Friday, 19 October 2018
Tuesday, 29 October 2019
BINCIKE: Nijeriya Tana Fuskantar Makircin Manyan Kasashen Duniya
2. Basa Son Najeriya ta iya Noma abincin da take ci a Shekara.
3. Basa So Najeriya ta Mallaki Matatan Man Fetir a cikin gida.
4. Basa Son Najeriya ta Farfado da Masana'antun Gwamnati da PDP Suka Lalata.
5. Basa Son Najeriya ta dawo da Kaddarorin ta da wasu Azzalumai suka mallakar akan su.
6. Basa Son Najeriya ta Kwaco Rijiyoyin Man dake hannun Wasu yan Kasuwa dake ciki da wajen kasar.
7. Basa Son Najeriya ta farfafo da Kamfanin Kirkire-kirkire na Ajakuta.
8. Basa Son Najeriya ta Bunkasa Bangaren Sufuri ta hanyar farfado da Kamfanin Jirgin Sama na (Nigeria Airways) Janyo ruwa daga yammaci zuwa Arewacin kasar, da Shimfida Hanyoyi jirgin Kasa a kowace sashin kasar.
MAKALOLI MASU ALAKA:
Karanta Illolin da Kabilar IGBO ta yiwa Sauran Kabilun Nigeria Wanda Hakan Zai Iya Haifar da Matsala anan Gaba
KARANTA TARIHIN YADDA TURAWA SUKA AZABTAR DA AL'UMMAR YANKIN AREWACIN NIGERIA
Karanta Jerin Abinci Hausawa Kafin Zuwan Shinkafa 'Yar Kasashen Waje
Wednesday, 30 May 2018
Karanta Yanzu Kaji: Abubuwa 5 da Yakamata Ku sani dangane da Jawabin Shugaba Buhari akan Ranar Tunawa Da Zagayowar Mulkin Dimokradiya A Najeriya
Shugaban kasa Muhammadu Buhari yayi jawabi ga ‘yan Najeriya a ranar demokaradiyya, inda ya tunawa ‘yan Najeriya cika shekaru 19 da Najeriya ta dawo turbar yanci.
Monday, 30 April 2018
KARANTA YANZU KAJI: ABUBUWAN DA YAKAMATA KASANI DANGANE DA ZIYARAR SHUGABAN NIGERIA BUHARI KASAR AMERICA - HOTUNA DA LABARI
A yau litinin ne shugaban kasa, Muhammadu Buhari, da takwaran sa
na kasar Amurka, Donald Trump, suka gana tare da yin jawabi
ga manema labarai tare.
Ga wasu abubuwa biyar da shugaba Trump na Amurka ya fada
yayin ganawar ta su
1. Shugaba Trump ya bayyana cewar baya nadamar kalaman
sa a kan batun 'yan ci-rani daga Najeriya dake tururuwar zuwa
Amurka da kuma wadanda suke can amma basa kaunar
dawowa Najeriya.
2. Shugaba Trump ya musanta cewar sun yi tattauna da
jami'an gwamnatin sa inda ya yi kalaman kaskanci ga nahiyar
Afrika. Trump ya ce babu wannan maganar.
Trump yayin ganawa da Buhari
3. Trump ya bayyana cewar kwanannan Najeriya zata samu
jiragen yaki na musamman da ta saya daga kasar Amurka da
zarar an gama da duk wani batu dake da alaka da takunkumi
daina sayar wa da Najeriya makamai da gwamnatin Obama ta
kakabawa Najeriya, wanda kuma Trump ya janye shi.
4. " Ba zamu yarda da kisan Kiristoci ba a Najeriya," a cewar
Trump. Trump ya ce kasar Amurka zata shiga maganar kashe
mabiya addinin Kirista a Najeriya.
5. Shugaba Trump ya bayyana cewar yana ganin girma da
kimar shugaba Buhari kuma zasu yi aiki tare domin inganta
tsaro, kasuwanci, tattalin arziki da kuma kawo karshen kashe
Kiristoci a Najeriya.
Karin haske akan labarin BBC HAUSA
Shugaban Amurka Donald Trump ya yabawa takwaransa na
Najeriya Muhammadu Buhari kan yadda yake yaki da
ta'addanci a lokacin da suka gana a fadar White House.
Mr Trump ya ce Shugaba Buhari "ya jajirce" a yakin da kasarsa
ke yi da ta'addanci kuma Amurka za ta ci gaba da aiki tare da
Najeriya domin kawar da wannan matsala.
Sai dai ya ce "ana kashe Kiristoci a Najeriyar, inda ya ce za mu
yi aiki kan hakan, domin shawo kan matsalar sosai da sosai,
domin ba za mu bar hakan ya ci gaba da faruwa ba."
Shugabbannin sun kuma tattauna kan batutuwan tattalin arziki
da kasuwanci da suka shafi kasashen biyu.
A nasa bangaren Shugaba Buhari ya yabawa rawar da Mr
Trump ke takawa wurin samar da zaman lafiya a yankin Koriya,
da kuma taimakawa Najeriya a yakin da ta ke yi da Boko
Haram
Sannan ya jinjina wa shugaban na Amurka kan yadda kasarsa
ke tallafawa ayyukan jin kai a yankin Arewa maso Gabas.
Muhammadu Buhari ya zamo shugaba na farko daga nahiyar
Afirka (Kudu da sahara) da ya gana da Mista Trump a
Washington.
Kasuwanci
Kan batun kasuwanci, Mr Trump ya nemi Najeriya da ta bude
kofofinta ga kamfanonin Amurka idan har tana son ayi
kasuwanci da gaske musamman a fannin noma.
Sai dai wannan lamari ne mai sarkakiya ganin yadda Najeriya
ke kokarin bunkasa noma a cikin gida da kuma rage dogara ga
man fetur.
Amurka da Najeriya na da alaka ta kut-da-kut wacce suka
shafe shekara da shekaru suna martaba wa.
Cin hanci da rashawa
Mr Trump ya kuma yabi yadda Buhari ke yaki da ta'addanci,
amma ya ce akwai cin hanci da yawa a kasar.
A don haka bai bayyana kai tsaye cewa ko Amurka za ta mayar
da kudaden da ake zargin an sace daga Najeriya an boye a
kasar ba.
Amma dai ya ce za su ci gaba da aiki tare da jami'an Najeriyar.
An zabi Shugaba Buhari ne bisa alkawarin yaki da cin hanci da
rashawa a kasar da ta yi kaurin suna a wannan fage.
Source by ©Hausa Naij and Bbc Hausa
Tuesday, 12 December 2017
Siyasar Nigeria: Ina matukar mamakin yadda wai PDP ke son dawowa mulkin Najeriya –Muhammadu Buhari
Rahoton DailyNigerian Hausa
Shugaban ƙasa Muhammadu Buhari ya bayyana
cewar, yana matukar mamakin yadda wai PDP
take son dawowa kan karagar Mulki a Najeriya,
bayan duk irin muguwar barnar da ta aikatawa
kasarnan wai har wani shirye shirye suke yi na
sake dawowa kan karagar mulki a babban zaben
2019 da ke tafe.
Shugaba Buhari yana magana ne, a taron
kungiyoyin al’umma da aka gudanar a gidan
Gwamnatin Kano, a bukukuwan da ake yi na
ziyararsa a birnin Kano ta yini biyu, wadda ta
kare a ranar Alhamis.
Shugaba Buhari yace ‘yan
Najeriya ba zasu taba mancewa da mulkin
shekaru 16 na jam’iyyar PDP ba.
Kamar yadda ya fada, cin hanci da rashawa bai
sake samun gindin zama ba, sai a zamanin
mulkin PDP a Najeriya. PDP sai da ta kusan
tsiyata Najeriya, kuma ita ke da alhakin dukkan
wannan balahira da batarnaka da ake yi ta cin
hanci da rashawa a Najeriya. Dan haka babu
abinda PDP ta yi illa muguwar barna a Najeriya.
Ya cigaba da cewar, tsarin Gwamnatin APC shi
ne samar da canji, ta hanyar yakar fitinar Boko
Haram, da yakarcin hanci da rashawa, da kuma
samar da tsarin da tattalin arzikin Najeriya zai
dawo cikin hayyacinsa.
Dan haka wannan
Gwamnatin ta APC tana samun nasarori sosai
akan abinda suka sanya a gaba, inji Buhari.
Shugaba Buhari ya kara da cewar,” Amma yaki
da cin hanci shi ne abinda yafi ci mana tuwo a
kwarya.
Dan haka tilas ne ‘yan Najeriya su
fahimci bambancin tsarin Gwamnatin soja da
kuma Gwamnatin Demokaradiyya. Tun zamanin
da nayi Mulki cin hanci da rashawa yake yunkurin
kashe kasarnan, ni kaina sai da na kare a gidin
kaso a sakamakon yakin da na kuduri aniya da
cin hanci.”
“A lokacin da nake shugaban kasa a mulkin soja,
na kama kuma na tsare ‘yan siyasa da yawa,
sabida a lokacin ina da kuruciya, amma
mutumbiyu daga cikin wadan da muka kama,
muka ga ashe su ba masu laifi bane, marigayi
Bilyaminu Usman da kuma Malam Adamu
Chiroma, su kadai ne bamu samu da laifi ba, a
cikin mutanen da muka kakkama a wancan
lokacin.”
“A wannan kasar ne fa muka samu wani babban
alkali, makare da kudaden kasashen waje a
gidansa, na miliyoyin kudi, da fasfo na
musamman har kala hudu.
Irin wadannan
mutanen fa sune suke daure mutane shekaru 20
sabida sunci hanci ko sun karbi rashawa, amma
sai gashi mai dokar barci ya bige da gyangyadi.”
Inji Buhari.
Haka kuma, Shugaba Buhari ya tunawa mutane
cewar,daga shekarar 1999 har zuwa 2014
Najeriya na fitar da gangar danyan mai Miliyan
biyu da digo daya (2.1m) a kusan farashin da bai
gaza dalar amurka 100 ba, yace wadannan
makudan kudade duk sunyi batan dabo a
karkashin mulkin PDP.
“Abin takaici, lokacin da muka karbi mulki
farashin gangar danyan mai ya karye, inda ake
sayar da kowace ganga akan dalar amurka 28,
sai daga bisani ne ta daga zuwa 37 har ta kai
40.
A dan haka naje Babban bankin kasa CBN
domin a lokacin kowa yasan nawa ne Najeriya
take samu daga danyan man da take
kasuwancinsa, na tambayi nawa muke da shi a
ajiye, aka shaida min cewar, babu komai, sai ma
ciko da ya biyo gyartai.”
“Ban iya gamsuwa da bayanin ba, sabida ina
tunanin kamar ba gaskiya bane.
Aka ce min wai
anyi amfani da kudaden wajen shigo da mai da
kayan abinci, bayan kuma nasan a yankunan
kudu maso yamma, da maso gabas da maso
kudu, da kuma Arewa maso yamma da maso
gabas da Arewa ta tsakiya duk muna iya samar
da abincin da zamu ci, nace ba zai yuwu ba mu
dinga siyan abincin kasar waje, wannan rayuwar
karya ce.”
“A lokacin da muka bincika yadda ake shigo da
tattacen mai, abin takaici, mun samu kazamar
cuwa cuwa tsakanin masu shigo da man da kuma
masu kasuwancinsa a gida Najeriya tare kuma da
hadin bakin babban bankin kasa CBN.
Sam ko a
jikinsu basu damu da halin da ‘yan Najeriya zasu
fada ba ta sanadiyar ci da guminsu da suke yi.”
Tare da irin wannan mugun alkaba’in da aka yi a
Najeriya karkashin Gwamnatin PDP ta tsawon
shekaru 16, wai suna shirye shiryen dawowa kan
karagar mulki, ni kam ina cike da mamaki a
gaskiya. Inji shugaban kasa Muhammadu Buhari.
Haka kuma, yayi godiya ga al’ummar jihar Kano
akan irin goyon baya da suke bashi, da kuma
karrama shi da aka yi a yayin wannan ziyara da
ya kawo, naga har da kananan yara sun fito
sosai kawai dan su yi ido biyu da ni gaskiya ban
yi tsammanin haka ba, “Na gode kwarai da gaske
mutanen Kano” Inji Shugaba Buhari.
Saturday, 4 August 2018
DUK MAI HANKALI IDAN YA KARANTA JAWABIN SHUGABAN KASA BUHARI SAI YA ZUBDA HAWAYE - KARANTA YANZU KAJI
Marubuci: Datti Assalafiy
Shugaba Buhari yayi jawabai masu sosa rai dangane da makomar Kasarmu Nigeria da tsarin siyasar miyagun shugabanni 'yan jari hujja
Shugaba Buhari yace: "Allah Ya sani bisa kokarin tunanina shine in tabbatar na daura Nigeria kan mizanin da zakuyi alfahari da ita nan gaba.
Akwai wahala cikin kawo sauyi a Kasa , amma muna jureshi iyakar iyawar mu, ko makiya sun tabbatar mun dauki saiti kan makomar Kasar mu Nigeria, amma 'yan jari-hujja munyi musu laifin da bazasu yafe mana ba, laifin shine rufe musu kofofin sata, su ba damuwar su bane Nigeria ta kone ta babbake su sayar da tokanta su gudu .
Sun sako mu a gaba yanzu da dukkan karfinsu suna bukatar a kyalesu su wargaza 'dan abinda muka fara gyarawa.
Basa fatan alheri ko miskala-zarratin wa Nigeria da al'ummar ta
Babu wani zabi garemu, zabi yana gareku al'ummar Nigeria, idan kun gaskata kokarin mu ku sake zabanmu mu dora daga inda muka tsaya, hakan zai zama alheri gare ku, idan kuma kun karyatamu ku koma gare su ('Yan jari hujja) su lalata makomarku da Kasar ku.
Amma tabbas watarana zaku tuna na fada muku gaskiya, kuma na doraku akan gaskiya, kuma na rikeku da gaskiya, zabi nakune, kan makomar Kasarku ba batun siyasace a raina ba wallahi face makomar ku nan gaba.." ~Jawabin shugaban Kasa Muhammadu Buhari Hafizahullah
Alherin Allah Ya kai ga shugaba Buhari
Allah Ka tsare manashi daga dukkan sharri
Allah Ka daukaka darajarsa duniya da lahira
Allah Ka bashi dukkan nasara da yake nema
Allah Ka zama jagoransa Amin Summa Amin
Karanta Kaji: Ubangiji ba zai yafe min ba idan na mara wa Atiku baya a zaɓen 2019 – Cewar Obasanjo
Shafin komai da ruwanka, Muryarhausa24.com.ng munayin
aiki Tukuru don jin dadin ku
Isar
da bayanai akan lokaci ba tareda son
zuciya ba shine muradin Mu
Domin samun Labarai,Nishaɗi, Kalaman Soyayyar Hausawa,Bincike mai zurfi,,Tarihi,Fadakarawa,Kimiya da Fasaha,Hotuna,Hausa Comedy, Sharhi mai gamsarwa, tsage gaskiya dalla-dalla da dai sauran su Ku ci gaba da kasancewa da Mu a www.muryarhausa24.com.ng a duk inda Ku Kasance a fadin Duniya
DOMIN SAMUN LABARAI, RAHOTANNI, LABARIN BOLLYWOOD, LABARIN FINA-FINAN HAUSA NA KANNYWOOD, LABARIN WASANNI, HAUSA NOVELS, SABABBIN WAKOKIN SIYASA, TSOFAFFIN WAKOKIN HAUSA, ZAFAFAN KALAMAN SOYAYYAR ZAMANI, TSOFAFFIN WAKOKIN SIYASA, SABABBIN WAKOKIN HAUSA, FADAKARWA ,NISHAƊANTARWA, LABARIN WASANNI, ILIMANTARWA DA SAURAN SU AKAN LOKACI KU CI GABA DA KASANCEWA DA MU A www.muryarhausa24.com.ng
Zaku iya aiko mana da Labari ko shawarwari, Ra'ayoyin ku ko kuma nuna gamsuwar Ku akan yadda Mu ke tafiyar da wannan Shafi mai ALBARKA aika saƙon ka/ki akan addreshin Mu Na yanar gizo muryarhausa24@gmail.com
Za muyi farin ciki da samun saƙon ka/ki Mungode
Source: www.muryarhausa24.com.ng
Monday, 11 June 2018
Kalli Abubuwan Mamaki Wanda su faru A Kasar Morocco yayin da Shugaban Kasar Nigeria Muhammadu Buhari Yakai Musu Ziyara ( Hotuna 12 da Cikakken Labari)
A duk lokacin da shugaba Buhari ya kai ziyarar aiki jihohin Najeriya Dandazon jama'a sun sha yimai taron ban mamaki, musamman jihohin Arewa, hakanne ta faru a ziyarar da shugaba Buhari yakai kasar Morocco, jiya, inda akamai tarbar karamci.
Sarki Muhammad VI na Moroccon da shugaba Buhari sun fito ta saman mota suna dagawa dandazon jama'ar da suka fito dan yiwa shugaba Buharin maraba, yayin da jami'an tsaro da jerin gwanon motocin alfarma ke kewaye dasu hagu da dama.
Abin ya kayatar sosai, muna fatan Allah ya dawo dashi lafiya.
Gwamnatin Najeriya da takwararta na kasar Morocco sun rattafa hannaye kan wasu yarjejeniya tsakanin kasashen biyu da zasu habbaka tattalin arzikin kasashen biyu, wadanda suka kunshi cigaban iskar gas, zuba hannayen jari da kuma inganta harkar noma.
NAIJ.com ta ruwaito fadar shugaban kasa ne ta sanar da wadanna riba kan riba da Najeriya zata sharba daga ziyarar da shugaban kasa Muhammadu Buhari ya kai ma shugaban kasar Morocci Sarki Muhammad na Shida.
Friday, 20 April 2018
KARANTA KAJI: MATASAN KASAR NIGERIA MALALATA NE KUMA YAWANCIN SU JAHILAI NE- Muhammadu Buhari
Shugaba Muhammadu Buhari ya soki
matasan Najeriya, wadanda ya kira
sangartattu, saboda dabi’ar su ta jiran
tsammanin samun abu ba tare da sun tashi
sun ci gumin kan su ba.
“Sama da kashi 60 cikin 100 na yawan
al’ummar Najeriya duk matasa ne ‘yan kasa
da shekaru 30, kuma da yawan su ba su je
makaranta sun nemi ilmi ba, kawai su na
ikirarin cewa Najeriya kasa ce mai arzikin
man fetur. Saboda haka, sai su zauna a
sangarce su na jiran su samu gidajen zama,
kula da lafiya da kuma ilmi duk a kyauta.”
Haka jaridar The Cable ta ruwaito shi ya na
furtawa a lokacin da ya ke jawabi ga taron
Shugabannin Duniya a Taron Tattauna
Kasuwanci da Tattalin Arziki a Landan,
ranar Laraba.
Dama kuma cikin watan Fabrairu, 2016,
Buhari a wata tattaunawa da ya yi da
jaridar Telegraph, ya ce wasu ‘yan Najeriya
mazauna Ingila, musamman matasa, duk
sun karkata ne wajen aikata munanan
laifuka don haka bai cancanta Ingila ta rika
ba su mafaka su zauna ba.
Daga jiya zuwa yanzu dai gaba daya kasar
nan, duk jama’a sun karkata ne wajen
jinjina wannan furuci na Buhari, wanda da
dama ke cewa bai kamata ma, kuma
kasassaba ce shugaba ya fita waje ya na
aibata kasar sa.
A farkon wannan shekara ne wani bincike
da sharhi da Jami’ar Rice ta gudanar a
Amerika, ya tabbatar da cewa ‘yan Najeriya
bakin da suka fi dukkan sauran baki daga
kowace kasa ilmi.
Bidiyon furucin da Buhari ya yi a Landan ya
na ta yawo a soshiyal midiya, inda matasa a
fadin kasar nan, musamman a Arewa ake ta
yin tir da kalamin.
Buhari ya ce, 'Da damansu ba su suyi makaranta ba, sannan
suna cewa ai Najeriya kasa ce mai albarkar mai, don haka
suna zaune ba sa komai suna jira gwamnati ta samar musu
ilimi, da gida, da kula da lafiya kyauta'.
Shugaba Buhari yana magana ne a taron kasashen renon Ingila
dake gudana a birnin Landan.
Sai dai kalaman sa na ci gaba da tayar da kura a tsakanin
matasan kasar musamman a kafafen sada zumunta na
zamani.
Matasa da dama dai sun nuna damuwarsu kan kalaman da
suka ce na zubar da kima ne.
Ra'ayoyin Wasu Kenan:
This statement is causing a lot of backlash. No one
supported the President more then the youths
(educated & uneducated). He shouldn’t be making such
statements in an international conference. He should
have used the opportunity to highlight the good things
the youths are doing. https://t.co/WPdOEHcIDx
— Dr. Aminu Gamawa (@aminugamawa) 18 Afirilu, 2018
Yusuf BUHARI is very very very very lazy, yet he bought
OKADA for 112million naira and he got the best
treatment outside the country on our bills.
RT if you are a youth and not lazy.
— BOLANLE 🇳🇬 (@bolaNLee_c) 19 Afirilu, 2018
Very true....some Nigerian youths are lazy. I back
Buhari's claims. Only the courageous say the truth.
Only the strong accept it.
Deal with it ......
— Ibrahim Ijaola (@ijaola_ibrahim) 19 Afirilu, 2018
Buhari did not say Nigerian youth are lazy. But a bulk of
lazy Nigerian youth, wearing a toga of laziness that was
not necessarily ascribed to them, have failed to find out
exactly what the President said.
Guilty of a crime you confessed to, even when you were
not accused?
— Dr. Thompson Udenwa (@TomUdenwa) 19 Afirilu,
2018
Wannan batu dai na daga cikin abubuwan da suka fi daukar
hankalin matasan kasar, musamman ma da ya ke Shugaba
Buhari ya fi farin jini a wajen matasa a sama da masu shekaru
da yawa.
To sai dai duk da haka akwai wasu matasan da suke ganin
babu aibu a maganar shugaban, domin kuwa bai hada
matasan ya yi musu kudin goro ba, ya dai ce da dama daga
cikinsu ne suka da wannan matsala.
Haka kuma wasu na da ra'ayin cewa gaskiya ce zalla
shugaban ya fada, don haka babu wani abin tada jijiyar wuya.
Source by ©Premium Times Hausa and BBC HAUSA
Wednesday, 11 December 2019
Kalli Yadda Soyayya ta sa Wani Bawan Allah ya Sauya Sunan Shi Zuwa na Shugaban Kasa Muhammadu Buhari
Marubuci: Rabi'u Biyora
Anyi babban bukin raɗa suna a jihar Kano, inda aka kawo Goro da alewa tare da gayyato malamin daya raɗa sabon sunan, sannan aka yanka Rago na sabon suna.
MAKALOLI MASU ALAKA:
Kalli Yadda Wani Dan Sanda Ya Harbi Wani Matashi Dalibin Computer Science Har Lahira
DUK MAI HANKALI IDAN YA KARANTA JAWABIN SHUGABAN KASA BUHARI SAI YA ZUBDA HAWAYE
KARANTA ZAFAFAN SHAWARWARI 10 ZUWA GA SHUGABAN KASAR NIGERIA MUHAMMADU BUHARI
Idan ba'a ga laifin mai canza suna saboda adawa ba, ina ganin shima mai canzawa saboda soyayya bai kamata aga laifinsa, musammam idan abun daya aikata bai saɓa da ƙa'idojin addini ba.
Shafin komai da ruwanka, Muryarhausa24.com.ng munayin
Thursday, 14 September 2017
Farin Jinin Shugaba Muhammadu Buhari na kara disashewa a Nigeria
'Yan Nigeria sun yi lale marhabin matuka da
dawowar Muhammadu Buhari kan mulki karo na
biyu shekara daya da rabi da ta wuce tare da
saka fata mai yawan gaske a kansa.
Kusan hankalin kowa ya kwanta lokacin da ya
karbi ragwamar mulki daga tsohon Shugaba
Goodluck Jonathan - wanda ake yi wa kallon
maras katabus.
Sai dai watanni 18 bayan haka, sai ga shi 'yan
kasar da yawa na tababar ko sabon shugaban
nasu mai shekara 73 na iya shugabantar kasar
mafi yawan jama'a a nahiyar Afirka, ta yin
la'akari da girman matsalolin da take fuskanta
yanzu.
A yayin da ake jinjina wa shugaban kan kokarin
da yake na yaki da cin hanci da karbar rashawa
da kuma yadda yanzu sojojin kasar ke samun
galaba wajen yakin da kungiyar Boko Haram, a
wasu fannonin rayuwa ba wani abin a-zo-a-
gani.'Yan Nigeria sun yi lale marhabin matuka da
dawowar Muhammadu Buhari kan mulki karo na
biyu shekara daya da rabi da ta wuce tare da
saka fata mai yawan gaske a kansa.
Shugaban Buhari dai ya fada da bakinsa cewa
bai shigo da kafar dama ba saboda ya karbi
mulkin ne lokacin da farashin danyen mai wanda
kasar ta dogara kansa ya fadi kasa warwas.
Mannir Dan Ali:
"Kodayake ya kusa yin rabin wa'adinsa, har yanzu
Shugaba Buhari bai nada wasu manyan mukaman
da za su taimaka masa kai kasar inda yake burin
kai ta."
Shugabannin da suka gabata musamman Mista
Jonathan, ba su yi tsimin komai ba daga rarar
kudaden da kasar ta samu lokacin da farashin
gangar mai ke sama ga dala 100 domin irin
wannan lokacin da farashin ya fado zuwa dala 30
kacal.
Bugu da kari kuma wawasar kudaden gwamnati
ba-kai-ba-gindi ta hana kasar ajiye komai daga
cikin kudaden da ta samu ta wasu kafofin.
Kuma hatta kudaden da aka ware domin yaki da
Boko Haram wasu daidaikun mutane sun karkata
su zuwa amfanin kansu da kuma wajen yakin
neman zabe.
Buhari ya amsa cewa ya ji kamar ya gudu ya bar
mulki bayan da ya ga yadda girman matsalar
take lokacin da ya karbi mulki a watan Mayun
shekara ta 2015.
Suka daga dakin kwanansa
A yanzu hakurin wasu magoya bayansa ya fara
karewa.
Daga cikin masu sukarsa har da matarsa, wadda
ta yi wani abu da ba a saba gani ba, na fitowa ta
soki salon shugabancinsa a bainar jama'a a cikin
wata hira da BBC.
Inda ta ce ba za ta goyi bayansa ba idan ya ce
zai sake tsayawa takara a shekara ta 2019, idan
bai sauya salon mulkinsa ba.
Shi ma dai tsohon Shugaban kasar Olusegun
Obasanjo, wanda ya ba shi goyon baya lokacin
zabe, ya fito fili ya nuna adawa da wasu
manufofin gwamnatinsa daga bisani musamman
batun karbo bashi na dala biliyan 30.
''Idan ba mu gyara tsarin tattalin arziki ta yadda
zai ragewa yawancin 'yan Najeriya wahalhalun
da suke ciki ba, nasarar da aka samu wajen yaki
da ta'addanci da kuma cin hanci da rashawa za
ta zama maras amfani,'' in ji shi.
Da ma ta bangaren tattalin arzikin ne aka fi nuna
rashin gamsuwa saboda karayar arzikin da kasar
ta fada a yanzu.
Babban tushen damuwar
Karya darajar kudin kasar Naira, da hauhawar
farashin kayan abinci da kuma rasa ayyuka sun
jefa iyalai da yawa cikin kunci. Sai da kyar ne
wasu ke samu su ci abinci sau daya a rana.
Wannan ne ya sa a kwanan nan 'yan kasar na
wasu maganganu na yanke kauna ga shugaban a
shafukan sada zumunta irin wannan:
''Yanzu ba so muke Shugaba Buhari ya ciyar da
Najeria gaba ba. Muna so ne ya mayar da ita a
yadda take kafin ya zamo shugaban kasa.''
A halin da ake ciki yanzu dai yawancin 'yan
Najeriya na fatan shugaban da mukarrabansa za
su hada karfi wuri daya su fitar da kasar daga
karayar arziki mafi muni tun bayan komawar ta
kan tsarin dimokradiyya a shekarar 1999 - kana
su nuna cewa zabensa ba kuskure ba ne.
.
.
Kada Ku manta in zaku ziyarci website din mu
akan wayoyin Ku zakusa address kamar haka
dadinkowa24.blogspot.com banda sa www
kuma batareda bayarda sarari wajen sa
address din ba mungode Always Visit==http://dadinkowa24.blogspot.com ALLAH yabar Zumunci Amin
.
.
Source By BBC HAUSA
MAFI BURGEWA
Nasarar Dare Daya
Akwai wani kuskure da muke yi, Matashi yana fara samun kuɗi, ko wata dama, maimakon ya yi amfani da wannan damar wajan ƙara gina sana'a ...
KYAKKYAWAN LABARI
Da Ɗumi-Ɗumin Su
SASSAN SHAFI
MAFI ƘAYATARWA
-
MASARAUTA Kin wadata zuciyata da farin ciki, kin haskaka rayuwata da haskenki, kulawarki a gare ni ta musamman ce, hakan ya sa nake jin ka...
-
Kasancewarki sarauniya mai cikakken iko, na san yanzu haka kina kwance ba ki tashi daga bacci ba, shi yasa na aiko saƙona domin ya zauna a b...
-
Ƙaunarki ce mafari kuma silar wanzuwar duk wani farin ciki ko haske a cikin duniyata, domin annurin amintacciyar zuciyarki ne mahaɗi ko na c...
-
Ba zan taɓa mantawa ba lokacin da wata tsohuwan budurwata ta aiko mini da wasiƙar rabuwa, a daidai lokacin da aka kawo wasiƙar ina tare da m...
-
Daga yanzu har zuwa rayuwar da zan yi a gaba, zuciyata za ta ci gaba da bibiyarki cikin soyayya da ƙauna tsantsa. Sabon kalaman soyayya Hoto...
-
Assalamu alaiki ya ke wannar kyakkyawar da zuciyata ke bugawa da haruffan sunanta, kamar yadda kika sani cewa daidaiton kowacce gangar jiki ...
-
Ke ce mai sani murmushi a duk lokacin da na shiga duhun damuwa. Ke ce abar kulawa a lokacin da nake da rauni. Kalaman Ƙara Danƙon Soyayya Ga...
-
{ اللّهُ لاَ إِلَـهَ إِلاَّ هُوَ الْحَيُّ الْقَيُّومُ لاَ تَأْخُذُهُ سِنَةٌ وَلاَ نَوْمٌ لَّهُ مَا فِي السَّمَاوَاتِ وَمَا فِي الأَرْضِ مَن ...
-
Wani bature yazo kasar Hausa domin yi musu wani aiki, sai ya tara mutanen garin domin yi musu jawabi. Labarin Nishaɗi don Kananan Yara...
-
Aminci a gare ki ya sarauniya mai kyakkyawar sura da cikakkiyar nutsuwar sautin zance wanda ke fita tamkar busa irin na sarewa. M atsayin gi...



















