Showing posts sorted by relevance for query Fatima Zahra. Sort by date Show all posts
Showing posts sorted by relevance for query Fatima Zahra. Sort by date Show all posts

Friday, 20 March 2020

Sauke Sabuwar Wakar Isah Ayagi - Fatima Zahra

Sauke Sabuwar Wakar Isah Ayagi - Fatima Zahra

Kamar Yadda Shafin
MuryarHausa24.com.ng ya shahara wajen kawo muku sababbin Waƙoƙin Soyayya har ma dana Siyasa Yau ma gamu tafe da waƙar Soyayya.


Mawaƙi Isah Ayagi

ISAH AYAGI, fitaccen mawaƙi ne a masana'antar shiya fina-finan Hausa (Kannywood), duba da yadda yake fitar da waƙoƙin shi masu ɗauke da sakonni na musamman cikin faɗakarwa da Nishaɗantarwa, wanda hakan ya taka muhimmiyar rawa sosai wajen bunƙasar waƙoƙin sa ciki da wajen ƙasar nan.

Taken wakar "Ni dai Nakasa Barci Saboda Ke Gimbiya Fatima daure Ki  Bani Bigire a Zuciya Kar Nayo Kuka".

Daga jin taken wannan wakar munsan  cewa bakwa buƙatar sharhi akai.

Waƙar HIJIRA (Da Sauran Kallo) , ita ce wakar da tayi sanadiyyar shaharar sa a farfajiyar Kannywood dama Duniya baki ɗaya.

Isah Ayagi , ya rera wannan waƙar ne cikin wani salo mai ban sha'awa da tafiyar da zukatan masoya, lallai waƙar Fatima Zahra ta cancanci samun kyautar girmamawa.

Wato tsayawa bayyana abinda wannan sabuwar waƙar ta ƙunsa kamar ɓata lokaci ne, abin sai wanda ya saurara.

Kardai mu cika ku da surutu ku sauke wannan waƙar yanzu domin sauraro.

Ku Sauke wakar anan..

DOWNLOAD MP3 NOW

KADA KU SAKE A BAKU LABARI

Domin samun sababbin wakokin siyasa, wakokin Soyayya, wakokin bege, wakokin gargajiya da sauran su akan lokaci ku ci gaba da kasancewa da mu a www.MuryarHausa24.com.ng farin cikin ku shine farin cikin mu.

Zaku iya sauke Sababbin wakokin Isah Ayagi harma da Tsofaffin Wakokin Isah Ayagi a kyauta idan ku shiga link ɗin dake ƙasa.

SABABBIN WAKOKIN ISAH AYAGI 

MURYAR HAUSA24 Muna fatan za'ayi sauraro lafiya cikin Nishaɗi.

Shafin komai da ruwanka, Muryarhausa24.com.ng munayin
aiki tuƙuru don Ilimantarwa da Faɗakarwa.

Ku ci gaba da kasancewa da mu a www.muryarhausa24.com.ng   a duk inda ku kasance a faɗin Duniya.

MURYAR HAUSA24 FARIN CIKIN AL'UMMA.

Friday, 24 July 2020

Ina Son In Yi Aure Amma Bansan Dalilin Da Yasa Samari Suke Jin Tsoron Yi Min Magana Ba - Fatima Zahra

Ina Son In Yi Aure Amma Bansan Dalilin Da Yasa Samari Suke Jin Tsoron Yi Min Magana Ba - Fatima Zahra

Ɗaya daga cikin mabiya shafin sada zumunta na dandalin twitter Fatima Zahrah tayi wani jawabi wanda ya girgiza hankulan dubban mutane mabiya shafukan yanar gizo.

Ina Buƙatar In Yi Aure

A cikin jawabin nata tace "Ni ba ƙaramar yarinya bace amma kuma bansan dalilin da yasa samari suke jin tsoron yi min magana, kuma gashi ina buƙatar yin aure".

Aure Nake So

Biyo bayan wannan jawabin nata, nan take samari suka fara yin tururuwa don nuna sha'awar su, don ganin sun gwada sa'ar su ko zasu dace.

Kalli ƙarin hotunan Fatima Zahrah a ƙasa:

Ina Buƙatar In Yi Aure

Ina Buƙatar In Yi Aure

Ina Buƙatar In Yi Aure


Shafin komai da ruwanka, Muryarhausa24.com.ng munayin
aiki tuƙuru don Ilimantarwa da Faɗakarwa.

Ku ci gaba da kasancewa da mu a www.muryarhausa24.com.ng   a duk inda ku kasance a faɗin Duniya.

MURYAR HAUSA24 FARIN CIKIN AL'UMMA.

Thursday, 18 July 2019

KARANTA DALILAI 6 DAKE SA MATA KASHE MAZAJEN SU

KARANTA DALILAI 6 DAKE SA MATA KASHE MAZAJEN SU

Waɗannan dalilai shida ne da sukafi yawa wanda kusan sune mafi yawancin abubuwan da suke saka mata kashe mazajen su ko kuma kin abokiyar zama (Kishiya) .

Dalilin da yake sa Mata Yin Kisa ko Kin Kishiya



Marubuciya: Fatima Zahra

(1) Bakin cikin kar tazo ta samu abin da kike samu.

(2) Baza ki iya sharing ɗin miji da wata ba, wai kina kyankyani etc.

(3) Kina tunanin bai kammala miki dukkan bukatunki ba,wata zata zo tasa a rage miki wasu.

(4) Kin tsani kiga mijinki yayi wa wata mace magana, balle ya mata murmushi ko kallon soyayya sai kiji kamar zaki haɗiyi zuciya, kinfi son ke kaɗai dai kamar "ɓawon Alewa".

(5) Kawai ke kinfi son kar wata tazo ta haihu da mijin ki kinfi son kawai 'ya'yanki ne 'ya'yansa kawai, idan yana da wani abun Duniya su kaɗai su gaje shi.

(6) Ko kar tazo ta fara ɗaga miki hankali ko ta miki Asiri ko tayi wa mijin ki kina zaman zamanki.

Idan har kika kore waɗannan tunanin kika dubi girman wanda ya kaddara hakan a Duniya sai ki samu komai da sauki, musamman idan kika sa Addu'a a gaba.

Allah dai ya kyauta yasa mufi karfin zuciya Amin.

MUKALOLI MASU ALAKA:

KARANTA ZUNUBAI GUDA 100 WANDA AL'UMMA KE AIKATAWA BASU DAUKE SU DA KOMAI BA

Karanta Ku Nemi Tsari daga Masifar dake Cikin Kabari Saboda....

ALLAHU AKBAR LABARI MAI SOSA ZUCIYAR DUK WANI MAI IMANI


Shafin komai da ruwanka, Muryarhausa24.com.ng munayin
aiki Tukuru don jin dadin ku

Isar da bayanai akan lokaci ba tareda son
zuciya ba shine muradin Mu


Burin shafin Muryar Hausa24 shine ta fito
da kyawawan manufofi, tsari, Nagartar masu jin
yaren Hausa a dukkan fadin Nigeria da kasashen
da suke makwabtaka da ita kuma ta hada kan
masu jin yaren Hausa waje ɗaya a ko ina suke



Domin samun Labarai,Nishaɗi, Kalaman Soyayyar Hausawa,Bincike mai zurfi,,Tarihi,Fadakarawa,Tunatarwa, Addu'o"in littafin Hisnul Muslimi cikin harshen Hausa, Kimiya da Fasaha,Hotuna,Hausa Comedy, Wakokin Gargajiya, Wakokin Siyasa, Wakokin Zamani, Wakokin Bege na Annabi Muhammad (SAW) , Sharhi akan al'umaran Yau da Kullum , Sharhi mai gamsarwa, tsage gaskiya dalla-dalla da dai sauran su Ku ci gaba da kasancewa da Mu a www.muryarhausa24.com.ng   a duk inda Ku Kasance a fadin Duniya.



Mun kudiri aniyar tsage gaskiya
na bada labarai da suka hada da
harkokin yau da kullum Da zummar
samar da zaman lafiya da kuma
daukaka kima da martabar
al’adun Hausa.



Zaku iya aiko mana da Labari ko shawarwari, Ra'ayoyin ku ko kuma nuna gamsuwar Ku akan yadda Mu ke tafiyar da wannan Shafi mai ALBARKA aika saƙon ka/ki akan addreshin Mu Na yanar gizo muryarhausa24@gmail.com  Za muyi farin ciki da samun saƙon ka/ki

Mungode








Wednesday, 10 April 2024

Karanta Sababbin Hadaddun Kalaman Barka Da Sallah Na Musamman

Karanta Sababbin Hadaddun Kalaman Barka Da Sallah Na Musamman

BUGUN ZUCIYA


Tamkar yadda duk taurari su zamo 'yan rakiyar zahra, to haka duk matan duniya su kasance 'yan rakiya a gare ki. A wannan ranar farin ciki, zan so a ce farin cikin ki ya zarce na kowa, tamkar yadda kwalliyar ki ta fi ta kowa, haka ma nake son murmushin ki ya zarce na kowa. Fatima ba zan iya cewa ga irin kyawun da za ki yi ba a yau, amma tabbas zan iya cewa, babu wani ido wanda zai kalle ki sau ɗaya, bai ji yana son sake kallon ki a karo na biyu ba, domin kwalliyar ki ta fi a bar ki ki yi tafiya a kan ƙasa Fatima. Ina yi miki Barka Da Sallah Fatima Mami bugun zuciyata, kuma farin cikina, daga naki Real Ababiyo. Ni Real Ababiyo nake cewa da ke, na gode tare da Barka Da Sallah!


Barka Da Sallah
Hoto: Dreams Time


MURMUSHI


Ki kan saka ni murmushi, koda kuwa a sanadin ki ne nake fushi, kin san dalili? Ba zan iya kallon kyakkyawar fuskar ki a lokacin da na shiga damuwa ba, face sai wannan damuwar ta wanke daga zuciyata. Ubangiji bai saukar da cuta ba, sai da ya saukar da maganin ta. Don haka, har kullum ina farin ciki da cewa, na same ki a matsayin maganin cututtukana. Dukkan wata cuta da ke damuna, ke ce maganin ta, ba lallai ki sani ba, amma ni dai na sani ke ce maganina. Barka Da Sallah. Ina son ki, ina ƙaunar ki. Ina Son Ki!


KWALLIYA


Idan zan bai wa kowacce mace maki da na gani bisa kwalliyar ta, to kuwa bisa adalci, ban ga wacce ta kai na ba ta ɗaya bisa ɗarin maki ba, amma duk da cewa ban ga taki kwalliyar ba, ina mai sanar da ke a matsayin wacce ta lashe gasar kwalliyar wannan ranar, kin ci ɗari bisa ɗarin maki. Ina son ki!


TSORO


Masoyiyata kin san ne mene ne? Sabo da kallon ki da na yi, duk wacce na gani a taron idin nan, sai na riƙa ji tamkar turo ta aka yi ta ba ni tsoro, ban ƙara gasgata kyawun da kike da shi ba, har sai da na tsinci kaina a tsakiyar waɗanda ba sa da kyan. Da fatan kin yi sallah lafiya? 


KISHIYA


Tamkar yadda jan fure ba zai yi wuyar gane wa a cikin koren ciyayi ba, to haka ma ko a cikin mata miliyan kika kasance, ba za ki yi wuyar ganewa ga wanda ya kalla ba. A gurin kyawu kam, ban taɓa ganin kishiyar ki ba. Fatana dai kin yi sallah lafiya?


MATSALA


Na tafiyar da kowacce daƙika ta daren jiya cikin tunanin ki, ban iya yin tunanin komai ba, har gari ya waye, bayan na tafi sallar idin, na yi mamaki, ganin cewa duk macen da na kalla, fuskar ki nake gani a cikin ta ta, hakan kaɗai ya sa na gane cewa, idan ban gan ki  a yau ba, to akwai matsala. Barka Da Sallah.


MUTUWA


Farin cikin ki ne, farin cikina. A kodayaushe ina son kasancewa a gefen ki, ina son zama kusa da ke, ba na son na yi nesa da ke idan ba dole ba.  A gaskiya ina son ki. Ke ce rayuwata dukkan ta, abokiyar zuciyata, ina matuƙar son ki, ke komai ce a gare ni, ba zan rabu da ke ba, idan ba mutuwa ba ce ta ɗauki raina ba. Ina son ki 'yammata. Barka Da Sallah. Ina son ki!


KEWA


Wannan saƙona ne na Barka Da Sallah zuwa gare ki Maryam Malesh. Yau rana ce ta farin ciki, amma lokaci mafi farin ciki a gare ni, shi ne lokacin da na samu kaina a gaban ki, anan ne zan ba wa idanuwana abin da su daɗe su na son gani. Zan ba wa kunnuwana sautin da su daɗe su na son ji, sannan zuciyata za ta samu farin cikin da ta daɗe ba ta samu kamar sa ba, a duk lokacin da na tsaya a gaban ki, zan so ki dubi cikin idanuwana, za ki ga yadda su yi kewar ki, sannan za ki ji yadda zuciyata take buga wa a domin ki, Maryam Malesh ba ni da irin ki a raina, ba ki da tamka a raina, haka kuma ba ni da kamar ki. Ni nake yi wa Maryam Malesh Barka Da Sallah, fatan kin yi sallah lafiya? Daga naki Real Ababiyo, na gode da saurarena.


Ba zan iya tuna halin da na kasance ba kafin haɗuwar mu, amma tabbas zan iya faɗar halin da zan iya tsintar kaina a ciki, idan har nan gaba rabuwa ta shiga tsakanin mu, ba lallai ba ne ki fahimci damuwata ko abin da nake nufi ba, amma dai ina gujewa kaina rasa ki, rasa ki a gare ni babbar jarabawa ce,  wacce ba lallai ba ne na iya cinye ta ba, ba na fatan Allah ya jarabce ni ta hanyar raba ni da ke ba. Ina son ki, ina burin kasancewa tare da ke, har iya ƙarshen rayuwata, ba na son na yi nesa da ke idan ba dole ba. Barka da sallah. Ina son ki.


MURNAR SALLAH


Aminci a gare ki Hafsat, na turo miki wannan saƙon ne domin taya ki murnar wannan rana wato sallah. A wannan rana na san farin cikin kowa, wunin ne, yayin da ni kuma farin cikina ke ce ba wunin ba, domin na san duk tsayin wunin ba zai wuce sa'o'i goma sha biyu ba, ya wuce, yayin da ke kuma za ki kasance a cikin zuciyata na tsawon lokacin da zan kasance a raye. Kwanaki ɗari uku da sittin na shafe ina jiran zuwan wannan ranar da zan ce miki Barka Da Sallah. Ina yi miki fatan kin yi sallah lafiya? Malama Hafsat.


RAYE


Ina son ki ne domin ban san wata macen da ta kai ki ba. Ina son ki ne domin ban taɓa ganin wata macen da ta kai ki ba. Ina son ki ne domin na gamsar da ke cewa, ke ba kamar sauran mata kike ba, kafin na haɗu da ke ban san dalilin zamo wa ta a raye cikin wannan duniyar ba, amma kuma bayan haɗuwa ta da ke, na gane cewa soyayyar ki ce dalilin da ya sa nake rayuwa a wannan duniya. Ke rayuwata ce, ke masoyiyata ce, ke komai ce a gare ni. Ina son ki, sama da yadda zan iya faɗa miki, ke ce rayuwata, sannan ina yi miki Barka Da Sallah. Ina fatan Allah ya maimaita mana bai-ɗaya. Ina son ki! 


DUHU


Da so samu ne, a ce na zamo mutum na farko da ya fara ganin ki a wannan safiya, duk da cewa ko wanka ba ki yi ba a yanzu, amma na tabbata komai kankantar hasken alfijir ya isa ya kore tarin duhun dare. Da fatan kin tashi lafiya, kuma kin wayi garin wannan rana mai albarka ta sallah. Ina son ki!


Yayinda kowa ke ɗokin shan ruwa da cin abinci, ni kuma zuciyata ta kasa yin ko ɗaya, domin a ganina ko duka ruwan duniya zan shanye ba za su iya gusar min da ƙishirwar da zuciyata take ji a sanadin soyayyar ki ba, har sai idan na gan ki ne zan iya ci ko na sha. Ina yi miki barka da safiyar sallah.


SAFIYA


Da yawa sun sa ran za su wayi garin wannan safiya, amma Ubangiji bai ba su damar hakan ba, mu da Allah ya albarkaci rayuwarmu da ganin wannan rana, mu gode masa tare da addu'ar shaida wasu ranakun sallar anan gaba. Ina yi miki barka da safiyar sallah.


AGOGO


A yau farin cikina ba ranar ba ne, face wacce nake sa ran gani a ranar, farin cikina ba na waɗanda za su kawo mana ziyara ba ne, face wacce zan kai wa ziyara da kaina. Da kowacce bugawar agogo nake ƙara ƙaguwar son ganin ki, kin tashi lafiya? Barka da wannan safiya ta sallah.


MUSAMMAN


A wannan rana ta musamman, nake miƙo gaisuwa ta musamman, ga wacce ta kasance ta musamman, a jerin mutane na musamman a rayuwata. Barka da safiyar wannan rana mai albarka. Ina son ki.


JIRA


Na tsani jira a rayuwata, amma idan ke ce wacce zan jiran, to kuwa zan iya jira na tsawon rayuwata, ba tare da gajiyawa ba, kowacce daƙika da na shafe ina jiran ki, daɗa farin ciki zai a zuciyata, hakan na nufin adadin zaman jiran ki da na yi, adadin farin cikin da zan riƙa samu a zuciyata. Jiran ki abin so ne a gare ni, ba na taɓa gajiyawa da shi, kowacce daƙika na ɓata a tare da ke, abar farin ciki ce a gare ni. Ina son ki 'Yammata. Barka da sallah, ina son ki.


MATATA


Da tafiyar kowacce daƙika ta rayuwata nake ƙara nisa a tafiyar soyayyata da ke, a yanzu Hafsat na yi nisan da wani kira ba zai taɓa sa wa na juyo ba, duk da cewa waiwaye adon tafiya ne, amma tabbas na yi imani ba zai taɓa zamo wa ado a tafiyar soyayyata da ke ba. Ina son ki Hafsat, ina matuƙar ƙaunar ki a raina, soyayyar da nake yi miki a raina Hafsat ta sanya na daina ganin mata a matsayin mata, face dai maza 'yan uwana, a cikin dukkan mata, ke kaɗai ce idona yake gani a matsayin mace. Ina son ki Hafsat, kuma ina mai tabbatar wa da duniya irin ƙaunar da nake yi miki, idan har na same ki Hafsat, zan yi farin ciki, irin farin cikin da ake cewa daɗi kashe ni. Idan na samu Hafsat a matsayin matata, to kuwa farin cikin da zan yi, har yanzu babu tunanin sa a raina. Hafsat ina gani idan na same ki, to na kammala abin da ya kawo ni duniya. A duniya dai kam, na gama dacewa, sai dai na yi kokari lahirata ta yi kyau, da auren ki zan samu rabin addinina, yayin da zan ƙara cike addinin ta hanyar kyautata miki. Ina son ki Hafsat Amira, ina ƙaunar ki Amira. Wannan saƙon daga tumaturin ki ne Hamza. Fatana dai kyakkyawata, ta yi sallah lafiya? Ina son ki, na gode da saurarena da kika yi. 


FARIN WATA


Ke kalli sararin sama, ko za ki iya faɗa min dalilin da ya sa farin wata bai fito ba a yau? To, ni na san dalili, kunyar haɗa ido yake yi da ke, ban san mai yasa ba amma na tabbata idan ya fito a yau, hasken ki ba zai bari nasa ya haska ba, kin fa yi kyau 'yammata, kyau sosai fa nake nufi. Ina son ki, kin ji. 


ZOLAYA


Da farko, da na ga wannan kwalliyar taki, bakina kasa rufewa ya yi, wallahi ban san me zan ce ba. Idan na ce kin yi kyau, na rage miki matsayi, kada ki ji kamar zolayar ki nake yi, wallahi har a raina nake faɗa miki hakan, kin yi min kyau sosai 'Yammata, ji nake tamkar na sace ki na tafi da ke, ba wannan ba ma, wai Don Allah mintina nawa ya ɗauke ki kina tsara wannan kwalliyar? Hmm 'Yammata, ko ma mintina nawa ne ƙanwata, wannan kwalliyar ba ta da tsara, na rantse.


TANTAMA


Da akwai jimloli guda uku, da ba na faɗa wa kowa su bayan ke, kuma a duk sanda na faɗa miki su, ba na nufin wasa, har a raina da gaske nake. Idan kika ji na ce ina son ki, to wallahi har a raina da gaske nake. Idan kuma ki ji na ce kin yi kyau, to har a raina hakan nake nufi, da kuma duk sanda ki ji na ce ba zan iya rayuwa ba tare da ke ba, to kar ki yi tantamar hakan, kin fa yi kyau fa? Hmm  ina mai miki Barka Da Sallah.


ƘANWATA


Kin san mene ne? Sai yanzu idanuwana su samu damar karya nasu azumin, wai ta ya zan iya daina kallon ki ma? Da wannan kwalliyar dai babu wanda zai kalle ki bai ji yana son sake kallon ki ba, wallahi ƙanwata kin haɗu, haɗuwa sosai fa,  Allah dai ya tsare min ke, kar wani ya ƙwace ki daga hannuna, ke wallahi kin yi kyau sosai!


TSAWON RAYUWATA


Ana cewa, idan kana son mutum da gaske, koda za a samu dalilai dubu, da ya kamata a ce ka rabu da shi, domin su, har kullum za a samu cewa, ka nemo dalillai dubu da za a samu cewa ka ci gaba da zama da shi, na iya tsawon rayuwarka. A gurina, ban taɓa samun dalilin rabuwa da ke ba, amma a kullum sai kin ba ni wani dalilin ci gaba da son ki na iya tsawon rayuwata. Ina fatan na samu tsawon rai ne, domin na yi soyayya da ke. Ina matuƙar son ki, barka da sallah. Ina son na rayu da ke, na ci gaba da rayuwa da ke, na iya tsawon rayuwata. Ina son ki!


HUBBI


Aminci a gare ki, Habiba Hubby, da fatan wannan saƙon nawa ya same ki cikin daddaɗan yanayin da za ki iya fahimtar siyaƙin sa. Na turo miki wannan ne domin na taya ki murnar wannan rana mai albarka wato sallah.  A wannan rana na san farin cikin kowa, wunin ne, yayin da ni kuma farin cikina saɓanin yadda suke tunani ne, ke ce farin cikina, ba wunin ba, domin na san duk tsayin wunin ba zai wuce sa'o'i goma sha biyu ya wuce. Yayin da ke kuma za ki ci gaba da kasancewa a cikin zuciyata na tsawon lokacin da zan kasance a raye. Habiba Hubby, na tsawon waɗannan kwanaki talatin da mu shafe muna azumi, babu abin da zuciyata ta kasance tana yi face tunanin ki, babu abin da idanuwana su kasance su na son gani face fuskar ki, haka ma babu sautin da kunnuwana su daɗe su na mararin ji sama da sautin muryar ki. Ina so a yau, na yi tozali da kyakkyawar halittar da Allah bai taɓa nuna min kalar ta ba. Ina so a yau na ga kyakkyawar sarauniyar da ko a jaridu labarin kyakkyawar da ta kai ta, bai taɓa zuwa ba, ina so a yau na samu kaina a gaban kyakkyawar hubbina, ina so na samu kaina a gaban ki, ina mai furta miki ina son ki, ina mai furta miki irin yadda na yi kewar ki a raina, wallahi Hubbi, na yi kewar ki.


A lokacin da na fara ganin ki, babu abin da na fara tsoro sama da na faɗa miki cewa ina son ki, amma daga lokacin da na sanar da ke cewa ina son ki, babu abin da ya fi ba ni tsoro sama da rasa ki. Hubby, idan na rasa ki, na rasa rayuwata, ba zan iya rayuwa ba tare da ke ba. Hubby ki fahimci irin yadda nake son ki, wallahi idan na rasa ki, zan rasa raina. Idan na rasa ki Hubby, a ina zan iya samun wacce ta kai ki? Don haka, rasa ki na nufin rasa komai a rayuwata. Idan na rasa ki, ba abin da zan tsaya tsinta a wannan duniya, dole na yi bankwana da ita, kar Allah ya nuna min wannan rana, da zan cewa duniya sai watarana.


Hubbina kin ba ni soyayyar ki, a lokacin da ya kasance cewa ba ni na fi kowa ba,  sai dai don ya kasance cewa ni kika zaɓa.


Hubbina, kin bar kowa, kin riƙe wanda ba kowa ba. Yayin da kika mai da wanda ba kowa ba, ya zama kowa a gare ki. Idan har zan iya manta wannan halarcin naki a gare ni, to kuwa har abada ba zan iya yafe wa kaina ba. Habibah zan kula da soyayyar ki, sama da yadda zan iya kula da rayuwata, haka kuma zan riƙe amanar ki, tamkar dai yadda ki riƙe tawa, ba sunana Shafi'u ba, idan har na iya bari zuciyar ki ta san wani abu koma-bayan farin ciki. Na gode da saurarena.


SAURARE


Za ki ji cewa kamar na fiye faɗa miki kalmar Ina Son Ki, ba wai ina yin hakan ba ne don sabo da na yi da furta hakan a gare ki, ina faɗa miki Ina Son Ki ne domin daɗa tunatar da ke cewa, ke ce rayuwata, matuƙar dai kika bar ni, to ni ma zan iya barin duniyar, kada ki ƙosa ko ki gajiya da saurarena yayin da nake faɗa miki cewa "Ina Son Ki". Domin ina son ki ɗin, amma ki tuna ban da kowa bayan ke, ke kaɗai nake so. Kuma ke kaɗai nake burin kasancewa tare da ke, har ƙarshen rayuwata. Ina son ki da dukkan zuciyata.


DUBA WANNAN: Karanta Zafafan Sakonnin Barka Da Sallah Na Zamani Masu Ratsa Sassan Jiki Da Zuciya


Sanusi Kabir ne ya gabatar da su, wakilin mu ya fitar da su a rubuce, ga dukkan wanda yake son ya saurare su a ainihin yadda suke, zai iya sauke Audio ɗin ta hanyar latsa nan.

Sunday, 11 August 2024

Karanta Asalin Tarihin Rayuwar Shehu Ahmadu Tijjani (R.A)

Karanta Asalin Tarihin Rayuwar Shehu Ahmadu Tijjani (R.A)

NASABAR SHI


Ɗan Mukhtaru, ɗan Ahmadu, ɗan Mahammadu, ɗan Salimu, ɗan AbuI’idi, ɗan Salimu II, Ɗan Ahmadul Alawani, ɗan Ahmadu ɗan Aliyyu, ɗan Abdullahi, ɗan Abbasu, ɗan Abduljabbari, ɗan Idrisu, ɗan Idrisu II, ɗan Is’haku, ɗan Aliyyu Zainul’Abidina, ɗan Ahmadu Ɗan Muhammadu Annafsuzzakiyyatu, ɗan Abdullahi Alkamilu, ɗan Hasanu Almusanna, ɗan Hassanu, ɗan Aliyu ibn Abi Talib da nana fatimatu (A.S) 'Yar Annabi Muhammad (Sallallahu Alaihi wa Alihi Wasallama).


Asalin Tarihin Rayuwar Shehu Ahmadu Tijjani (R.A)
Hoto: En sheikhsalah


Marubuci: Saliadeen Sicey


Sidi Abu Abbas Ahmed al-Tijani (Sidi Ahmed Tijani; da Larabci: سيدي أحمد التجاني) shi ne wanda ya assasa Ɗarikar Tijjaniyya, ɗaya daga cikin manya-manyan ɗarikun Sufaye a duniya. Mabiyanta galibi suna Arewa da Yammacin Afirka, tare da kasancewar Wasu a Kerala, Indiya.


Tijjani ya sanya wa kansa laƙabin Qutb al-Aqtab (ko Pole of the Poles) da Khatm al-Walayya al-Muhammadiyya (ko Hatimin Waliyyan Muhammadiyya).


An haife shi a ƙasar Aljeriya a kudu maso yammacin ƙasar a garin Ain Madi da ke wajen Mai Ni'ima Na Cikin Hamada a ranar 12 ga watan Safar 1737 (1150H). Ya fito ne daga zuriyar Annabi Muhammad Sallallahu Alaihi Wasallama, ta hannun ɗan Fatima Zahra (A.S) na farko Hasan I daga baya kuma ta hanyar Mawlay Idris, wanda ya kafa ƙasar Maroko. Mahaifinsa shi ne Sidi Muhammad bn al-Mukhtar bn Ahmad bn Muhammad bn Salam, fitaccen malami ne wanda danginsa suka fito daga ƙabilar Abda kuma kakansa ya yi hijira zuwa Ain Madi saboda tsoron mamayewar ƙasar Portugal ƙasa da ƙarni guda kafin haihuwar Shaihu Tijjani. Mahaifiyarsa kuwa ita ce Sayyida A’ishatu ‘Yar Muhammadu Ɗan Sanusi.


A lokacin da ya kai shekara 16, ya yi aure amma iyayensa biyu sun rasu Sakamakon annoba. Ya karanci Al-Qur'ani da Fiqhun Malikiyya da Tasawwuf a garinsu kafin ya yi hijira zuwa Fes a shekara ta 1757. A Fes kuma aka ƙaddamar da shi cikin umarni guda uku, wato Qadiriyya, Nasiriyya da kuma umurnin Ahmed al-Habib ibn Muhammad. Ya koma ƙasar Aljeriya don koyarwa a wani ƙauye da ake kira al-Abiad inda ya shafe shekaru 5.


A shekarar 1772 ya fara tafiya zuwa Makkah domin gudanar da aikin Hajji. A cikin tafiyarsa, an ƙaddamar da shi cikin tsarin Khalwati kuma ya koyar da shi tsawon shekara guda a Tunis. Daga nan ya tafi kasar Masar inda ya zauna tare da Mahmud al-Kurdi na ɗarikar Khalwati a birnin Alkahira. Daga ƙarshe ya isa Makka a ƙarshen shekara ta 1773 ya yi aikin Hajji. A cikin tafiye-tafiyensa, ya gana da Shaihu Mohammed bn Abdel Karim al-Samman, wanda ɗan asalin Madina ne kuma wanda ya assasa daular Khalwati reshen Sammaniyya. Shaihin ya gaya masa cewa zai zama babban qutb a yankin. Bayan barin Madina Shaihi Tijjani ya koma birnin Alkahira inda ya karantar da manhajojin Khalwati da ijaza na Shaihu Mahmud al-Kurdi. Ya koma Aljeriya daga baya, ya zauna a Tlemcen na tsawon shekaru biyu.


Daga nan sai ya koma garin Boussemghoun. A nan Shaihu Tijjani ya samu hangen nesa na Annabi Muhammad (S.A.W) wanda ya umarce shi da ya fara sabuwar Tarika. A shekara ta 1782 shehin malamin ya kafa ɗarikar tijjaniya da zawiya a garin. zawiyar  dai an fara ginata ne a Darul Maraya cikin garin na Fez a shekara ta 1204 bayan hijira, amma a 1218 aka assasa wannan ta yanzu, kuma ta fi cika ne a watan azumi. Ya shafe kimanin shekaru 15 a Boussemghoun yana jan hankalin mutane da yawa zuwa tafarkin Tijjaniyya, kafin ya koma Fes a 1796. An gina ɗarika ne kan abubuwa uku, Istigfari da Salatin Annabi da kuma hailala, kamar yadda kowacce ɗarika take, Tijjaniya ba ta buƙatar sanya wasu tufafi na daban, ko takurawa mutum kan sha’anin rayuwarsa.


Shaihu Tijjani ya samu karɓuwa daga Sarkin Maroko, Mawlay Sulayman, duk kuwa da irin yadda yake nuna rashin son wasu tarikun. An samar wa Shaihin gida aka sanya shi a majalisar sarki. Bayan ya fara ibada a masallacin Mawlay Idris kuma a gidansa, ya kafa Ɗarikar Zawiya a Fes. Ya aika almajirai daban-daban zuwa sassa daban-daban na Arewa da Yammacin Afirka don yaɗa Ɗarikar Tijjaniyya. Ba da daɗewa ba wannan umarni ya zama ɗaya daga cikin manya-manyan tarikai kuma mafi tasiri a duniyar musulmi.


Ahmad Tijjani ya kasance yana kula da kowa.  Ko ’yan birni ne ko 'yan Ƙauye, ya ɗauke su kamar ’ya’yan sa ne, ko kamar ’yan uwansa ko abokansa.


Shaihu Tijani ya rasu a Fes a shekara ta 1815 kuma an binne shi a zawiya inda aka gina kabari. Ana danganta shi da yawaitar salatin da aka yi wa Annabi Muhammadu Sallallahu Alaihi Wasallama, Salatul Fatih.


A yanzu dai Ɗarikar Tijjaniyya ita ce ɗarikar Sufaye mafi girma a yammacin Afirka da Arewacin Afirka. A cikin wannan bincike da ba a taɓa ganin irinsa ba na tushen Tijjaniyya da ci gabanta a ƙarshen ƙarni na sha takwas, Zachary Valentine Wright ya kwatanta Tijjaniyya da faffaɗan tarihin ilimi na Musulunci a farkon zamani.


Da yake gabatar da tarihin wanda ya kafa ɗarikar, Ahmad al-Tijani (1737 - 1815), Wright ya mayar da hankali kan bayyana Tijjaniyya a matsayin ingantacciyar hanyar farfaɗowar Musulunci ta duniya.

Monday, 20 July 2020

Kar Ka Kuskura Ka Yi Abubuwa Biyu A Rayuwar Ka

Kar Ka Kuskura Ka Yi Abubuwa Biyu A Rayuwar Ka

Abubuwa biyu ko mutum yayi ƙaryarsu sai sun bashi kunya wata rana.

Babban Kuskure A Rayuwa

Marubuciya: Fatima Zahra

Na farko: Dukiya

Na Biyu: Ilimi

Sharhi zai biyo bayan kowannen su nan bada daɗewa ba INSHA ALLAH.

Shafin komai da ruwanka, Muryarhausa24.com.ng munayin
aiki tuƙuru don Ilimantarwa da Faɗakarwa.

Ku ci gaba da kasancewa da mu a www.muryarhausa24.com.ng   a duk inda ku kasance a faɗin Duniya.

MURYAR HAUSA24 FARIN CIKIN AL'UMMA.

Saturday, 11 January 2020

Shin ko Me Ne Ne Dalilin da Yasa Mata basa Son a yi Musu Kishiya?

Shin ko Me Ne Ne Dalilin da Yasa Mata basa Son a yi Musu Kishiya?

Babu ƙarya ko ƙazafi, sannan babu ƙari, akwai mata da suke aikata babban kuskure, wanda zamu iya ambata shi da son zuciya, baza ace Jahilci bane domin da yawansu da ilimin su, ba ilimi bane almuhim gyaran zuciya ne yafi Alkhairi, Ni dako baƙi ban gama iyawa ba idan nafiki wankakkiyar zuciya ke da kika haddace Qur'ani nafi ki hatta a wurin Allah.

Muguwar Zuciyar 'Ya Mace Cikin Zamantakewar Aure...

Marubuci: Fatima Zahra

Wannan duniyar bata da tabbas, karki bari son ZUCIYA yasa ki cutar da abokiyar zamanki, ko 'ya'yanta, duk abin da zuciyar ki ta saƙa maki  me kyau ko mummuna Allah ya sani, kuma ya gani, kuma cikin ikonSa sai ya sakawa wanda aka nufa da wani sharri madamar bashi da Haƙƙi.

Abinda nake so nace shine:

1. Me yasa kike farin ciki idan abokiyar zamanki ta kasa gamsar da mijin ku ta fuskar Aure?

2. Me yasa kike jin daɗi idan mijin ku ya nuna yafi son ki da ƴaƴanki akan ita da ƴaƴanta?

3. Me yasa kike fatan hankalin mijinku ya karkata akanki ke kaɗai?

4. Me yasa kike jin daɗi idan mijin ku yana kyautata miki ita baya mata?

5. Me yasa kike jin daɗi idan yana kyautatawa ƴan uwanki baya kyautatawa nata ko nashi?

Kada Ki Bari Son Zuciya ya ruɗe Ki..

Me yasa?...Me yasa?????

Hmm Amma kin Haddace kasowa Ɗan Uwanka abin da kake sowa kanka?

Matuƙar waɗancan abubuwan dana ambata suna faruwa a cikin gidan ku, baki ji ɗaci aranki ba, kuma baki yi iya iyawarki ba wurin bayar da gudunmuwa to ki sani zuciyar ki bata da kyau! Sam!

Kuma Allah baya farin ciki dake!

Ina ga kuma ta sanadinki hakan ya faru?? Matsalar Hajiya! Idan kin wuce nan Duniya zaki je ki tarar ko kuma tun a duniya ki gani akanki ko akan ƴaƴanki.

MAKALOLI MASU ALAKA:

KARANTA DALILAI 6 DAKE SA MATA KASHE MAZAJEN SU

Karanta Muhimman Abubuwa 10 da Yakamata Kowanne Miji ya Kula dasu Idan Zai Yi Magana da Matar Sa

KARANTA DALILAN KARIN AUREN MACE SAMA DA DAYA

Muyi haƙuri mu wanke zuciyar mu daga ƙeta da son kawunan mu sai Allah yayi farin ciki damu, sai ya shiga lamuran mu, Allah ya bamu iko Amin.

Shafin komai da ruwanka, Muryarhausa24.com.ng munayin
aiki Tukuru don jin dadin ku.

Isar da bayanai akan lokaci ba tare da son
zuciya ba shine muradin Mu.

Burin shafin Muryar Hausa24 shine ta fito
da kyawawan manufofi, tsari, Nagartar masu jin yaren Hausa a dukkan fadin Nigeria da kasashen da suke makwabtaka da ita kuma ta hada kan masu jin yaren Hausa waje ɗaya a ko ina suke.

Ku ci gaba da kasancewa da Mu a www.muryarhausa24.com.ng   a duk inda Ku Kasance a fadin Duniya.


Mun kudiri aniyar tsage gaskiya dalla-dalla , sharhi mai gansarwa da suka hada da
harkokin yau da kullum da zummar
samar da zaman lafiya da kuma
daukaka kima da martabar
al’adun Hausa.

Zaku iya aiko mana da Labari ko shawarwari, Ra'ayoyin ku ko kuma nuna gamsuwar Ku akan yadda Mu ke tafiyar da wannan Shafi mai ALBARKA aika saƙon ka/ki akan addreshin Mu Na yanar gizo muryarhausa24@gmail.com  Za muyi farin ciki da samun saƙon ka/ki

Mungode





Saturday, 23 November 2024

Ire-iren Zawarawa A Ƙasar Hausa

Ire-iren Zawarawa A Ƙasar Hausa

Na fahimci cewa zawarawa kala uku ne saboda yadda na tattauna da su.


Ga su kamar haka:


1. Akwai tsaka-tsaki tana son auren kuma ba ta son ta yi, saboda tana tsoron kar ta auri wanda bai kai mijinta ba ko wanda ba zai iya riƙeta ba, ko kuma tsoron inda ta baro a sake maimaita koma mene da ta baro ko kuma tana son ta yi auren saboda tana da imanin za ta iya samun sauyin rayuwar da ta baro ko za ta iya samun kamar mijinta ko wanda ya fi shi ma, su ma irinsu sukan ɗan jima saboda fargaba da kuma son yin auren da suka haɗu suka taru a zuciyarsu.


Ire-iren Zawarawa A Ƙasar Hausa
Hoto: USA Today

Marubuciya: Fatima Zahra


2. Akwai wacce idan kana son ta daina maka magana to ka ce mata "Ya kamata ki yi aure". Idan tana ganin mutuncinka ne za ta ɗan yi murmushi ta ce "Lokaci ne!". Saboda ta sha wuya, duk nazarinta hakan take ko'ina, sai ta saka wani abu a gaba wanda take ganin shi ne nutsuwarta a tunaninta.


3. Akwai wacce kuma take son yin auren Allah bai kawo mijin ba, saboda nata ya rasu ko kuma an kyautata mata amma ba ta gani ba, ta sa aka sake ta saboda halinta.


Shawara


Idan laifinki ne, ki nemi yafiyar wanda kika yi wa laifi, don aure ya fi komai bin haƙƙi, idan ya yafe shikenan. Idan ya rasu ne, ki yi haƙuri ki yi masa addu'a, ki yawaita neman zaɓin Allah, ki manta da komai. 


Na san da ciwo, wata za ta ce "Sai na ji tamkar mijin yana kallona". Idan kuma rashin kwanciyar hankali ne, ki sani Allah yana iya canja miki da abin da ya fi alkhairi.


Ke dai ki kama mutuncin kanki a duk inda kike, ki kama Allah, yana taimakon wanda yake tare da shi.


Ya Allah ka aurar da 'yammatanmu da zawarawanmu ga mazaje masu adalci, ka sanya su su zamo mata nagari a gare su Amin.

Thursday, 25 February 2021

Kalubalen Dake Gaban Saurayi

Kalubalen Dake Gaban Saurayi

Babban gatan da Ɗa Namiji zai yiwa kansa shine ya mayar da hankali kan neman Kuɗinsa da Ilimin sa, idan so samu ne kar ya bari ɗaya ya hana ɗaya, sai dai idan dole ɗayan zai riƙe ya haƙura da ɗayan ba yadda zai yi.


KALUBALEN NAMIJI (SAURAYI)

Marubuciya: Fatima Zahra


Kar ya yarda ya saki sana'ar da take hannunsa ko wani aiki da yake yi wanda yake samun na rufin asirinsa, in har ba wani wanda ya fishi ya samu a hannu ba.


Kar ya dinga hangen wanda ya fishi wani abu ko ya dinga biyewa waɗanda suka fishi yana ƙyamar sana'ar da yake yi wanda kuma itace rufin asirinsa da mutuncinsa.


Kar ya bari saboda mace ya dinga kunya ko jin nauyin neman halak ɗin sa, In za taso shi a haka taso shi, idan baza taso shi ba ya barta taje tayi da abokin burminta, ya zamo mai tattali domin gina gobensa, sannan kar ya zamo marowaci domin akwai albarka cikin kyautatawa, ya kuma yawaita neman albarka da Addu'ar mahaifa.


Shi Namiji yana da hanya shararriya wacce yake buƙatar yin aiki tuƙuru da shirya mata kafin ya fara binta.


Allah ya rufa asiri Amin.


Shafin komai da ruwanka, Muryarhausa24.com.ng munayin

aiki tuƙuru don Ilimantarwa da Faɗakarwa.

Ku ci gaba da kasancewa da mu a www.muryarhausa24.com.ng   a duk inda ku kasance a faɗin Duniya.

MURYAR HAUSA24 FARIN CIKIN AL'UMMA.

Sunday, 17 November 2024

Ire-iren Ustazai Tare Da Zahirin Halayen Su

Ire-iren Ustazai Tare Da Zahirin Halayen Su

Wane ne Ustazi?


Ustazi shi ne duk wani mutum mai ƙoƙarin kiyaye dokokin Ubangijinsa gwargwado, da ƙoƙarin bin Umarnin Manzo (S.A.W) da kuma ƙoƙarin ganin ya siffantu da ɗabi'u na Manzo (S.A.W) daidai gwargwado.


Ire-iren Ustazai Tare Da Zahirin Halayen Su
Hoto: Deposit photos

Marubuciya: Fatima Zahra


Kun san duk abin da aka ce hasashe da kuma abubuwan da ake gani a zahiri ne, ba zai yiwu ka zayyano su duka ba, sai dai ka kintata, akan samu mutum Ustazi ya haɗa dukkan abu ukun nan ko ya haɗa biyu ko ya haɗa ɗaya da rabin cikin ukun ko ya raba ƙafa da sauransu, mutum tara yake bai cika goma ba.


1. Bawan Allah! Yana ɗaki kusan kullum yana karatu, idan ka gan shi a waje ko wurin nema zai je ko wata ziyara ko masallaci ko majalisin wa'azi ko karatu ko makaranta ba ya magana sosai.


Da wuya ka ga yana da ko budurwa iyayensa yana musu biyayya iya yinsa, ƙannansa suna masa kallon tausayi haka yayyunsa, fatansu Allah kar ya haɗa shi da mace 'yar jaraba.


Idan yana da aure yawanci idan matar ba ta da kirki wahala yake sha, bai iya faɗa ba, bai iya cin zarafi ba, ko hayaniya ba ya so, kullum za ka gan sa a natse.


Yana ibada sosai, yana ƙoƙarin kiyaye haƙƙokin Allah a kansa, ya san soyayya amma ba ya iya ɗabbaƙa ta amma yana son a masa, yawanci mace ba ta iya masa soyayya sosai saboda shi yana da ɗabi'ar rashin karsashi, da sauran raha, za su zauna dai cikin za ta gaishe sa, za ta masa abinci da sauran haƙƙoƙi nashi amma da wuya ta iya masa oyoyo cikin annashuwa da zumuɗi, da wuya ta rinƙa masa shagwaɓa wani iri za ta dinga ji, sai ta ji kamar ba ya so, a'a yana so amma shi hakan yake.


Da yawansu kafin su ce suna son mace suna shan wuya, sun fi turawa sannan kuma sukan faɗa so ba tare da wacce suke so ta sani ba, saboda shi haka yake, sai an kai maƙura, kuma ba kowacce mace suke iya so ba, sai sun yaba da hankalinta matuƙa.


Irin ustazan nan ba su da matsala, sai dai ga mace sukan iya zama matsala, musamman idan ƙaramar yarinya ce, amma idan babba ce ba damuwa sosai.


Za ka gan shi da siffa ta kamala cikakkiya, ba ruwansa da cin naman mutane (gulma), shi bai san komai ba sai karatu, bai san komai ba sai ibada, yawanci za ka gan sa sallama yake wa mutane sai ya wuce abin sa, idan an ga yana magana ma ko wata hira har mamaki ake.


2. Bawan Allah mai abin mamaki, mai kwaikwayon kishi iri na Sayyadi Umar (R.A) akan iyali, ba sai an zurfafa ba amma kai daga ji ka san ruwa ba sa'an kwando ba ne, matarsa ta fi ƙarfin idon kwaɗayayye, har a wasu lokutan ta ji a duniya ba wanda ya kai shi takura mata saboda kishin ta da yake yi, nan da can idan za ta je idonsa akai tare da shimfiɗa mata sharuɗɗa da matakai, ta wani fannin kuma ta ga ashe yana tsananin son ta ne. Wannan abu biyu shi zai dinga yawo a zuciyarta, amma idan aka yi dace ita ma irinsa ce sai ta ji tsananin so ne da kula da iyali ya sa yake hakan sai ta ji hakan ya mata kuma ya burgeta.


Shi matarsa ba ta fita aiki, balle yawon kasuwanci, sai dai idan a cikin gida za ta yi, to wani ma na cikin gidan ba zai yarda ba, saboda ba ya son ta dinga cuɗanya da al'umma mabambanta.


Za ka gan shi da kwarjini, bai cika fara'a ba sosai sai ga wanda ya isa kuma ya dace, siffa ta kamala, da kuma sallama ga al'umma, mai saurin bayyana ustazancinsa ne a fili, yanzu-yanzu za ka ji yana maka Allah ya ce Annabi (S.A.W) ya ce koda yarensa yake magana sai ka ji kamar Larabci yake yi. A'a kawai saboda cuɗanya da kalmomin Larabci ne ya sa sai ka ji.


Misali: Idan Hausa ce sai ka ji yana sanya tafkim, tarƙiƙi, ƙalƙala, sugura da kubra, wani sai ya ɗauka yana sane yake yi.


Yana da ibada da son karatu sai dai mutane suna masa kallon ya cika tsauri da tsanani ko ƙannansa suna tsoron yin rashin ji a gabansa, da 'ya'yansa da matansa don an san ba zai ƙyale ba, haka kusan kowa yake ji idan ya gan sa, indai za a ɗan yi wata ƙiriniya sai a ɗaga ƙafa sai baya nan.


Yana da kirki ga wanda ya fahimcesa, zumunci da sauran abubuwa kyawawa sai dai wasu ba za su gane ba, saboda shagalallu sun fi yawa a cikin al'umma, irin wannan kuma matsalar irin wannan Ustazu yake samu a ɓangaren 'yan mata, saboda an san mata da son shagala sai dai idan an dace da samun irinsa.


'Yammata ba su cika son sa ba, saboda shi ba ya irin shirmen nan da 'ya mace ke so, kamar wankan matasan zamani da sauran shiririta, amma da ya yi arangama da irinsa sai ta ji ba wanda take so sai shi.


Iyayensa suna son sa saboda ba ya ɗauko musu magana, 'ya'yansa suna son sa saboda yana jan su a jiki da koyar da su ilimi da ibada, matarsa idan ba mai son duniya ba ce ita ma tana son abin ta ba ta jin irin abin da wasu matan irinsa suke ji saboda tsananinsa, yayyunsa da ƙannansa kuma ba a komai za su saka shi ba, saboda ya ƙware wajen hani da nummuna da umarni da kyakkyawa suna masa kallon kamar wani cikas, sai dai idan an yi sa'a yana da tarin dukiya. Ehim! To fa dole ma su saka shi a lamuransu.


3  Akwai wanda za ka gan shi cikakken Ustazu ne, ba shi da tsauri sam, idan ka hango sa cikin yara za ka rantse shi ma yaro ne, saboda hira sosai da yake yi da su. 


Wani ustazin gani na yi har tafawa suke yi, daga sun gan sa har rige-rige suke, shi kuma sai ya sakar musu murmushi ya tarbe su cikin nishaɗi. Wani har da 'yar tsaraba yake ba su, ba fa yaran gidansu ba ne, shi hakan yake wa duk yara. Ina ga 'ya'yansa?


Balle ka hango mu'amalarsa da ƙannansa kowa ba ya son ya yi nisa, sai dai ka ji ana ina wane? Mahaifiyarsa tana matuƙar son sa saboda yadda yake kyautata mata, mahaifinsa ma sanya masa albarka yake.


Idan ka gan sa cikin matansa kowacce kishin abin ta take, ba ta son ya mata nisa, idan tafiyar kwana kaɗan ta same ta sai ta ji kewarsa ta lulluɓeta ba ta samun sukuni sai ta lalubesa a wayarta, burinta ta faɗa masa ta yi kewarsa shi kuma ya rarrasheta, tana kewar yadda idan ta yi ko tari zai ce mata sannu, balle ta ce kanta na ciwo duk sai ya bi ya kiɗime.


A gaisuwa suna rige-rige tana ka bari na gaisheka, yana a'a bari na gaisheki dai ai ke Gimbiya ce, bai ankara ba sai dai ya ga ta zube a ƙasa, tana kwasar gaisuwa ba yadda ya iya zai ɗagota, yana murmushi yana sa mata albarka, zaman dai akwai garɗi.


A kasuwa ko wurin aiki ana girmamasa, kowa nasa ne ,yana umartar kowa da kyawawan aiki, idan ya ga ka yi kuskure sai ya kirawo ka, ya fara faɗa maka yadda kake da muhimmanci, sannan ya ce na yi mamaki da na ga kana abu kaza? Shin me ya sa ka yi ? Cikin mutuntawa za a yi a gama, nan take mutumin zai ji ya shiga zuciyarsa.


Me tsananin ibada ne ba ya son sallar jam'i ta wuce sa haka ma azkar, karatun Kur'ani, mai kamewa ne, mai umarni da kyakkyawa, mai hani ga mummuna, koda ya aikata mummuna zai roƙi Allah ya yafe masa, kuma zai yi ƙoƙarin kiyayewa.


Ba ya taka sutura, yana son tara gemu domin aiki da umarnin Annabi (S.A.W), da siffanta da mutanen ƙwarai, mai son tsafta ne, yana son nishaɗi lokaci zuwa lokaci domin wanke damuwar da take ƙunshe aran shi da mayar da komai ba komai ba.


Idan ba shi da aure mai kamewa ne, idan yana da 'yar budurwa mai gyara mata kurakurai ne, yana umartarta da zuwa Islamiyya,  karatun Kur'ani, sallah, azakar da ba ta shawarwari kan kulawa da kanta, ba ya nufar ta da alfasha ko ƙoƙarin koya mata, mai kyautata mata ne gwargwado, mai mantar da ita mayaudaran samari masu hure kunnen 'yan mata ne saboda shi ɗin maƙura ne wajen soyayya.


Ƙarshe


Wani zai ji akwai wasu ɗabi'un shi akwai kuma wasu ba nasa ba da sauransu, to kar ya damu, mu a wurin mu sunansa Ustazi.


Idan har kuna jin daɗin maƙalolin shafin nan namu, to ku hanzarta sanar da dukkan abokan ku da dukkan waɗanda ku sani, ku gaya musu adireshin shafin nan namu domin su ma su shigo cikin shafin su dinga amfana da shi kamar yadda ku ma kuke yi a kullum.


Allah ya datar da mu kan daidai Amin.

Tuesday, 22 October 2024

Tsantsar Sirrin Soyayya Da Ustaziyar Budurwa

Tsantsar Sirrin Soyayya Da Ustaziyar Budurwa

Soyayya da Ustaziyar Asali sai an yi taka tsantsan na sosai, saboda abu kaɗan zai iya rikita tunaninta, ba komai ba ne face ta samu wani hali mummuna a tare da kai.


Sirrin Soyayya Da Ustaziyar Budurwa
Hoto: Amaani A/Pinterest

Marubuciya: Fatima Zahra


Kar ka ce za ka dinga mata hirar abubuwan ƙyalƙyalin duniya, ko zancen kana da abin duniya, tunda dai ka san ita ba bin ka za ta yi ku je shaƙatawa ba, indai ba aurenta ka yi ba.


Wato soyayya da Ustaziyar Asali akwai wahala, saboda ita soyayya da ita ba kamar soyayya da 'yammata gama gari ba ne.


'Yammata gama gari za ka iya zuwa ka tsara su, har ka samu su shiga, su dinga washe maka baki, to ita kuma lamarin Ustaziyar Asali ba haka lamarin yake ba.


Kana fara magana kamar kana magana da Lauya ne, idan ba ka iya allonka ba a bugu ɗaya za ta ɓaro ka.


Ustaziyar Asali ba abin da ke kama zuciyarta sai gaskiyarka, tsoron Allahn ka, kyawun halinka, da kuma son ka da addini, sai kuma iya soyayya da kuma ƙwarewa wurin bayar da kulawa a aikace, da sauran ɗabi'u masu kyau, ba na tunanin bayan wannan Ustaziyar Asali za ta so ka don shi.


Na lura Ustaziya tana yin soyayya me tsafta idan ta samu wuri, kuma tana yin so me ƙarfi sosai, sai dai ba ta son namijin da ba irinta ba, duk namijin da ba irinta ba, da wuya ta so shi sai in ƙaddara, sai dai ta masa kara.


Idan tafiya ta yi tafiya, sai ta ji ba za ta iya kasancewa da kai ba, kuma tunda ba ta aure ka ba, gabaɗaya tanadinta ta fi son namijin da zai nuna mata hanyar Allah ko yaushe, wanda zai kula da ita, ya kula da 'ya'yanta, bayan hakan ba ta neman komai.


Allah yasa mu gama da duniya lafiya Amin.

Friday, 17 January 2020

SHIN KO KASAN ZABI BIYU KAKE DA SHI A RAYUWA?

SHIN KO KASAN ZABI BIYU KAKE DA SHI A RAYUWA?

A rayuwar nan kana da zaɓi guda biyu idan wani ya tafka maka kuskure ko laifi ko ya zalunce ka.

Yin Haƙuri shi yafi Muhimmanci a Rayuwa..

Marubuciya: Fatima Zahra

Inma kace "Allah ka shaida na yafewa wane duk abin daya min na zalunci"

Wannan kalmar ba rashin wayo bane, ba kuma rashin dabara bane, ana sa ran ta wannan hanyar ka samu Alkhairi guda uku.

1. Gafarar Ubangiji: domin niyyarka.

2. Sauƙin Hisabi: domin baza ku tsaya ɓata lokaci dakai dashi a gaban Allah ba tunda ka yafe.

3. Maye maka gurbinsa da abu me kyau mafi Alkhairi  daga Ubangiji.

Ka sani karkace indai abu kaza ne baza ka yafe ba, a'a koma menene yi ƙoƙari ka danne ka yafe, ka sani akwai laifi masu girma masu yawa kaima da kake so Allah ya yafe maka.

Shin ko baka So kaima Allah (S.W.T) ya yafe maka?

Inma kace"Allah ya isa ban yafe ba, Allah Kabi min haƙƙina"

Allah me Adalci ne, zai bi maka Haƙƙi ranar gobe ƙiyama, zaka tsaya dakai dashi ayi muku shari'a abawa me Haƙƙi haƙƙinsa.

MAKALOLI MASU ALAKA:

Karanta Hanyoyin Samun Nasara a Rayuwa

Karanta Abu Biyu Kawai Zaka Iya yi Idan Ka Hadu da Wanda Yafi Karfin Ka

Karanta Hanyoyin Samun Rayuwa Mai Dadi Cikin Sauki

Amma ka sani ana sa ran ka rasa waɗancan tarun alkhairan, idan ka rama kuma kayi balance, shikenan.

Abin me sauƙi ne ko wacce ƙwarya da abokin gurminta.

Allah ya bamu zuciya Me Yafiya Amin.

Shafin komai da ruwanka, Muryarhausa24.com.ng munayin
aiki Tukuru don jin daɗin ku.

MURYAR HAUSA24 Kamfani ne mai zaman kansa domin bunƙasa harshen Hausa a duk sassan Duniya.

Burin Shafin MURYAR HAUSA24 zama babban shafi a Duniya da zai samu amincewar al'umma don Ilimantarwa.

MURYAR HAUSA24  Shafi ne da yake ƙunshe da abubuwan da suke da alaƙa da harshen Hausa da Al'ummar Hausa, sannan shafi ne da yake tafiya da Zamani da kuma tsarin Gargajiya na Iyaye da Kakanni.

MURYAR HAUSA24  Shafi ne a Yanar Gizo da yake gabatar da shirye-shiryensa a cikin harshen Hausa Zalla, cikin sa'o'i ashirin da huɗu Dare da Rana (24 Hours) ba tareda kakkautawa ba.

Ku ci gaba da kasancewa da Mu a www.muryarhausa24.com.ng   a duk inda Ku Kasance a faɗin Duniya.


MURYAR HAUSA24 Mun ƙudiri aniyar bunƙasa harshen Hausa  a sassan Duniya batare da nuna ƙabilanci ba, ta hanyar rubuce-rubuce da kuma sauraro (Audio) gami da kallan hoto mai motsi (Video).

Zaku iya aiko mana da Labari, Faɗakarwa, Tunatarwa, Ilimantarwa, Nishaɗantarwa, Wa'azartarwa da sauran su ko shawarwari, Ra'ayoyin ku ko kuma nuna gamsuwar Ku akan yadda Mu ke tafiyar da wannan Shafi mai ALBARKA aika saƙon ka/ki akan adireshin Mu Na yanar gizo muryarhausa24@gmail.com  Za muyi farin ciki da samun saƙon ka/ki

Mungode



Thursday, 19 March 2020

Kadan daga Cikin Alamomin Mace Mai Kunya Musamman Budurwa

Kadan daga Cikin Alamomin Mace Mai Kunya Musamman Budurwa

Baza ta iya sanya kayan da ya matseta ba kuma ta wuce ta gaban mutane, me kunya baza ta iya wannan ba.

Alamomin Mace Mai Kunya

Marubuciya: Fatima Zahra

Duk wata suttura da zata nuna siffar bayanta ,ko wani ɓangare na tsaraici baza ta iya fita dasu ba sai dole ta rufe  sannan zata iya fita saboda kar ta fita wani ya mata kallon zina.

Me kunya tana matuƙar jin nauyi ta dinga tafiya tana kaɗa jiki akan titi.

Me kunya idan tana tafiya Babba yazo wucewa  ko Namiji raɓewa take ta bashi hanya saboda tasan gaba suke da ita, kuma tana tafiya a gefen hanya ne bata son rangaji.

Me kunya bata iya sanya idonta cikin idon Namiji, idan kunyar takai kunya ma bata iya sanya idonta acikin idon kowanne ɗan Adam sai dai kallo a fakaice.

Shafin komai da ruwanka, Muryarhausa24.com.ng munayin
aiki tuƙuru don Ilimantarwa da Faɗakarwa.

Ku ci gaba da kasancewa da mu a www.muryarhausa24.com.ng   a duk inda ku kasance a faɗin Duniya.

MURYAR HAUSA24 FARIN CIKIN AL'UMMA.