marubuci:- Abdul'aziz Hamza KKR

Budurwa: Wane ne?

Saurayi: Wani ɗan saurayi ne wanda ki kai ma sata.

Budurwa: Sata kuma? Satar me na yi maka? Kuma Wane ne kai?

Saurayi: Ni kaina ban san kaina ba sai da zuciyata ta fara ganinki, shiyasa na zo domin ki ba ni bayanan yadda nake.  

Budurwa: Bayanan yadda kake kuma? Ta ya za ka ce ba ka san kanka ba kuma kana so ka sani daga gare ni?

Saurayi: Yauwa tambayar da nake buƙata kenan daga gare ki, yanzu sai ki tsaya ki saurari batuna.

Ta ya zan iya gane kaina bayan ainihin suffar jikina ina kallonta akan tsakiyar fuskarki.

Ta ya zan iya gane kaina bayan kin tafi da dukka tunanin raina.

Ta ya zan iya gane kaina bayan gangar jikina kaɗai take yawo amma ainihin ruhina yana bin ki a duk inda kike.

Ta ya zan iya gane kaina bayan dukkan ƙofofin saduwar jini suna tare da ke.

Budurwa: Ɗan dakata da zanceka haka, na ji ka ce na yi maka sata shin wai me ne ne na satar maka ne da kake ta faman bi na a duk inda na yi?

Saurayi: Ehmmm kin saci abu mafi girman daraja da tsada a wajena.

Kin sace abu mafi saurin maida mutum rago duk tsananin jarumtar shi.

Budurwa: Kai Malam dakata haka nan ka zo ka cika ni da surutunka. Ni har yanzu na kasa gane abin da  na sace maka ka ga idan ba za ka yi bayani ba ni zan shige gida.

Saurayi: Wayyo Allah na ɗan dakata mana kar ki saka rauni da rashin kuzari a jikina ta hanyar hana ni kallon wannan fuskar taki.

Da ma ba komai ba ne kika sace mun sai zuciyata. Na yi zaton za ki fahimta tun farkon da na fara furta bayanaina a kanki to amma sai kika yi mun bazata dole sai da kika sa na fallasa sirrina gare ki.

Budurwa: Ta ya za ka ce na sace maka zuciya bayan ga ka kana magana da kanka kuma?

Hmm naku har kullum Abdul'aziz Hamza KKR.

Idan har kuna jin daɗin maƙalolin shafin nan namu, to ku hanzarta sanar da dukkan abokan ku ko ƙawayen ku da dukkan waɗanda ku sani, ku gaya musu sunan adireshin shafin nan namu domin su ma su shigo cikin shafin su dinga amfana da shi kamar yadda ku ma kuke yi a kullum a kyauta.

Karanta Sauran anan»

Sakonnin Soyayya Da Za Su Sa Mace Dogon Tunani

A kan son ki na shirya shiga dukkan wani nau'in yanayi. Zan zama jarumin da zan yaƙi dukkan wani wanda zai kawo miki wargi.

Saƙonnin Soyayya Da Za Su Sa Mace Dogon Tunani

Hoto: Stock adobe

Marubuci:- Abdul'aziz Hamza KKR

Wani sanyi nake ji a can cikin tsakiyar zuciyata, a daidai lokacin da nake jin sautin zancen ki yana shiga cikin ƙofofin jikina.

Ke ce salsalar farin cikina, da ke nake tafiya cikin duniyar nishadina. A duk sa'in da na tuna cewa ke ce zaɓin raina dukkan wata damuwa tana rabuwa da ni.

Kusantowar zuwan lokacin da nake son na zo gare ki yana ƙara min ƙaimi wajen ganin na kawo kaina domin na yi tozali da ke.

Babu lokacin zuwan lokaci cikin lokacin da zan iya ɗaukar dogon lokacin da ban yi tunanin ki ba.

Sarauniya mai cikakken iko kina da ɗumbin ladabi da tunani mai zurfi, haƙiƙa zuciyata ba za ta saurara a cikin aikin nuna ƙauna a gare ki ba.

Karanta Sauran anan»

Kyawawan Sakonnin Gaisuwar Barka Da Safiya Ga Masoyiya

Kasancewarki sarauniya mai cikakken iko, na san yanzu haka kina kwance ba ki tashi daga bacci ba, shiyasa na aiko saƙona domin ya zauna a bakin fadarki ya jira lokacin tashinki, sai ya yi gaisuwar aminci a gare ki.

Kyawawan Saƙonnin Gaisuwar Barka Da Safiya Ga Masoyiya

Hoto: Next luxury

Marubuci:- Abdul'aziz Hamza KKR

Sallamar aminci cikin amintar da ke amintar da ruhin zuciya, gaisuwa nake biyawa zuwa gare ki.

Ina cikin tsakiyar son ki, cikin wata sabuwar duniya ta musamman, mai ɗauke da kayan alatu masu faranta ruhin jikina.

Na koyi darasin ƙauna kasancewar na kwana cikin inuwar zuciyar da ta san yadda ake so da tarairayar zuciyar wanda take so.

Ke nake so kuma zuciyata take yayi. Ya zan yi na iya tsallakewa bayan kin mamaye dukkan jikina?

Kowanne matsayi kin cika shi wajen zama sarauniyar mata a cikin zuciyata, da ke zan yi rayuwata, kuma da ke zan rayu komai tsananin juyin yanayi muna nan tare da'iman.

Ina miƙa saƙon gaisuwa mai ɗauke da fatan amincewar ruhin zuciyarki. Fatana kawai ki ce min kin tashi cikin ƙoshin lafiya.

Karanta Sauran anan»

Gajerun Sakonnin Gina Kyakkyawar Alaka Ga Masoyiya

Suna cewa so ba a iya ganinsa, ana jinsa ne kawai a cikin zuciya, amma ni ina ganin sun yi kuskure, saboda na gan shi kuma ina ganin son da ki ke yi min na gaskiya a cikin ƙwayar idanuwanki, wanda shi ne abu mafi kyau da burgewa da na taɓa gani a duniya. Ina son ki. Ki kwana lafiya.

Gajerun Sakonnin Gina Kyakkyawar Alaka Ga Masoyiya

Hoto: Dreams time

Marubuci: Abba Muhammad Dan Hausa

Matata, uwar 'ya'yana, farin cikin raina barka da yammaci, duk da kasancewar mun ɗan yi nesa da juna, ina cikin aiki tun bayan fita ta daga gida, amma tunaninki da bege, su ne suke taya ni hira, suke rage min gajiya da kawar da hankalina daga ci da sha na tsawon rana.

Yaya girke-girke da sauran aikin gida? Ki ci gaba da kula min da kanki har zuwa lokacin da zan dawo. Ina nan zuwa gare ki babu jimawa. Ki kasance cikin ƙoshin lafiya. Ina son ki.

Karanta Sauran anan»

Takaitaccen Sakon Barka Da Shan Ruwa Na Musamman

Zuciyata ta cika da farin ciki da walwala irin wanda ban taɓa tsammata ba a sanadinki masoyiyata.

Takaitaccen Sakon Barka Da Shan Ruwa Na Musamman

Hoto: Read Foundation

Marubuci: Abba Muhammad Dan Hausa

Ke ɗin wata kyauta ce ta musamman a rayuwata daga Ubangiji, wadda na yi alkawarin so da ba wa kulawa har ƙarshen rayuwata. Ina son ki.

Fatan kin sha ruwa lafiya?

Karanta Sauran anan»

Gajeren Saƙon SMS Na Barka Da Shan Ruwa Mai Daɗi

Ban taɓa son wata kwatankwacin irin yadda nake jin son ki a cikin zuciyata ba. 

Gajeren Saƙon SMS Na Barka Da Shan Ruwa

Hoto: Sarath maroli/Getty Images

Marubuci: Abba Muhammad Dan Hausa

Ba zan taɓa yi wa wata 'ya mace so irin naki ba har abada, domin ina jin cewa, ke ce mahaɗina, iska da gangar jiki ba ta da amfani matsawar ba kya numfasawa a cikinta.

Ina son ki da dukkan zuciyata. Barka da shan ruwa masoyiyata.

Karanta Sauran anan»

Zafafan Sakonnin Soyayya Na Barka Da Shan Ruwa Ga Masoyiya A Watan Ramadan

Zuciyata ce kaɗai za ta iya bayyana zahirin yadda nake ji a kanki. Zan iya zuwa ko'ina ne da ƙafata a cikin duniya, matuƙar hakan zai sanya ki farin ciki. Ina son ki fiye da so. Barka da shan ruwa.

Zafafan Sakonnin Soyayya Na Barka Da Shan Ruwa Ga Masoyiya A Watan Ramadan

Hoto: Evan tell

Marubuci: Abba Muhammad Dan Hausa

Baiwa ce ta musamman samun ki a matsayin wadda zuciya ta aminta da ita. 

Kasancewar ki a tare da ni, yana ƙara tabbatar da irin yadda albarka ta ke ƙara mamaye cikin rayuwata.

Zan kasance cikin soyayyarki har zuwa ranar fitar numfashina na ƙarshe, duk daɗi duk wuya.

Barka da shan ruwa abar ƙauna, ina fatan ƙishirwa ta tafi, jijiyoyi sun jiƙu lada ya tabbata da yardar Allah. Ki huta lafiya.

Son ki a cikin zuciyata, ya zarce zuma zaƙi, kyawunki ya ɗara na dukkan kyawawan furanni.

Na gode da kasancewarki a cikin rayuwata. Ina son ki, fiye da girman kowace kalma da ta ke iya bayyana so. Fatan kin sha tuwa lafiya?

Karanta Sauran anan»

Gajeren Sakon Barka Da Sahur Ga Sabuwar Budurwa

Ke ce halitta mafi kawaici da tarin alkairai da na taɓa haɗuwa da ita. Tabbas na zamo mai sa'a da kasancewar ki a tare da ni a matsayin abokiyar rayuwata.

Gajeren Saƙon Barka Da Sahur Ga Sabuwar Budurwa

Hoto: Pinterest 

Marubuci: Abba Muhammad Dan Hausa

Na yi miki alƙawarin kasancewa a tare da ke har zuwa ranar fitar numfashina na ƙarshe. Ki yi sahur lafiya.

Shin kina tunanin zan yi tunani kan wani abu da zai amfane ni a rayuwa ba tare da na fara kiran sunanki da farko ba? Ki huta lafiya.

Ke kaɗai na zaɓa, ke kaɗai zan so, na ririta, na yayata, na gabatar da ita a gaban dangina.

Da ke zan rayu, na kasance cikin hidimta miki har na ƙarshen rayuwata. Ina son ki.

Ki yi sahur lafiya.

Allah ya karɓi ibadunmu Amin.

Karanta Sauran anan»

Daɗaɗan Kalaman Barka Da Shan Ruwa Ga Budurwa

Ke ɗin rayuwata ce, ke komaina ce, rayuwa ba tare da ke ba, tamkar duniya ce da ta kasance babu hasken rana a cikinta. Ina son ki. Barka da shan ruwa gimbiyata.

Daɗaɗan Kalaman Barka Da Shan Ruwa Ga Budurwa

Hoto: Freepik

Marubuci: Abba Muhammad Dan Hausa

Soyayyarki aba ce mai ƙayatarwa da take binne a cikin zuciyata.

Kamar yadda hasken da ke haske sararin samaniya ba zai fassaru ba ta cikin kalmomi, tamkar haka ne zuciya ba za ta iya ƙididdige adadin yadda kumfar soyayyarki ke kaɗawa ba a cikinta. Ina son ki. Fatan kin sha ruwa lafiya abar ƙauna?

Kin samar da wani tabo a cikin zuciyata, wanda ba mai iya jinyarsa face ke. Ke kaɗai ki ka mallaki makullin sarrafa tunanina, ina farin ciki da hakan, saboda babu wata wadda za ta iya kulawa da ni tamkar ke. Ke ɗin sarauniyata ce.

Fatan kin sha ruwa lafiya?

Karanta Sauran anan»

Kalaman Soyayya Na Bayan An Bude Baki Masu Ratsa Jiki

Barka Da Shan Ruwa sarauniyata wadda na sadaukar ma da zuciyata. Shiga ki zauna kin zama sarauniya ta musamman a cikin ta, me kike da buƙata a kawo miki ki yi buɗe baki da shi?

Kalaman Soyayya Na Bayan An Buɗe Baki Masu Ratsa Jiki

Hoto: Nature vibes

Marubuci:- Abdul'aziz Hamza KKR

Da Sunan Allah Maɗaukakin Sarkin da ya tsara suffar halittarki cikin daidaituwar kyawun da ke burge dukkan idanuwan da su kai tozali da kyakkyawar fuskarki.

Yau Azumin mu 15 cif  shiyasa na dawo gare ki, ba zan gajiya ba tare da jinjina da gaisuwar aminci mai cike da tarin so da ƙauna zuwa gare ki.

Sannunki fa 'yar gaban goshin zuciyata na yi jinjina kuma na gaisheki. Burina ki zamto cikin farin ciki da tarin annashuwa, a daidai lokacin da kike buɗe baki hakan shi ne cikar burina.

Farin ciki abun so ne daga kowace irin nau'in zuciya  shiyasa tawa ta kasance cikin shauƙi da annuri kasancewar na samu farin cikin raina.

Na koyi darasin ƙauna kasantuwar na kwana cikin inuwar zuciyar da ta san yadda ake so da tarairayar zuciyar wanda take so.

Kuma da ke zan rayu komai tsananin juyin yanayi muna tare da'iman.

Kowane matsayi, kin cika shi wajen zama sarauniyar mata a cikin zuciyata, da ke zan yi rayuwata.

Karanta Sauran anan»

Gajerun Kalaman Yabon Kyawun Budurwa Masu Dadi

Tsantsar tsawon gashin ki shi ne ke bayyana cikakkiyar surar yadda Allah ya halicce ki don ke ta daban ce da sauran mata.

Gajerun Kalaman Yabon Kyawun Budurwa Masu Dadi

Hoto: Youngisthan

Marubuci:- Ridwan Khan Adam

Tabbas shimfiɗar fuskar ki shi ne ke bayyana yadda zuciyarki take bisa la'akari da farar fuskarki, ga farar zuciya, ga farar magana da fararen idanuwa.

Kin kasance kyakkyawa kamar yadda kalaman bakin ki suka kasance daɗaɗa masu zaƙi fiye da yadda sikari ke da zaƙi.

Ina son ki a yadda kike.

Karanta Sauran anan»

Takaitattun Sakonnin Barka Da Shan Ruwa Ga Masoya

Wash yau kam na ji azumi, tabbas ibadar Allah daɗi gareta, Allah dan isar ikon tsarkin mulkin ka Allah, ka karɓi ibadun mu. Barka da shan ruwa shalele.

Taƙaitattun Sakonnin Barka Da Shan Ruwa Ga Masoya

Hoto: Envato

Marubuci:- Abdul'aziz Hamza KKR

Jijiyoyin da suke kawo jini a cikin jikina suna gaisuwar aminci a gare ki.

Kalaman da ke fitowa daga bakina sun kasance mallakinki ne ke kaɗai.

Kuma ba zan so ki ba wa kowa ba.

Na so ki ba zan so 'yar gidan kowa ba.

Ƙaunarki kaɗai ita ce na zaɓa har na yi mata babban masauki a cikin fadar zuciyata.

Da farkon farawar ranar da ta fito daga gabas zuwa yamma, tunaninki bai bar zuciyata ta samu sukuni ba.

Murna nake da ganin ki 'yar gata, zo ga wuri zauna, idanuwana su kalli kyawun da ke fita daga gare ki.

Ina son ki, na san ina ran ki kamar yadda ke ma kike raina.

Dan haka ina da ƙwarin gwiwa a kan son da kike a gare ni.

Ina  son ki wannan ita ce kalmar da nake amfani da ita wajen saita zuciyata a daidai lokacin da nake tunaninki.

Karanta Sauran anan»