Duk abun da ya yi sama ka jira zuwan shi ƙasa lokacin da zai faɗo ƙasa babu wanda ya san zai faɗo, to haka ma ɗaukaka take zuwa ta kuma tafi lokacin da ba ka tunani.
Marubuci:- M. Kabiru Muhammad
Allah ya sa mu dace Amin Yaa Hayyu Yaa Qayyum.
Za ka iya rasa komai a rayuwa, ka mayar da shi ko mafiyin sa amma ba za ka iya mayar da iyayenka da su riga mu gidan gaskiya ba.
Marubuci:- M. Kabiru Muhammad
Sannan ba za ka iya mayar da duk daƙika ɗaya da ta wuce ba (Duk damar da ta wuce ko kuma duk lokacin da ya wuce ya riga ya tafi kenan) sai dai wani ba shi ba.
Allah ka jiƙan iyayenmu waɗanda suka riga mu gidan gaskiya ka sa Aljanna ce makomar su, idan tamu ta zo Allah ya sa mu cika da kyau da imani Amin Yaa Hayyu Yaa Qayyum.
Ba shakka za ka yi matuƙar mamaki fiye da misali idan har abubuwan da ba ka yi tsammani ba suka faru.
Marubuci:- M. Kabiru Muhammad
Kuma yadda duk kake tsammanin ganin su sai ya kasance sun wuce duk yadda kake yin zato.
Ka ga kuwa, daga ƙarshe, lallai ne cewa kalmar 'MAMAKI' ta biyo baya.
Allah ya sa nasarar mu a kodayaushe ta zamo abar da za ta bai wa kowa mamaki Amin Yaa Hayyu Yaa Qayyum.
Shi so ba a yi masa tilas. Duk wanda ya cusawa zuciyarsa abin da ba ta yi na'am da shi ba (Ba ta aminta da shi ba a karan farko) daga ƙarshe ladama/nadama ce za ta biyo baya.
Marubuci:- M. Kabiru Muhammad
Shi so ba a yi masa dole. Idan ba a son ka, kar ka tsananta, duniya da faɗi, je ka nemi daidai da kai domin a lokacin da wani ya tsane ka, a lokacin wani yake masifar son ka.
Allah ya haɗa mu da masu son mu saboda shi, kuma su guje mu saboda shi Amin Yaa Hayyu Yaa Qayyum!
Wanda ka raina, sai ka ga Allah Ya ɗaukaka shi. Kai dai kawai nema a wajen Allah Maɗaukakin Sarki.
Marubuci:- M. Kabiru Muhammad
Kar ka tsaya jiran wani ya taimaka maka.
Yi ƙoƙarin ka fahimci abin da kake son cimma a rayuwa.
Kada ka manta ba kowacce dariya ko murmushi da mutane suke yi maka yake zama so ba, amma ka sani a ko'ina ba a rasa na banza, haka ma a ko'ina ne ba a rasa na kirki.
Kai dai kawai miƙa al'amuran ka ga Allah (S.W.T).
Allah ya sa mu dace duniya da lahira Amin Yaa Hayyu Yaa Qayyum.
Mu dinga yi wa juna uzuri Dan Allah. Idan kana ganin mutum a Online kodayaushe, hakan ba ya nufin ba shi da aiki ba ne, don haka kar ka yi masa mummunar fahimta.
Marubuci:- M. Kabiru Muhammad
Idan kana aikawa da saƙonni ka ga ba a dawo maka da amsa wato Reply, kar ka yi fushi, saboda ba kai kaɗai ba ne kake tura masa da saƙonni. Don haka ka yi masa uzuri.
Idan kana ganin mutum a Online cikin dare 12:00am,1:30am har zuwa 4:00am ko 5:00am, ka tura masa da saƙonni babu Reply wataƙila bacci ne ya ɗauke su.
Da yawa ba sa sanin lokacin da suke barin wayar akan yanar gizo-gizo wato Internet, musamman masu amfani da wayar Android, amma masu amfani da ƙananan wayoyi to su idan suka bar wayar tasu akan yanar gizo-gizo idan aka ɗan jima tana sauke kanta daga kan yanar gizo-gizo har sai dai idan kai ne ka ci-gaba da amfani da ita.
Dan Allah mu rinƙa kyautata kyakykyawar fahimtar junan mu.
ALLAH ya sa mu dace da dacewarsa Amin ya ALLAH.
Hmm Nigeria kenan, da an yi magana kotu, kowa idan abu ya yi zafi ba zai iya haƙuri ba sai ya ce "Mu haɗu a kotu.".
Marubuci:- M. Kabiru Muhammad
Kada ka biyewa son zuciya ko kuma abokai masu karancin tunani su kai ka su baro, saboda da yawa daga cikin su suna tare da kai ne domin su cimma manufar su a kanka.
A ganina duk abin da haƙuri bai bayar da shi ba to tabbas akasin shi ba zai bayar ba.
Idan kai haƙuri komai zai wuce, sannan za ka ga nasara akan haƙurin da ka yi.
Nazari aikin mai hankali.
Allah ya sa mu dace Amin Yaa Hayyu Yaa Qayyum.
Rayuwa gaba-ɗayan ta darasi ce ga mai hankali, haka kuma ilimi ce ga mai tunani da aiki da abin da ya ji ko ya gani, ya san yadda zai tafiyar da shi.
Marubuci:- M. Kabiru Muhammad
Duniya kuma makaranta ce, wasu sun yi nasara. Wasu kuma akasin ta.
Allah ya sa muna cikin waɗanda za su yi nasara anan duniya da kuma lahira Amin Yaa Hayyu Yaa Qayyum!
Ka kyautata zato ga mutane, wasu lokutan mafi yawancin abin da muke zargi ba gaskiya ba ne.
Marubuci:- M. Kabiru Muhammad
Shiyasa ma a addini aka haramta yin zato (Koda ya kasance gaskiya ne).
Saboda ba a kodayaushe ne yake kasancewa gaskiya ba, kashi 99% duk ƙarya yake kasancewa, ka ga kenan babu amfani.
Allah Yasa Mu da ce
Ko ka san waɗannan abubuwan su ne suke tafiyar da ci gaban zamani....
Mai yasa?
Ta yaya?
Marubuci:- M. Kabiru Muhammad
Ka gwada yin haka a gare ka don tabbatarwa.
Duk wanda muka haɗu da shi a rayuwata, ina yarda da shi 100%. Ina mutunta shi 100%, koda kuwa bai cancanci samun hakan ba. Ina ba shi amana 100%.
Marubuci:- M. Kabiru Muhammad
Ina gasgata furucinsa, koda kuwa ba gaskiya ba ne 100%.
Ina yi masa biyayya, koda kuwa na girme shi 100%.
Ina ba shi lokaci na 100%, koda kuwa bai dace da samun hakan ba.
Ina yin iyakar bakin ƙoƙarina a kan duk abin da muke yi tare da shi don ganin ba a samu matsala ba, sai dai da sannu zai sauya yardar da na yi masa, idan da ma can tun farko ba halinsa ba ne.
A hankali zai fara sa wa na yarda da cewa, shi maƙaryaci ne.
A kwana a tashi zai sa amintar da na yi masa tun farko ta kuɓuce masa, zai sa na dinga kallon sa a matsayin maci amana.
Girman da nake ba shi na yi masa biyayya ba don komai ba sai dai saboda girmama mutane ɗabi'a ce ta masu hankali, amma watarana da kanshi zai sa na daina girmama shi, idan har da ma can tun farko ba halin sa ba ne.
Mutunta shi da nake yi, a kwana a tashi, zai sa na daina mutunta shi yadda ya kamata, idan da ma can bai cancanci samun hakan ba.
Lokacin da nake ba shi, bisa tunanin cewa, yana da muhimmanci, kasancewar shi mutum, da sannu zai sa na daina ba shi lokutana, idan da ma can bai ɗauki lokaci a matsayin abu mafi muhimmanci a cikin rayuwar shi ba.
Da akwai abubuwa masu yawa idan na ce zan yi muku bayanin su.
Da yawan mu mu ne muke sa wa a daina aminta da mu, shi ya sa idan ka ga mutum yana tantama a kanka to kai ne ka sa hakan, haka kuma idan ka ga yana gasgata ka kai ne ka sa hakan, sai dai ba kowa ba ne mutumin kirki haka kuma ba kowa ba ne mutumin banza.
Allah yasa mu da ce, ya kuma zaɓa mana mafi alkhairi a cikin dukkan al'amuran mu Amin Yaa Hayyu Yaa Qayyum.
ASSALAMU ALAIKUM!
Shawarar da zan ba ka a yau.
Ka zama mai yawan haƙuri, don watarana sai labari, kuma za ka ga amfanin hakan, sannan ya dace ka dinga kyautata mu'amalarka da kwastomominka, duk abin da za su yi maka ka yi haƙuri, ka jure, don su ka fito.
Marubuci:- M. Kabiru Muhammad
Kowacce nasara ba a cimma ta cikin sauƙi.
Kasuwanci ba gasa ba ne, amma akwai guraben da za ka iya yin hakan, ta hanyoyin da suka dace, cikin hikima da lura.
Musamman idan ka fahimci gurbinka, da ire-iren kwastomominka.
Na san cewa, ba ka buƙaci shawarar nan ba, na ba ka ita ne saboda ita ce kawai nake da ita.
FATAN ALKHAIRI! 100%
Duk irin yanayin yadda ka kai ga kyautata wa mutane, akwai dubban zukatan da sam ba sa yin farin ciki da kai, koda kuwa za ka zama jagora wajen cimma dukkan muradan rayuwarsu, haka kuma a ƙarƙashin zukatansu sam ba sa yi maka fatan alkhairi a iya tsawon rayuwarka.
Marubuci:- M. Kabiru Muhammad
Haka ma duk yadda ka kai ga ƙuntata wa mutane, akwai ɗaruruwan zukatan bayin Allah waɗanda suke yin farin ciki da kai, kuma sam ba sa son ɓacin ranka, sannan kuma ba za su gushe ba face sun kasance suna masu yi maka kyakkyawan fata gami da kyautata maka zato, koda kuwa ka fi kowa hatsari a cikin rayuwar al'umma baki-ɗaya.
Shawara ta a gare ka: Kai dai komai za kai, ka yi shi da kyakkyawar manufa da zuciya ɗaya, don neman yardar mahaliccin ka, ba neman yardar wasu ƙatti ba.
Sannan ka sa wa ranka cewa, ba za ka iya farantawa kowa rai ba, haka kuma ba za ka iya burge kowa ba.
Amma muddin ka ɗauki aniyar tafiya daidai da ra'ayin kowa, ba shakka ka ɗauki aikin da sam ba a iya kammala shi har abada, koda kuwa a tsakanin 'yan uwan ka ne ko kuma iyalanka.
Kai dai kawai, ka yi iyakar abun da za ka iya yi, wanda ba zai takura ka ba. Ka manta da irin yanayin zantuttukan da mutane za su yi a game da hakan.
Watarana komai zai zama tarihi a cikin rayuwarka gaba-ɗaya!
Ina roƙon Allah Maɗaukakin Sarki Ya sa dukkan Ibadun mu karɓaɓɓu ne, Ya kuma yi mana katangar ƙarfe da gurɓatattun mutanen cikin mu Amin Yaa Hayyu Yaa Qayyum!
A rayuwa kawai kada ka taɓa tsammanin cewa mutane za su iya yi maka abin da duk kake yin tsammanin samu daga gare su a kodayaushe.
Marubuci:- M. Kabiru Muhammad
Kai dai kawai ka yi ƙoƙari ka fahimci abin da kake son cimma a iya tsawon rayuwarka. Watarana sai labari!
Idan har ka san cewa kana tafiya a kan daidai, ba buƙatar lallai ne cewa sai kowa ya gamsu da tsarin dukkan irin abin da kake yi.
Abu mafi muhimmanci a rayuwa, ka koyi yanayin yadda za ka yi mu'amala da mutane a dukkan inda ka tsinci kanka a faɗin duniya.
Idan har kana buƙatar ka fahimci yanayin mutum yadda ya kamata, ka mu'amalance shi na tsawon lokaci, za ka iya fahimtar ko wane ne shi? Fiye da duk yadda kake yin zato.
Allah ya kyautata al'amuran rayuwar mu baki-ɗaya, ya sa mutuwa ta zamo hutu ga kowannen mu Amin Yaa Hayyu Yaa Qayyum.
Ka tuna wa kanka cewa su ma ɗin irinka ne (Mutane). Idan ka yarda da kanka 100%, za ka iya ƙirƙirar abun da su ɗin ba su samar ba a duniya.
Marubuci:- M. Kabiru Muhammad
Mai yiwuwa ma na kan ya fi na sun komai.
Tara abokai a wannan zamanin abu ne mai matuƙar sauƙi, kowa zai iya zama abokin ka amma ba lallai ba ne kowa kuma ya zama aminin ka.
Marubuci:- M. Kabiru Muhammad
Ka yi nazari kafin ka yanke shawarar zaɓar amini, aminintaka tana da amfani sosai amma kuma tana da matuƙar haɗari a wannan zamanin da muke ciki.
Wanda ka aminta da shi , da shi za'a haɗa hannu wajen cin amanar ka, zai nuna maka shi masoyin ka ne na haƙiƙa, da ma kaɗan yake jira domin cimma manufar shi a kanka, da zaran ya biya buƙatar shi za ka neme shi ka rasa, tamkar ba ku taɓa kasancewa a tare ba, ko haɗuwa ku yi da shi sai ka ga yana kame-kame domin a lokacin ba ka da wani sauran amfani a gare shi.
A mafi yawancin lokuta idan hali ya zo ɗaya to aminantaka ta kan zo cikin sauƙi.
Ka zaɓi amini nagari ba amini na banza ba, ba lallai ba ne kowa ya zama mutumin kirki, haka ma ba lallai ba ne kuma kowa ya zama mutumin banza.
Allah ya zaɓa mana abokai nagari, ya kuma sanya su zama alkhairi a gare mu duniya da lahira Amin.
Ke ce azancin kowanne bigiren hasken da yake ƙara haskaka fadar duniyar masoya, ra'ayina ne kallonki haka zalika ra'ayin kowa ne beg...
