Karkai Aure Har Sai Ka Karanta Wannan Shawarar Mai Muhimmanci Ga Masu Niyyar Yin Aure Maza Da Mata

Alaji kada matsuwar gwaurantaka ta ingiza ka yin aure alhalin baka gama shiryawa ba, damuwar da zaka shiga a rayuwar aure sai ta zarce wacce kake ciki a sa'ilin da baka da aure, ci gaba da haƙuri har Allah ya kawo maka mafita ka tabbatar da zaka iya riƙe kanka, matarka da 'ya'yan da zaka samu.

SHAWARA CE...

Marubuci:- Imam Aliyu Indabawa

Domin hakan na yawan faruwa ga matasa, sai daga baya a zo a shiga tsilla-tsilla, ni fa a ra'ayina babu yadda za'ai na taro aure idan har banfi ƙarfin dubu ɗari a kowanne wata ba, ba zan iya barin matata da shinkafa da wake da mai ba kullum, ni da ita yakamata mu sami canji a rayuwar gidan iyayenmu, amma fa wannan ra'ayina ne, alaji ko dubu arba'in kake samu indai ka haɗu da mai sonka da gaskiya wataƙila zata iya ɗaurewa.

Hajiya kada ki yarda takurawar iyaye ko gulmace-gulmacen mutane ya ingizaki auren wanda bashi da sana'a, ko wanda bashi da kyawawan ɗabi'u da addini, halin da zaki sami kanki bayan aurensa sai yafi tsanani fiye da rayuwar da kike a gaban iyayenki, komai girman da kikai a gaban iyayenki idan miji ya zo miki, kiyi bincike sannan ki aminta da batun aure, domin neman abokin rayuwa baya buƙatar gaggawa, sannu-sannu yake buƙata, bincike, nazari uwa uba addu'a.

Allah ya zaɓa mana abokan zama mafi alkhairi Amin.

Shafin komai da ruwanka, Muryarhausa24.com.ng munayin

aiki tuƙuru don Ilimantarwa da Faɗakarwa.

Ku ci gaba da kasancewa da mu a www.muryarhausa24.com.ng   a duk inda ku kasance a faɗin Duniya.

MURYAR HAUSA24 FARIN CIKIN AL'UMMA.

Source: www.muryarhausa24.com.ng