Thursday 28 March 2024

Abubuwa 28 Wadanda Ya kamata Ku San Su Game Da Ranar Alkiyama

Abubuwa 28 Wadanda Ya kamata Ku San Su Game Da Ranar Alkiyama

Allah ya ambaci sunayen ranar alƙiyama da sunaye mabambanta har guda ashirin da takwas. Za mu yi muku bayaninsu ɗaya bayan ɗaya da ma'anoninsu da kuma ayoyin da aka ambace su a cikin Alkur'ani.


JERIN SUNAYEN RANAR ALƘIYAMA A CIKIN QUR'ANI TARE DA MA'ANONINSU
Hoto: Awaz The Voice


Marubuci:- Imam Aliyu Indabawa


1- Ranar alƙiyama. An ambaci wannan sunan a wurare saba'in a Alkur'ani. Kamar faɗinsa maɗaukakin sarki

"  وَيَوْمَ الْقِيَامَةِ تَرَى الَّذِينَ كَذَبُوا عَلَى اللَّهِ وُجُوهُهُم
مُّسْوَدَّةٌ
Ma'anar ranar alƙiyama shi ne ranar tsayuwa. Kamar inda Allah ke cewa" 
يوم يقوم الناس لرب العالمين"


2. An ambace ta da Yaulmul Aakhir wato ranar ƙarshe kenan wacce ba wata rana bayanta. Kamar faɗinsa Allah cewa" إِنَّ الَّذِينَ آمَنُوا وَالَّذِينَ هَادُوا وَالصَّابِئُونَ وَالنَّصَارَى مَنْ آمَنَ بِاللَّهِ وَالْيَوْمِ الْآخِرِ وَعَمِلَ صَالِحًا فَلَا خَوْفٌ عَلَيْهِمْ وَلَا هُمْ يَحْزَنُونَ


3. An ambace ta 'Assaa'ah' kamar faɗinsa Allah cewa "
إِنَّ السَّاعَةَ آتِيَةٌ أَكَادُ أُخْفِيهَا لِتُجْزَىٰ كُلُّ نَفْسٍ بِمَا تَسْعَىٰ

Al'imam Alqurtabiy ya bayyana ma'anar Assa'ah da cewa "
أنّ الساعة تدلّ في اللغة على جزءٍ من الزمن دون تحديدٍ، وسُمِّيت القيامة بالساعة؛ إمّا من باب قُرب وقوعها، وإمّا تنبيهاً على ما فيها من أمورٍ عظيمةٍ، وقِيل لأنّها قد تأتي فجأةً في أيّ وقتٍ"

A harshen larabci kalmar saa'a na nufin wani yanki daga lokaci wanda ba a ƙayyade ba. An ambaci Alƙiyama da Assa'ah ne ko don kusancin faruwarta, ko don gargaɗi a kan manyan al'amuran da ke cikinta. An kuma ce ta kan zo kowanne lokaci wanda ba a yi zato ba.


4. An ambace ta ranar tashi. Kamar faɗinsa maɗaukakin sarki cewa "
ثُمَّ إِنَّكُمْ يَوْمَ الْقِيَامَةِ تُبْعَثُونَ


An ambace ta da haka ne saboda a cikinta ne ake raya matattu ake tashinsu daga kaburburansu.


5. An ambace ta ranar fitowa kamar faɗinsa ta'ala cewa"

يَوْمَ يَسْمَعُونَ الصَّيْحَةَ بِالْحَقِّ ۚ ذَٰلِكَ يَوْمُ الْخُرُوجِ


An ambace ta da hakan ne domin a ranar ne mutane ke fitowa daga kaburburansu zuwa tsayuwa.


6. An ambace ta ranar rarrabewa kamar faɗinsa Allah cewa "
إِنَّ يَوْمَ الْفَصْلِ مِيقَاتُهُمْ أَجْمَعِينَ


An ambace ta da hakan ne domin a ranar ne Allah ke rarrabewa tsakain halittu.


7. An ambace ta ranar buɗi. Kamar faɗinsa Allah cewa "
قُلْ يَوْمَ الْفَتْحِ لا يَنفَعُ الَّذِينَ كَفَرُوا إِيمَانُهُمْ وَلا هُمْ يُنظَرُونَ"


8. An ambace ta da ranar addini.

Faɗinsa cewa" مَالِكِ يَوْمِ الدِّينِ

Malamai suka ce abin da ake nufi da addini shi ne sakamako. A ranar ne Allah zai yi wa bayinsa sakamako a kan ayyukansu.


9. An ambace ta ranar ƙara saboda tsananin ƙarfinta. Faɗinsa Allah cewa " فَإِذَا جَاءَتِ الصَّاخَّةُ


10. An ambace ta da Attammah Alkubrah. Faɗinsa Allah cewa
فَإِذَا جَاءَتِ الطَّامَّةُ الْكُبْرَىٰ


Attammah a lugar larabci na nufin al'amarin da mutum ba zai iya da shi ba.


11. An ambace ta ranar hasara. Misali faɗinsa Allah cewa "
وَأَنذِرْهُمْ يَوْمَ الْحَسْرَةِ إِذْ قُضِيَ الْأَمْرُ وَهُمْ فِي غَفْلَةٍ وَهُمْ لَا يُؤْمِنُونَ


Hasara a lugar larabci na nufin nadama mai tsanani musamman ga 'yan wuta a kan ayyukansu.


12. An ambace ta Algaashiyah. Faɗinsa Allah "
هَلْ أَتَاكَ حَدِيثُ الْغَاشِيَةِ

Akwai saɓanin malaman tafsiri a kan ma'anar wannan kalma. Kuma karatu ne mai zaman kansa ga shi ban son na tsawaita.


13. An ambace ta ranar dawwama.

Fadinsa Allah"
ادْخُلُوهَا بِسَلَامٍ ۖ ذَٰلِكَ يَوْمُ الْخُلُودِ


Rana ce da 'yan aljanna ke dawwama a cikinta.


A taƙaice don kar na tsawaita ga ragowar sunayen da aka ambaci ranar alƙiyama da su a Alkur'ani.

14. يوم الحساب
15. الواقعة
16. يوم الآزفة
17.  يوم الجمع
18. الحاقة
19. القارعة.
20 يوم التلاق
21. يوم التناد
22. يوم التغابن
23. يوم الوعيد
24. اليوم العسير
25. اليوم المشهود
26. يوم عبوس قمطرير
27. النباء العظيم
28. الجاثية


Kowane suna yana buƙatar sharhi amma lokaci bai ba da haɗin kai ba.


Hikimar yawaitar sunayen alƙiyama shi ne kowanne suna yana bayyana wata siffa tsayayyiya. Hakan zai ƙara tabbatar da imani a zukata. Rayuka su zamanto shiryayyu saboda ranar alƙiyama.


Allah ka ba mu dacewa a gobe alƙiyama Amin.

Wednesday 27 March 2024

Kalli Sababbin Kyawawan Hotunan Umar M Sharif

Kalli Sababbin Kyawawan Hotunan Umar M Sharif

Umar M. Sharif, ya kasance ɗaya ne daga cikin manyan mawaƙan masana'antar Kannywood, wanda har yau ake ci gaba da damawa da su a fannoni daban-daban, domin kuwa ba kawai a harkar wakoki ya tsaya ba, ya kasance Jarumi. Sannan kuma mai shiryawa.


Mawaƙi Umar M Sharif
Hoto: Umar M Shareef


Hotunan sun ɗauki hankula sosai a shafukan Sada Zumunta duba da yanayin yadda aka ɗauki hotunan, wanda hakan ya taka muhimmiyar rawa sosai wajen ƙayatar da al'umma daga sassa daban-daban na faɗin duniya.


Waɗannan wasu ne daga cikin kyawawan hotunan sa.


Jarumi Umar M Sharif
Hoto: Umar M Shareef


Fatan hotunan nasa, sun burge masoyan sa.


Mawaƙi Umar M. Sharif
Hoto: Umar M Shareef

Ku ci gaba da kasancewa tare da mu a kodayaushe, don ci gaba da samun sababbin kyawawan hotunan mawaƙan ku.

ABUBUWAN DA BA A SO A YI TSARKI DA SU

ABUBUWAN DA BA A SO A YI TSARKI DA SU

Idan mutum zai yi tsarki da hoge kada ya yi amfani da wanda yake ajike, hakanan kada ya yi amfani da abu mai alfarma, kamar takardar kudi ko dinari ko dirhami, ko abu mai kaifin kamar kwalba ko kashi.


Abubuwan da aka haramta yi a tsarki
Hoto: Life Quran


Hakanan kada ya yi da nau'in abinci kamar gutsiren waina ko gurasa.


Haka ma kada mutum ya yi fitsari ya goge a jikin bango, ko ya share da kashin dabbobi.


Sannan kada mutum ya shiga bandaki yana dauke da abin da aka rubuta sunan Allah a jiki kamar zobe, ko takardar kur'ani koda kuwa a cikin aljihunsa take.


Sannan an hana mutum ya yi magana kowacce iri a halin yana yin bawali ko gayadi (sai dai idan da larura), sanann kada mutum ya fuskanci alƙibla ko ya ba ta baya a lokacin da yake biyan bukatarsa, musamman idan ya zama a fili ne, ba'a cikin bandaki ba.


Hanyoyi 7 Na Samun Nasarori A Sana'ar Shayi Da Kwai

Hanyoyi 7 Na Samun Nasarori A Sana'ar Shayi Da Kwai

Ba Mai Shayi da Ƙwai kaɗai ba, kusan kowace ƙaramar sana’a na fama da ƙalubale wajen tallata kanta, saboda masu sana’o’in ba su san yadda za su banbanta kasuwancin su ba da sauran sana’o’i har su yi fice. Kasuwanci gasa ne, kuma dole sai ka fi kowa hazaƙa da dabara da fahimtar kasuwarka kafin ka fi kowa nasara. Ruwa ba ya tsami banza.


Sana'ar Sayar Da Shayi
Hoto: Munaty Cooking


MarubuciBello Galadanchi


Shin idan wani ya tambaye ka ko mene ne ya banbanta sana’arka da sauran kishiyoyinka:


Ko kana amsa wannan tambaya da ƙarfin gwiwa, inda kake bayyana masa dalilin da yasa ka fi kowa ƙwarewa wajen warware wa kwastomanka matsala?


Ko amsarka na taimakawa mai sauraronka nuna cewa ka fahimci buƙatun kwastomominka?


Ko kana iya bayyana muhimmin dalilin da yasa sana’arka ta fi ta kowa fice a sauƙaƙe?


Duk lokacin da za ka banbance sana’arka da saura, ka tabbatar duk wanda ka gayawa ba zai manta ba, kuma zai yarda da kai. Sirrin wannan hikima shi ne, ka tabbatar ka fahimci buƙatar kwastomanka, kuma ka tabbatar ka fi kowa ƙwarewa da burgewa wajen biya masa buƙata. 


Maganar gaskiya wannan ba abu ne mai sauƙi ba, kuma za ka iya jimawa sosai kana wasa ƙwaƙwalwarka kafin tantance yadda sana’ar ka ta fi ta saura fice. Wani lokacin kuma, saboda kusancin mu da sana’ar mu ne yasa ba ma iya fahimtar abin da ya banbance ta da sauran kishoyiyinta.


Duk da haka, idan za ka iya amsa waɗannan tambayoyin, to kana kan hanyar fahimtar yadda za ka tallata sana’arka, yadda ba kowa ba ne zai iya, kuma wannan shi ne zai iya saka wa ka yi fice.


Me kwastomominka suka fi ƙauna dangane da sana’arka?


Me yasa kwastomomin da suka daɗe tare da kai suke tare da kai har yanzu?


Wanne abu guda ɗaya ne mai daɗi wanda kwastoma ya taɓa gaya maka dangane da yadda kake tafiyar da sana’arka?


Saboda haka akwai hanyoyi da za ka yi amfani wajen zama fitacce a duk garinku ko ma ƙasar ku baki ɗaya.


Ga guda bakwai.


Za mu yi amfani da mai shayi da ƙwai a matsayin misali:


1. KA TACE IRIN KWASTOMAN DA KAKE BUƘATA: Idan ka ƙware wajen biya wa irin kwastoman da ke neman sana’arka buƙata, to za ka fi mayar da hankali wajen fahimta da yin fice wajen warware wa wannan kwastoma matsala. Wannan zai ƙara ƙarfin dangantaka tsakaninka da shi, lamarin da zai ƙara adadin kuɗaɗen shiga. 


Idan shayi da ƙwai kake sayarwa, to sai ka mayar da hankali akan samari da ma’aikata waɗanda su ne suka fi buƙatar sana’arka, ba ƙananan yara ko matan aure ba. Idan ka fahimci buƙatunsu, to za ka iya dai-daita wannan sana’a yadda za ta farantawa samari da ma’aikata rai ta ire-iren abincin da za ka sayar, da ire-iren kayan aikin da za ka yi amfani da su domin su ji kamar a gidan amarya suke.


2. KA MAYAR DA HANKALI SOSAI SOSAI WAJEN KULA DA JIN DAƊIN KWASTOMA: Wannan yana da matuƙar muhimmanci. Ka tabbatar ka zarce bakin ƙoƙarin ka wajen tabbatarwa babu kamar ka a wannan sana’a dangane da farantawa kwastoma rai. Tun daga lokacin da ka haɗu da kwastoma har zuwa rabuwarku, ka kula da shi kamar wani sarki, kuma ka nuna mi shi cewa babu wani kamar shi a duniya.


Wannan rubutu yana tuna mun da wani mai shayi a kwanar Freedom da ke unguwar Sharaɗa a Kano. Duk da cewa ba na iya tuna sunanshi, amma har yanzu ina ganin murmushin su da kazar kazar ɗin shi. Duk lokacin da ya samu dama, yana bugo mun waya mu gaisa.


3. KA WARWARE MATSALA: Ka binciki matsalar da mafi yawancin kwastomominka suke fama da shi sannan ya kasance babu wanda ya fi ka ƙwarewa wajen warware wa. Ka tabbatar ka samo hanoyoyin warware waɗannan matsaloli da sauri tare da sakamako mafi inganci.


Idan shayi da ƙwai kake sayarwa, ka lura da tambayoyin da kwastomomi da yawa suke yi, ta nan za ka gane matsalar dake ci musu tuwo a ƙwarya. Idan ba su da shi, to ka tambaye su ko ta yaya za ka faranta musu rai, da kuma buƙatunsu.


4. KA ƘIRƘIRO WANI SABON ABU: Ka ci-gaba da yunƙurin wajen gani ka biya wa kwastoma buƙata, tare da banbance sana’arka da saura ta hanyar ƙirƙirar duk wani abu da zai ƙarawa sana’arka martaba, daraja da biyawa kwastoma buƙata. Idan sana’arka ba ta da banbanci da sauran kishiyoyinka, to ka gudanar da ita ta wata hanya daban ba irin ta ragowa ba, yadda za ka fi warware wa kwastoma buƙata ta hanya mafi sauƙi da sauri. Idan kai mai shayi ne, to ai kusan duka masu shayi tsarin na su kusan ɗaya ne. Katon teburi ne, da kayan haɗa shayi, da kujerun katako a zagaye da teburin. To me zai hana ka samo kujeru masu laushi, dake ɗauke da ɗan ƙaramin teburi a gefe yadda kowani kwasoma zai ji shi kamar wani sarki? Idan suturar da ragowar masu shayi suke sakawa kusan ɗaya ne, to mai zai hana ka samu sutura mai kyau da ban sha’awa, ko ma ban dariya ka sanya? Abun nufi anan shi ne ka tabbatar ka banbanta yadda duk wanda ya tuna ka, sai ya yi murmushi.


5. KA YI WA KWASTOMA TAYIN DA BA ZAI IYA KAUCEWA BA: Ka zama mai fasaha dangane da yadda kake gabatar da sana’arka, yadda za ka ƙara mata daraja a idanun mutane da har ba za su iya kaucewa ba. Misali za ka iya bayyanawa cewa “idan kwastoma bai ji daɗi ba, to za’a ba shi kuɗaɗensa baki daya”. Idan shayi kake sayarwa, to sai ka yi jimlar kayan abinci kamar shayi, ƙwai, buredi da indomie, ka bada farashi mai armashi idan aka kwatanta da sayen su ɗaya-bayan-ɗaya. Za ka iya yin dabaru da yawa da farashi, yadda kwastoma zai ga darajar kayanka da sana’arka, har ka saka shi ruwan ido.


6. A SANKA A MATSAYIN GWANI A SANA’ARKA: Ya zamanto ka yi suna sosai ta hanyar koyarwa da ilimantarwa dangane da sana’ar da kake yi. Ko shayi kake sayarwa, to ka nuna wa mutane basirarka a wannan ɓangare ta yin rubutu, ko haɗa bidiyo ko sauti inda za ka nuna irin baiwa da kake da shi a wannan sana’a. 


Jama’a za su girmama ka.


7. KA SAWWAƘA WA JAMA’A YI MAKA CINIKI: Ka tabbatar ka gina sana’ar ka yadda kowa zai ji sauƙin aiki da kai. Ka bai wa jama’a lambarka ta waya da WhatsApp. Idan kwastoma ba zai iya zuwa wajen ka shan shayi ba, to haɗa shayin, ka bai wa yaro ya kai masa har gida ko ofis. 


Idan ka zama abun farin ciki a rayuwar kwastomominka, to babu shakka za ka zama fitaccen mai sayar da shayi da ƙwai. 


Allah Ya taimaka.

Monday 25 March 2024

Kalli Zafafan Kyawawan Hotunan Jaruma Nana Firdausi Yahaya

Kalli Zafafan Kyawawan Hotunan Jaruma Nana Firdausi Yahaya

Firdausi Yahaya ko Nana Fiddausi Yahaya wadda aka fi sani da Zainab Labarina, ta kasance ɗaya daga cikin sababbin jarumai mata masu tasowa, waɗanda tauraruwar su take kan ganiyar haskawa a masana'antar Kannywood.


Jaruma Nana Firdausi Yahaya
Hoto: Firdausee Yahaya


Hotunan sun ɗauki hankula sosai a shafukan Sada Zumunta duba da yanayin yadda aka ɗauki hotunan, wanda hakan ya taka muhimmiyar rawa sosai wajen ƙayatar da al'umma daga sassa daban-daban na faɗin duniya.


Nana Firdausi Yahaya
Hoto: Firdausee Yahaya


Waɗannan wasu ne daga cikin kyawawan hotunan nata.


Jaruma Nana Firdausi Yahaya
Hoto: Firdausee Yahaya


Ƙalli ƙarin wasu hotunan a ƙasa:


Jaruma Nana Firdausi Yahaya
Hoto: Firdausee Yahaya


Jaruma Nana Firdausi Yahaya Labarina
Hoto: Firdausee Yahaya

Fatan hotunan, sun burge masoyan ta.


Ku ci gaba da kasancewa da mu a kodayaushe, don ci gaba da samun sababbin hotunan jaruman ku.

Matsalar Naci Ko Izza Ko Ƙarfin Iko Ko Takurawa Ko Tilastawa A Soyayya

Matsalar Naci Ko Izza Ko Ƙarfin Iko Ko Takurawa Ko Tilastawa A Soyayya

Abin da ake nufi da naci dai shi ne nuna ƙwazo da jajircewar mutum a wajan nema da kuma son ya mallaki abin da yake so.


 MATSALAR NACI KO TILAS A YAYIN NEMAN SOYAYYA
Hoto: Etc


MarubuciNura Nakowa


Za ka iya yin naci akan abubuwa da dama kama a harkar kasuwanci ko aiki da wasu ɓangarorin na neman abin duniya. A irin wannan nacin kakan iya jure samu da rashi ba tare da yanayi ba, kuma koda ka shiga wani hali za ka iya samun tallafi ko sassauci daga wasu wuraren.


Shi kuma Naci A Soyayya ba kamar kowanne irin naci ba ne.


Naci a Soyayya tamkar tilastawa ne. Shi kuma so ba a tilas. Abu ne na yarda da aminci da nutsuwa.


Za ka iya neman soyayyar mutum idan ka yi sa'a a cikin ɗan kankanin lokaci a karɓi soyayyar ka. Wani lokacin kuma sai an ɗan ja lokaci kafin a amshi buƙatar ka. Jinkirin da aka samu kuma ba yana nufin ba a son ka daga farko ba ne sai daga baya aka so ka, a'a, yanayi ne yazo da hakan. Hakanan kuma idan aka yi saurin karɓar soyayyar ka, shi ma ba yana nufin an fi sonka ba ne, yanayin ne dai ya zo da haka.


Da akwai mutanen da idan suka ƙyallara idanu suka hango wanda suke so (musammam maza akan mata) sai sun nace akan sai sun yi soyayya da ita.


Kuskure na farko da suke yi shi ne, ba za su tsaya su yi tunanin, shin, za ta so su ko ba za ta so su ba, kawai su buƙatar su na sai sun yi soyayya da ita shi ne a gaba.


Za ka ga saurayi ya kula budurwa da zummar yana son ta domin ita ma ta so shi amma ta ce da shi a'a ko kuma ta nuna masa alamar cewa ba ta yi ko ba ta da ra'ayin yin soyayya da shi, amma kuma a maimakon ya haƙura ya godewa Allah da ya sauƙaƙa masa wahala, ba tare da an wahalar da shi ba aka nuna masa cewa fa wannan buƙatar da ya zo da ita ba za ta karɓu ba. Sai ka ga ya kasa fahimtar hakan.


A haka zai yi ta ƙoƙarin sai ya burgeta ta kowacce siga domin ya sace zuciyar ta, amma kuma ba zai yi nasara ba saboda ba ta son sa kuma tun da farko ta nuna masa haka.


Wasu sukan janye da wuri idan suka fahimci cewa hanyar ba mai ɓullewa ba ce ko kuma su janye don sun ga an fara musu gashin-ƙuma.


Wasu kuma ba za su haƙura ba, hasali ma, cewa za su yi ko ta halin-ƙaƙa sai an so su. Da haka sai ka ga an fake da bin malamai da bokaye domin a tilastawa zuciyar wadda suke so ba ta son su ta dawo tana son su.


Wasu kuma ba za su kai ga bin bokaye ko malamai ba, amma za su zafafa wajan iyaye da 'yan uwa ko dangin wadda suke so don a shawo kanta domin ta yarda a so ta ko a aureta. Ko kuma ma ka ga idan me dukiya ne, zai kashe ko miliyan nawa ne domin a ba shi aurenta.


To shi irin wannan soyayyar me za a kira shi kenan?


Ko da yake bai cancanci a kira shi da soyayya ba tunda an yi amfani da ƙarfin iko da isa wajan tilastawa zuciya karɓar abin da ba ta so.


Duk wanda ya jefa kansa cikin irin wannan chakwakiyar soyayyar, to, ya yi kuka da kansa.


A soyayya ana buƙatar amincewar zukata biyu, watau mutum biyu, waɗanda suka yarda cewar za su shiga cikin rayuwar junarsu. Idan aka samu akasin haka, to tabbas, za a zalunci ɗaya daga cikin su.


So ba a samun sa da ƙarfi ko izza, dole sai da lallama. Duk abin da ake so neman shi ake yi ba ƙwato shi ake yi ba. Shi kuma nema sai da hikima da dabara ake cin ribar sa.


Alhamdu lillah. Idan ka ji dadi to ka sanar da wasu.


A ci-gaba da bibiyar mu a ranakun LitininLaraba, da Juma'a domin ganin abin da muka wallafa na soyayya.

Friday 22 March 2024

Kalli Sababbin Kyawawan Hotunan Auta Waziri

Kalli Sababbin Kyawawan Hotunan Auta Waziri

Abdullahi Abubakar, wanda ya yi fice da sunan Auta Waziri, daɗadɗen mawaƙi ne a masana'antar Kannywood, wanda a halin yanzu tauraron sa yake ci gaba da haskawa, a ko'ina.


Mawaƙi Auta Waziri
Hoto: Auta Waziri


Hotunan sun ɗauki hankula sosai a shafukan Sada Zumunta duba da yanayin yadda aka ɗauki hotunan, wanda hakan ya taka muhimmiyar rawa sosai wajen ƙayatar da al'umma daga sassa daban-daban na faɗin duniya.



Auta Waziri
Hoto: Auta Waziri


Waɗannan wasu ne daga cikin kyawawan hotunan sa.


Mawaƙi Auta Waziri
Hoto: Auta Waziri


Fatan hotunan nasa, sun burge masoyan sa.


Auta Waziri
Hoto: Auta Waziri


Ku ci gaba da kasancewa da mu a kodayaushe, don ci gaba da samun sababbin hotunan mawaƙan ku.

Wednesday 20 March 2024

Hanyoyi 8 Masu Sauki Na Inganta Kasuwanci

Hanyoyi 8 Masu Sauki Na Inganta Kasuwanci

Duk lokacin da ake maganar ƙara adadin ciniki a sana’a, abubuwa guda uku ne ya kamata ka yi la’akari da su.


1. Ƙara adadin kwastomominka.


2. Ƙara adadin cinikin da kowane kwastoma yake maka.


3. Ganin cewa kwastoma yana ƙara yawan dawowa domin yi maka ciniki.


Hanyoyin bunƙasa cinikin ku
Hoto: Pens

MarubuciBello Galadanchi


Yau za mu mayar da hankali akan na farko, wato “Ƙara adadin kwastomominka”. Zan bada shawarwari da yawa, kai kuma sai ka duba waɗanda kake gani za su dace da sana’arka ka gwada. Wannan rubutu ya shafi maza da mata. 


1. KA YI WA KWASTOMOMINKA TAMBAYOYI: Ka mayar da hankali wajen sauraron shawarwarin kwastomominka. Ka tambaye su, banda cinikin da kuke yi tare, me kuma za ka iya kawo musu? Wani irin biyan buƙata suke so? Manyansu waɗanda ke ƙaunarka za su gaya maka tsakaninsu da Allah abubuwan da suke buƙata. Idan har bakin su ya zo ɗaya dangane da abu ɗaya, to ka tabbatar ka samar da wannan abu yadda suke so. Hakan ne zai dawo da su, kuma ya jawo maka hankalin sababbin kwastomomi. 


2. KOWACE WATA, KA YANKE SHAWARAR NAWA KAKE SO KA SAMU: Duk abin da ba shi da alƙibla, to babu ci-gaba. Idan ka yanke shawarar nawa kake so ka samu a wata, to sai ka raba waɗannan kuɗaɗen zuwa makonni huɗu. Hakan zai nuna maka irin aikin da ya kamata ka yi. Idan har ka cimma, kuma ka samu ci-gaba, to za ka iya ƙara adadin cinikin da kake da burin yi. 


3. KA SALLAMI MA’AIKACIN DA YA FI RASHIN TAƁUKA ABUN ARZIKI: Babu shakka!!! Wato kwastomomi suna da matukar daraja. Idan har kana da ma’aikacin da ake yawan kawo ƙararshi, ko aikinshi ba ya gamsarwa, ko yake da taurin kai wajen koyon sababbin abubuwa, to ka sallame shi gobe-goben nan. Tabbatarwa babu wake ɗaya da ke ƙoƙarin ɓata maka gari na da matukar muhimmanci a kasuwanci, saboda mutum ɗaya zai iya sakawa kwastomomi su guji sana’arka. Ka tabbatar ka san kowane ne, kuma ka tunkuɗa ƙeyarshi. 


4. KA LAƘANCI BAYYANA SANA’ARKA CIKIN KALMOMI ƘALILAN: Za ka haɗu da mutane da yawa, kuma ba za ka san wanda zai yi maka babban ciniki ba, ko ma ya yi sanadin samun dukiya mai yawa. Idan yau wani ya fito ya tambaye ka ya ce “Mece ce sana’arka?” To wannan babbar dama ce ta yin amfani da furuci wajen jawo hankalin jama’a. KAR KA YARDA KA CE “Ɗinki muke yi, ɗinkin mata da yara”. Ire-iren waɗannan bayanan sun yi kwantai. Ga samfurin amsa “Muna farantawa mata da yara rai, ta hanyar ɗinka musu kaya a cikin hanzari da rahusa”. To duk wanda ka gayawa wannan, zai yi murmushi ya fara yi maka tambayoyi kamar “hanzari kuma? Kamar kwanaki nawa? Nawa ne kuɗin ɗinkinku?” Idan har ka yi haka, to ka tabbatar ka karɓi lambar waya da WhatsApp kuna gaisawa. Ko ba su da ɗinki, za su nunawa ‘yan uwansu da jama’a kasuwancinka. 


5. KA RIƘE ZUMUNCI: Ka tabbatar kana da littafin da kake rubuta lambobi da duk wasu bayanai na kwastomominka. Kar ka dogara akan wayar hannu, za ta iya faɗuwa ko ta samu matsala. Ka tabbatar ka rubuta da biro a cikin littafi. Ka nemi sanin abubuwan dake da muhimmanci a rayuwar kwastomominka. Ka rubuta, kar ka mance. Wasu ‘ya’yansu ne, to ka rubuta sunayensu. Wasu aikin su ne, wasu iyayensu ne, wani amaryarshi ce, wani motarshi ce, abubuwa iri-iri. Ka yi ƙoƙarin sanin wani abu na rayuwarsu, kai ma ka bayyana musu abin da keda muhimmanci a rayuwarka. Duk kwanaki biyu zuwa huɗu, ko mako-mako musamman Juma’a, ka buga ku gaisa. Kar ka yi maganar sana’a, idan ba su ne suka fara ba. 


6. KA BINCIKI IRE-IREN TALLACE-TALLACEN DA KISHIYOYINKA SUKE YI: Akwai waɗanda ke sana’a irin taka dake kashe maƙudan kuɗaɗe wajen tallace-tallace. Ka nazarce su domin fahimtar abin da suke yi. Wannan zai ba ka makamai wajen bambanta kanka daga saura ta yadda za ka fi jawo hankali. 


7. KA KAMA ƘAFA A WAJEN SHUWAGABBANNIN AL-UMMA: Shuwagabannin al-umma sun san jama’a sosai. Kama ƙafa a wajensu zai iya buɗe maka wata sabuwar taskar kwastomomi. 


8. KA ZAMA MAI TAIMAKO: Ka ɗauki kanka a matsayin likita, kuma ka ɗauki duk kwastomomi a matsayin marasa lafiya masu neman likita. Ka taimake su, ka yi musu murmushi, ka amsa duk tambayoyinsu. Idan ba ka san amsa ba, ka tambaya. Ka kula da komai nasu yayin da suke tare da kai. Lokacin Sallah ka yi musu tanadin buta da tabarma, lokacin cin abinci a sayo musu kaza, wajen zama ka ba su mai laushi, ɗakin otel idan daga wajen gari suke, da mota ko adai-daita sahu ya kai su gida ba. Ka zama mai kula sosai. N500 ɗin da za ka kashe domin kula da kwastoma zai iya haifar da N500,000 saboda kulawa da taimako. 

Tuesday 19 March 2024

Kalli Sababbin Kyawawan Hotunan Sabuwar Jaruma Zainab Labarina

Kalli Sababbin Kyawawan Hotunan Sabuwar Jaruma Zainab Labarina

Firdausi Yahaya, wadda aka fi sani da Zainab Labarina, ta kasance ɗaya daga cikin sababbin jarumai mata masu tasowa, waɗanda tauraruwar su take kan ganiyar haskawa a masana'antar Kannywood.


Jaruma Zainab Labarina
Hoto: Firdausee Yahaya


Hotunan sun ɗauki hankula sosai a shafukan Sada Zumunta duba da yanayin yadda aka ɗauki hotunan, wanda hakan ya taka muhimmiyar rawa sosai wajen ƙayatar da al'umma daga sassa daban-daban na faɗin duniya.


Waɗannan wasu ne daga cikin kyawawan hotunan nata.


Jaruma Nana Firdausi
Hoto: Firdausee Yahaya


Fatan hotunan, sun burge masoyan ta.


Jaruma Zainab Labarina
Hoto: Firdausee Yahaya

Ku ci gaba da kasancewa da mu a kodayaushe, don ci gaba da samun sababbin hotunan jaruman ku.

Saturday 2 September 2023

Hanyoyin Magance Matsalar Kasala Domin Cimma Muradin Rayuwa

Hanyoyin Magance Matsalar Kasala Domin Cimma Muradin Rayuwa

Na samu tambayoyi da dama musamman daga matasa, akan dalilan da suka sa nake iya yin abubuwa da yawa a lokaci ɗaya, kuma su ma ta yaya za su koya sannan su aiwatar. Tsakani da Allah wannan ba abu ne mai wahala ba. Ni ma akwai lokacin da babu abin da nake ƙauna kamar cin abinci, sannan na kwanta na yi bacci. Kowace rana sai dai na ce “zan yi wannan, zan yi wancan”, ko “ina so na cimma wannan, ina so na yi nasara a wancan”. To amma abin da na lura da shi shi ne, wannan matsala ta kasala ta addabi matasan mu na Hausawa sosai, kuma ba laifin su ba ne. Idan kana fama da wannan cuta, to yau za ka samu maganin da zai warkar da kai. Maganin da na sha kenan, kuma kai ma zai yi maka aiki. 


YAKI KASALA DOMIN CIMMA BURIN KA NA RAYUWA
Hoto: The Ladders


MarubuciBello Galadanchi


A farkon farawa, akwai matuƙar muhimmancin tantancewa idan matsalar ka kasala ce, ko kuma abubuwa ne suka yi maka yawa.


Idan kullum kana da abubuwan yi da yawa, amma ba ka iya kammala su, to akwai yiwuwar cewa ka gagara horas da kanka ne. Maganin anan shi ne ka kawar da duk wani abu  da ke ɗauke maka hankali daga gefe, kamar amfani da waya, ko karance-karance marasa amfani, ko hira da sauransu. Kana buƙatar samun hanyoyin ƙarfafawa kanka gwiwa da kanka.


Idan kuma kana da abubuwan yi masu yawa, kuma babu abin da yake ɗauke maka hankali, amma kuma ba ka iya kammalawa, to kar ka yi tunanin cewa kasala ne. A’a. Buri ne ya yi maka yawa, saboda haka dolen dole ka zaɓi ayyukan da suka fi muhimmanci, ka mayar da hankali a kan su.

 

Idan ba ka da abin yi kwata-kwata, kullum sai bacci da hira, sai yawo a unguwa da ƙwallon kafa, hira da danne-dannen waya, to matsalarka a nan ita ce rashin ƙarfin gwiwa. Hakan zai iya samo asali daga yanayin rayuwarka, ko matsalar takaici, ko kuma irin mutanen da kake mu'amala da su. Akwai jama’a masu ɗimbin yawa dake cikin wannan rukuni.


Babu shakka, ƙalubalantar kasalar ka na da nasaba ne da rukunin da ka faɗa.


Ga hanyoyin da za ka iya amfani da su wajen warware wannan matsala;


1. KA KOYI BAI WA AIKINKA DARAJA: Wani abin mamaki shi ne mutane da yawa sun tsani aiki ko sana’arsu. Sana’arka na iya zama masoyiyarka kuma abin ƙayatarwa. Fahimtar darajar sana’ar da kake yi abu ne da sai ka koya, kuma yana ɗaukar lokaci da maimaitawa kafin ka ƙware. Idan kana ƙaunar aikinka, to za ka zama mai ƙwazo akai, kuma hakan zai kai ka ga cimma burinka na rayuwa. Sau nawa muka ji labarin mutanen da suka fara da talla, amma suka zama masu arziki? Sahad Stores a Kano misali ne. Ku tambayi labarin Ladan Wapa ko Ɗahiru Mangal a Katsina. 


Idan abokan aikinka sun ƙware wajen ƙorafi da kuka dangane da yadda suka tsani sana’ar da suke yi, to ka ƙaurace musu. Duk farin cikin ka, mutane masu yawan ƙorafi za su shafa maka cutarsu, domin kai ma ka zama kamar su.


2. KA ƘALUBALANCI ƊABI’UNKA: Idan ɗabi’arka a farkon kowace rana ita ce buɗe Facebook, ko kuma kunna kiɗa, ko kuma kallon T.V, to ka zama mai sauya ɗabi’a a kowace rana. Wani lokacin, ka cire facebook daga kan wayarka, ko kuma ka cire T.V ɗin daga inda yake, ka kulle shi a ɗaki. Darasin anan shi ne, duk lokacin da ka ƙalubalanci ɗabi’un da kake yi kullum, to dole ka ƙirƙiro wasu sababbin ɗabi’u. 


Kai kuma idan ka tashi, sai ka yi wani abu wanda zai kasance gudummuwa domin kaika ga nasara a rayuwarka. 


3. KA KAFA SABON TSARI: Wato balaguron daina kasala tafiya ce ta maza. Kowa da ka gani a zuciyar shi yana cewa “gobe in sha Allahu, zan tabbatar na kammala wancan abu”. Matsalar anan ita ce da goben ya zo, to zuciyar ka tana nan a mace kamar jiya. Saboda haka hanya mafi amfani wajen ƙalubalantar wannan matsala ita ce ka rubuta abin da za ka yi kullum da safe bayan ka tashi daga bacci. Ba sai ka rubuta manya-manyan abubuwa ba. ‘Yan ƙanana waɗanda za ka iya gamawa a rana su za ka rubuta. Duk wanda ka gama, sai ka saka biro ka soke shi. Jama’a, kasala ɗabi’a ce, kuma ƙirƙirar sabuwar ɗabi’a ita ce hanyar yin ƙafar ungulu da tsohowar ɗabi’a. 


4. KA JAJIRCE KUMA KA AUNA CI-GABAN DA KAKE SAMU: Idan har abubuwa suka fara gyaruwa, to kar ka sassauta, kuma kar ka gaji. Wato kasala kamar shaiɗan ne. Kullum neman mafaka take yi a ɓangarorin da kake da akasi. Dole sai ka yaƙi zuciyarka da nufin hana kanka komawa gidan jiya. Babu shakka wani lokacin za ka koma gidan jiya, anan ne za ka jajirce domin komawa filin yaƙi da ci-gaba da yunƙurin samun nasara. Ka tuna cewa kasala ba hali ba ne, ɗabi’a ce. 


Bayan ‘yan watanni, ka auna irin ci gaban da ka samu, sannan ka yi tunani ka gani ko kwalliya ta biya kuɗin sabulu. Idan har ka yi farin ciki da halin da ka samu kanka a ciki, to ina mai tabbatar maka cewa ka ci kasala da yaƙi, kuma rayuwarka ta canza kenan har abada. Allah Ya ɗaukaka mana kasar mu ta gado Amin.

Tuesday 20 June 2023

Karanta Hanyoyin Samun Nasara A Rayuwa (51) Cikin Sauki

Karanta Hanyoyin Samun Nasara A Rayuwa (51) Cikin Sauki

16. Mutum ya tsaya yana ta alhinin abin da ya wuce  ba zai dawo da abin da ya rasa ba, ko ya yi ta jin tsoron kar wannan abin da ya same shi ya sake maimaituwa ba zai ba shi damar ya zama mai sukuni ba sai ma lamarinsa ya ƙara sukurkucewa, yaushe mutum zai tsaya yana ta tsoron shiga wata harka saboda abin da ya faru da shi a baya? Tsoron ba zai sa ya sami abin da yake so ba, sai dai ya yi ta damuwa kan wata asara da ya yi a baya wanda ba zai ƙara masa komai ba, kenan akwai wasu matsaloli guda biyu masu takura mutum a kan hanyarsa ta neman arziki wato nadama da tsoro.


Alhinin abin da ya wuce
Hoto: Please Live


MarubuciBaban Manar Alkasim


Babban abin da zai taimaki mutum shi ne ya maida hankali kawai kan abin da yake nema a gaba, idan asara ce ya yi a baya ba ita zai riƙa tunani ba me ya janyo ta don ya kauce wa faruwarta a gaba, idan tsoron gaba yake to ya maida hankali kan tunanin yadda zai kauce wa faɗawa abin da yake gudu, masana za su iya taimakawa da shawarwari ta wannan sashi, galibi shawarwarinsu kan ba da mafita sosai, don wasu kan ba da shawara kuma su taimaka, a taƙaice kar mutum ya saka kansa a kurkukun jimami da yanke ƙauna, ya yi ƙoƙari ya nemi mafita don samun damar isa ga nasara.


17. Mutane na da saɓani kan ingancin wannan amma likitoci kan bayyana cewa samun cikakken barci na da muhimmiyar rawar da yake takawa wurin ƙara wa mutum lafiya, sun ce aƙalla mutum ya sami sa'o'i 8 yana barci, jikinsa zai samu hutu kamar yadda ƙwaƙwalwarsa za ta huta. Sau tari gajiyar jiya kan hana mutum nishaɗin yau, duk yadda aka ce mutum ba lafiya to fa zancen neman arziki ya ƙare kenan, ƙwayoyin halittar dake cikin ƙwaƙwalwa su ma suna buƙatar hutu sosai don su ba mutum damar da zai yi tunanin hanyoyi daban-daban waɗanda za su kai shi ga nasara.


18. Gudun duk abin da zai cutar da mutum, kamar ƙwayoyin hana barci, ko waɗanda za su saka mutum, haka mutum ya ya yi ƙoƙarin cin abincin da zai ƙara masa lafiya, don da ruwan ciki ake jan na rijiya, kar ya ce ba zai kashe kuɗin da yake ƙoƙarin tarawa ba, wani sa'in idan ba a kashe kuɗi kan abinci mai gina jiki ba, za a kashe sama da haka kan maganin da zai warkar da jikin, duk lokacin da aka ce jiki ba lafiya to fa mutum zai iya kashe duk abin da ya tara don dai ya same ta, a guji mummunan abinci, a riƙa motsa jiki, a ƙaurace wa duk abin da zai rikita ƙwaƙwalwa kamar ƙwayoyi ko tabar wiwi ko hodar iblis, idan ƙwaƙwalwa ta rikice komai tsayawa yake.


19. Kar ka cika son kanka sosai, da gaske ne dukiyar kake nema? Tsaya da kyau ka saka ta a gaba, tunda mun san hannu ɗaya ba ya ɗaukar jinka to ka haɗa da waɗanda za su taimake ka tara ta, amma kafin nan idan ka lura da kyau wasu kan yi kisa su ƙwace dukiya, amma sai manyansu su hana ƙananan, dalilin wannan asirinsu yake tonuwa, don ƙananan ba sa yafiya, wani kuma kan sa ma'aikatansa su ci aiki tuƙuru, amma idan aka sami kudi ba sa waiwayar kowa, shi ya sa ƙananan kan ci alwashin tona asiri, a ƙarshe sai dai ogan ya ga lamarin ya dare masa ya rasa ta ina hakan ta faru.


Idan za ka nemi kuɗi ka zama mai yafiya da kau da kai, ka kuma riƙa kallon ma'aikatanka, ya suke shiga? Ya suke riƙe iyalansu? Wani irin suturu suke sakawa? Ya iyalansu suke? Ka yi ƙoƙarin su sami kwanciyar hankali kamar yadda kai ma kake fata, bisa wannan dalilin za su tsaya ƙyam wajen ganin ci-gaban kamfanin don kana kyautata musu, za su ba shi kariya kuma don su ma akwai abincinsu a ciki yana rage musu matsaloli ba za su bar shi ya lalace ba, idan wani ya ga abin da zai cutar da kai nan da nan zai tona, kuma ya yi tsayin daka wajen ba da tasa gudummuwar har sai ya ga an kawar da matsalar, son kai ba zai taimaki mutum ba.


20. Yi ƙoƙari waɗanda ke zagaye da kai su san mahimmancin samuwarka tare da su, wato su fi kowa fa'idanta da kai, yadda idan wani zai same ka su ne na farkon tsayawa kare ka ba tare da ka nemi taimako ba. Wannan wata hikima ce ta musamman mai matuƙar muhimmancin, koda ma a ce ka yi sakaci ba ka yi hakan ba to ba ka makara ba za ka iya gyarawa. Akwai wani ɗan siyasa da ke ɓangaren jagoranci a siyasar ba ya da maƙwabtansa waɗanda suke mara wa ɓangaren adawa suke ganin ba a yi musu adalci ba a zaɓen da ya gudana.


DUBA NA BAYAKaranta Hanyoyin Samun Nasara A Rayuwa (50) Cikin Sauki


Gwamnati na sanar da cewa ɓangaren adawar ba su ci nasara ba nan take samari suka faɗa gidansa suka yi masa ƙone-ƙone da ta'adi mai yawa, kamar  dai shi ne ya yi aika-aikar da suke zargi, yanzu abin da ya dace tunda 'yan sanda sun zo shi ne a bi samarin nan duk a cabke, aljihun uban kowa ya yi kuka, amma sai ya sayo abinci buhu-buhu ya raba wa iyayensu, ya ce kar a kama kowa, nan take gabar da ake masa ta koma soyayya, yaran suka zama masa garkuwa. Mai son ya zama mai sukuni ga satar amsa.


Za mu ci-gaba Insha Allah.

Monday 5 June 2023

Kalli Zafafan Kyawawan Hotunan Jaruma Teema Yola

Kalli Zafafan Kyawawan Hotunan Jaruma Teema Yola

Fatima Isah Muhammad, wadda aka fi sani da Teema Yola ɗaya ce daga cikin fitattun jarumai a masana'antar shirya fina-finan Hausa (Kannywood), waɗanda suka shigo cikin masana'antar da ƙafar dama.


Jaruma Teema Yola
Hoto: Teema Yola

Hotunan sun ɗauki hankula sosai a shafukan Sada Zumunta duba da yanayin yadda aka ɗauki hotunan, wanda hakan ya taka muhimmiyar  rawa sosai wajen ƙayatar da al'umma daga sassa daban-daban na faɗin ƙasar da ma Duniya baki ɗaya.


Cikin nishaɗi
Hoto: Teema Yola

Fatima Isah Muhammad, wadda aka fi sani da Rukayya a cikin shirin Labarina wanda ake haskawa a tashar talabijin ɗin Arewa24.


Saturday 20 May 2023

Hanyoyi 7 Domin Samun Nasara A Kasuwanci

Hanyoyi 7 Domin Samun Nasara A Kasuwanci

Idan ka yi ƙoƙarin binciken hallayar ‘yan kasuwa masu nasara akan shafukan yanar gizo, sau da yawa za ka ga sunayen mutane kamar shahararrun mutanen da suka ƙirƙiri na’ura mai ƙwaƙwalwa kamar Steve Jobs ko Bill Gates.


Nasara A Kasuwanci
Hoto: Big Stock


MarubuciBello Galadanchi


Sau da yawa mutane suka ambaci sunayen waɗannan mutane a duk lokacin da aka yi maganar ƙwararrun ‘yan Kasuwa waɗanda suka girgiza duniya da basirar kasuwancin su. 


Suna matuƙar harzuƙawa, wani lokacin har da saka jama’a fargaba. To idan Allah bai ba ka fasahar Steve Jobs ba ko jajircewar Bill Gates ba, kar ka tayar da hankalin ka. Ina da albishir. Za’a iya nunawa ‘yan kasuwa hanyoyin samun nasara ta horar da su akan ɗabi’u masu muhimmanci. 


Manazarta, da ƙwararru a harkokin kasuwanci sun bayyana cewa shahararrun ‘yan kasuwa za su iya ɓullowa daga duka ɓangarorin rayuwa a kowani lokaci, kuma Allah Ya yi su da halayya iri-iri kuma ba sai suna da ilimin boko ba. 


Saɓanin hikima, ba dole sai ka zama mai nasara a komai na rayuwa ba, ko kana da nutsuwa ta musamman, ko ka kasance mai aiki babu dare babu rana sannan za ka iya samun nasara a kasuwanci. Maganar gaskiya, irin waɗannan mutanen ba sa iya ɗaukar kasadar da shahararrun ‘yan kasuwa ke ɗauka, kuma masu nazari sun bayyana cewa mafi yawancin lokuta, ɗaliban da ke samun C a jarrabawa su ne suke zama shahararrun ‘Yan Kasuwa. 


Sai dai kuma ƙwararrun ‘yan kasuwa suna da ɗabi’u kusan iri ɗaya, daga jajircewa zuwa kasada waɗanda suna daga cikin gimshiƙin samun nasara a kasuwanci.


Nazarin da masu bincike suka yi ya nuna cewa shahararrun ‘yan kasuwa suna da ɗabi’u daban daga manajojin kamfani, ta inda suka yi musu fintinkau a ɓangarori kamar sauraron ra’ayoyi domin ƙarin ilimi da ƙirkire-ƙirƙire, da kuma iya horar da kawunan su, da ma ƙarfafa wa kawunan su gwiwa, sannan suna da sauƙin kai wanda hakan yana taimaka musu wajen jure wahala. 


Ga ɗabi’un guda bakwai, da bayanan su a taƙaice:


1. JURIYA: Juriya ne na farko, saboda mafi yawancin kasuwanci na samun ƙalubale wajen karyewa. Hakan yana faruwa sau da yawa a kowani mako.


2. ƘAUNAR KASUWANCI: Duka shahararrun ‘yan kasuwar da na sani sun yi imanin cewa za su bada nasu gudunmuwa ga jama’a. Wannan abu yana ƙayatar da su, shi yasa suke iya jurar duk wani ƙalubale da ke addabar su.


3. HANGEN NESA: Sau da yawa shahararrun ‘yan kasuwa na fuskantar jama’ar da ke yunƙurin kashe musu gwiwa saboda suna da hangen nesa, lamarin da ragowar jama’a ba su iyawa.


4. SAURARON RA’AYOYIN JAMA’A: Wannan yana nufin samun nasara wajen jurewa fargaba. Fargabar jin kunya, da rashin samun albashi, da karyewa da ma sauran batutuwa.


5. IMANI: Dolen dole sai ka yi imani da burin ka da niyyar ka. Dolen dole sai kana sha’awar yin ganganci amma kuma a dabarance.


6. IYA KWANA: Dolen dole sai kana da zuciyar gaya wa kanka cewa “gaskiya wannan abu da nake yi ba ya aiki, bari na canza alƙibla”.


7. KARYA DOKA: Shahararrun ‘yan kasuwa mutane ne dake ƙalubalantar hikimomin da aka gada tun iyaye da kakanni. Binciken manazarta ya nuna cewa shahararrun 'yan kasuwa sun ƙunshi “ilimi, zafin nama, ganganci da saɓawa yadda lamura ke gudana.”


Idan bacci kake ka tashi, idan a zaune kake ka miƙe, idan a tsaye kake, to ka fara tafiya, idan tafiya kake to ka ruga da gudu, idan gudu kake to ka tashi sama. Allah Ya bamu nasarar duniya da lahira Amin.

Tuesday 16 May 2023

Hanyoyin Faranta Wa Masoyiya Cikin Sauki

Hanyoyin Faranta Wa Masoyiya Cikin Sauki

So mai abubuwa daban-daban. Mutuncin da ke tsakaninka da shi kawai kulawa.


Farantawa Masoyiya
Hoto: Wallpaper Safari


MarubuciNura Nakowa


Idan aka rasa kuka a tsakanin masoya, to so da kansa yake yin abin da ya ga dama. 


Idan ya ga dama ya cutar da mutum ɗaya, idan kuma ya ga dama ya cutar da su duka.


Rashin kulawa yana rage shaƙuwar da ke tsakanin masoya biyu. Yana sa su fara yin nesa da juna ta sigogi daban-daban.


Idan aka fara yin nesa da juna sai tsana ta fara shigowa a tsakani.

Ba kuma sai tsanar ta haddasa gaba ko tashin hankali ba a'a, kawai dai soyayyar ce za ta fara yin sanyi sai ka ga an soma yin baya-baya da juna, ko a koma kamar abokai amma ba aminai ba ko kuma a zama kamar dai irin an san juna ne amma ba lallai sai an shaƙu da juna ba, sai a rinƙa gaisawa daga nesa wanda idan aka ci-gaba a haka wata rana sai ka ga an rabu.


Kulawa na daga cikin abin da ke ƙarfafa wa masoya ƙwarin gwiwa.


Kulawa na da bambanci da hidima. Kada don kana taƙamar kana bada wani abu ko kuma kakan yi sayayya ka kawo ko ka aiko ya zama shi ne dalilin da zai sa a yi maka irin son da kake da muradi.


Sakin fuska, yin murmusi da dariya suna daga cikin hanyoyin faranta ran masoyiya.


Hira da bada labari me daɗi yana ciki.


Ziyara da Kira a waya da tura saƙonni da kuma maida martanin saƙo idan an yi maka shi ma abu ne me kyau a soyayya.


Tsokana, barkwanci  suna ƙara sanyawa a samu sakewa a tsakanin masoya.


Kada ka bari ka ce wai sai an yi maka sannan za ka yi, soyayya takansa a yi 'yar rige.


Ya Allah ka ba mu ikon farantawa masoyan mu sannan kuma su ma ka ba su ikon faranta mana. Amin.

Monday 15 May 2023

Kalli Zafafan Hotunan Karshen Mako Na Auta MG Boy

Kalli Zafafan Hotunan Karshen Mako Na Auta MG Boy

 Auta MG BOY, ɗaya ne daga cikin sabbin mawaƙa masu taso wa a masana'antar shirya fina-finan Hausa (Kannywood).


Mawaƙi Auta MG Boy
Hoto: Auta MG Boy

Hotunan sun ɗauki hankula sosai a shafukan Sada Zumunta duba da yanayin yadda aka ɗauki hotunan, wanda hakan ya taka muhimmiyar  rawa sosai wajen ƙayatar da al'umma daga sassa daban-daban na faɗin ƙasar da ma Duniya baki ɗaya.


Kalli ƙarin wasu daga cikin kyawawan hotunan na shi a ƙasa;


Auta MG Boy
Hoto: Auta MG Boy


Mawaƙi Auta MG Boy
Hoto: Auta MG Boy

Sunday 14 May 2023

Abin Da Ya kamata Ku Sani Kafin Ku Fara Shiga Jami'a Ko Fara Kasuwanci

Abin Da Ya kamata Ku Sani Kafin Ku Fara Shiga Jami'a Ko Fara Kasuwanci

Idan aka kwance mota baki ɗayanta, aka raba komai na jikinta, sannan aka zuba maka komai nata a gareji ɗaya, shin kana gani za ka iya haɗa ta? Idan aka ba ka takardun da aka yi amfani da su wajen ƙera ta fa?


TSAKANIN SHIGA JAMI'A DA FARA KASUWANCI
Hoto: Freepik


MarubuciBello Galadanchi


To a jami’a ne ake koyar da duk waɗannan dabarun, saboda kowane aji zai mayar da hankali ne wajen tabbatarwa ka laƙanci wani ɓangare na karatun da kake yi. Idan karatun haɗa mota kake yi, to za ka samu malamai daban-daban waɗanda suka ƙware a sassa daban-daban na mota.


Bayan ka kammala ɗaukar waɗannan ajujuwa, to za ka iya haɗa mota. A taƙaice, jami’a ce za ta ba ka makaman da za ka yi amfani da su wajen laƙantar abin da kake so ka yi a rayuwarka.


Ilimi makami ne, kuma duniyar nan filin daga ne. Akwai makamai iri biyu, kuma ana so ka zaɓi ɗaya. Na farko shi ne sanda, na biyu kuma ƙaton bindiga ne mai ɗaukar harsashi ɗari biyu da hamsin a lokaci ɗaya. Wanne za ka zaɓa?


Bugu da ƙari, idan har kana so ka yi sana’a, to akwai matuƙar muhimmanci ka je jami’a domin nazartar wannan sana’a, idan kuwa ba haka ba, waɗanda suka yi wannan karatu za su mallaki manyan makamai a filin daga, kai kuma a ƙyale ka da sanda.


Na tabbata wasu daga cikinku za su lissafo sunayen mutanen da suka yi nasara ba tare da karatu a jami’a ba. Wani hanzari ba gudu ba, mafi yawancin waɗannan mutane sun daina karatu ne, saboda sun laƙanci wani ilimi da ya ba su tagomashi har sana’ar su ta samu babban ci-gaba a ɗan ƙaramin lokaci. Amma daga baya, dolen dole suka koyi ragowar darrusan da ba su kammala a jami’a ba ta wasu hanyoyi na daban.


Idan kai ba Bill Gates ba ne, ko Mark Zuckerberg, to kar ka yaudari kanka. Ka nemi ilimi yanzu-yanzun nan.


Shawara ta ita ce ka yi ƙoƙarin gina sana’arka a dai-dai lokacin da kake karatun jami’a, kuma kar ka daina karatu sai idan har ka cimma babbar nasara a dare ɗaya.


Wani abin dariya shi ne a lokacin da muke da ƙuruciya, gani muke kamar mun san komai. Yarinta ce kawai. Da ka cika shekaru 30, za ka fahimci cewa ashe babu abin da ka sani.


Karatun jami’a ba ɓata lokaci ba ne, saboda zai koya maka dabarun zaman rayuwa a cikin ɗan ƙaramin lokaci, a maimakon ɓata lokaci mai tsawo kana tafka kuskure da da-na-sani kafin ka laƙanci sana’a.


Idan karatun ya gundure ka, to ka samu wani abu daga gefe kana yi. Malamanka za su ba ka shawarwari kyauta. Idan ka girma ka zama mutum, to fa sai ka biya kuɗi sannan za’a ba ka shawara.


Ka zama mai sauƙin kai, ka nemi ilimi, kuma ka yi amfani da makaman da jami’a za ta ba ka.


A rayuwar nan, akwai hanya mai sauƙi, kuma akwai mai wahala. Shawara ta rage ga mai shiga rijiya.


A ƙarshe kuma idan har sana’ar taka ta samu matsala, to takardar digiri ɗinka za ta zama madafa har sai ka samu ka farfaɗo. Ba lallai ba ne ta sama maka aiki, amma masu azancin magana suka ce “Da babu, gwamma ba daɗi”.

Wednesday 26 April 2023

Sauke Zazzafan Sakon Murnar Sallah Audio Na Sanusi Kabir A Kyauta

Sauke Zazzafan Sakon Murnar Sallah Audio Na Sanusi Kabir A Kyauta

Wannan Audio na "Murnar Sallah" cike yake da daɗaɗan kalaman soyayya masu ratsa sassan zukatan masoya. Idan har kana sauraro to ba za ka san lokacin da shauƙin soyayya zai ziyarci farfajiyar zuciyarka ba. Abin dai ba a magana.


Saƙon Barka Da Sallah
Hoto:Freepik

Idan har kana soyayya, lallai wannan Audio na Murnar Sallah zai faranta maka rai, haka ke ma idan kina yin soyayya, za ki ji daɗin shi, kar ku sake a ba ku labari.


Kalli kaɗan daga ciki anan...


Wanda Sanusi Kabir ya rubuta, ya kuma tsara, sannan ya gabatar da shi da kansa. 


Lallai kada ku bari a ba ku labari.

Idan kana da matsala a Soyayya musamman wajen rubuta Saƙonnin Soyayya ko furta lafazin soyayya, don yabon kwalliyar masoyiyarka, ko don taya ta murnar ranar sallah, ba shakka wannan zai nishaɗantar da kai ya kuma ƙara inganta tasirin soyayya a farfajiyar zuciyarka. Ya kuma taimaka maka wajen tura wa masoyiyar ka saƙonnin soyayya na zamani.


Sauke Audio Na Ma'anar Soyayya Da Shawarwari Ga Masoya A Kyauta


Wato tsayawa bayyana abin da wannan maƙala ta sauti ta ƙunsa kamar ɓata lokaci ne, abin sai wanda ya saurara.

Kar dai mu cika ku da surutu ku hanzarta sauke Audio na Murnar Sallah yanzu a kyauta domin sauraro.

SAUKE AUDIO ANAN


KADA KU SAKE A BA KU LABARI

Da fatan zai ilimantar,nishaɗantar ya kuma faɗakar da masoya gaba-ɗaya. Ya kuma zama silar ƙarfafa alaƙa a tsakaninsu.

Tuesday 18 April 2023

Babban Abin Da Yake Bata Li’itikafi

Babban Abin Da Yake Bata Li’itikafi

Li’itikafi yana ɓaci don aikata babban laifi kamar:


Zina da shan giya da ƙarya da ƙazafi, haka nan yana ɓaci don yin jima’i da sumba da daddare ko da rana bisa  sha’awa.


Abin Da Yake Bata Li’itikafi
Hoto: Portal Patio


Haka nan yana ɓaci da zuwan haila, haka nan yana ɓaci da cin abinci ko shan ruwa da rana, haka yana ɓaci idan an fita daga Masallaci ba don neman abinci ko wata bukatar Ɗan Adam ba.

Saturday 25 March 2023

Sharudda 7 Na Yin Li'itikafi

Sharudda 7 Na Yin Li'itikafi

Haƙiƙa, li’itikafi yana da sharuɗɗan inganci guda bakwai:


1. Musulunci: Li’itikafi ba ya inganta ga kafiri.


Sharudda Bakwa Na Yin Li'itikafi
Hoto: Mina News


2. Balaga: Ba ya inganta ga yaron da bai balaga ba, ko mahaukaci.


3. Tsarki: Ba ya inganta ga mai janaba ko haila ko nifasi.


4. Masallaci: Li’itikafi ba ya inganta a cikin gida ko ɗaki ko Masallacin da ba a sallar jam’i a cikinsa.


5. Azumi: Li’itikafi ba ya inganta ba tare da Azumi ba.


6. Barin runguma ko sunbatar mace da daddare ko da rana.


وَلاَ تُبَاشِرُوهُنَّ وَأَنْتُمْ عَاكِفُونَ فِي الْمَسَاجِدِ. (سورة البقرة: آية 178)


Allah (S.W.T) ya ce: “Kar ku rungume su (mata), lokacin da kuke li’itikafi a cikin Masallaci.” (Suratul Bakara: aya ta 178). 


7. Neman iznin miji: Li’itikafin mace ba ya inganta idan mijinta bai yi mata izini ba.


Thursday 16 March 2023

Karanta Yadda Za Ka Ga Daren Lailatul Kadari Cikin Sauki

Karanta Yadda Za Ka Ga Daren Lailatul Kadari Cikin Sauki

Ya zo a cikin Hadisi, ana samun Daren Lailatul Ƙadari a kwanakin mara na goman ƙarshe na watan Azumi a daren ashirin da ɗaya ko ashirin da uku ko ashirin da biyar ko ashirin da bakwai ko ashirin da tara da dare na ƙarshen watan Ramadan.


GANIN DAREN LAILATUL KADARI
Hoto: The Independent

Nana Aisha (R.A) ta ce, Manzon Allah (S.A.W) ya ce: “Ku nemi Daren Lailatul Ƙadari a goman ƙarshe.” (Bukhari ne ya rawaito).


Ana so a yawaita addu’a a Daren Lailatul Ƙadari. Nana Aisha (R.A) ta ce, na tambayi Manzon Allah (S.A.W) na ce, ya Rasulullahi, idan na ga Daren Lailatul Ƙadari me zan faɗa a cikinsa? Sai Manzon Allah (S.A.W) ya ce, ki ce: 


"اللَّهُمَّ إِنَّكَ عَفُوٌّ تُحِبُّ الْعَفْوَ فَاعْفُ عَنِّى."


“Allahumma innaka afuwun tuhibbul afwa fa’afu anni.”


Ma’ana: “Ya Ubangiji, haƙiƙa, Kai mai afuwa ne, kuma kana ƙaunar yin afuwa, ya Allah ka yi min afuwa.” (Bukhari da Muslim ne suka rawaito).


Kuma ana so a karanta waɗannan ayoyi masu yawan lada.


1- آيَةُ الْكُرْسِيُّ 2- آمَنَ الرَّسُولُ 3- إِذَا ذُلْزِلَتِ اْلأَرْضُ 4- قُلْ يَأَيُّهَا الْكَافِرُونَ 5- قُلْ هُوَ الله أَحَدٌ 6- سُورَةُ يَاسِين.



1. Ayatal Kursiyyu


2. Amanar-Rasulu 


3. Izazul zilatul ardu


4. Kulya ayyuhal kafiruna


5. Kul huwallahu ahad


6. Suratu Yasin.


Kuma a yawaita istigfari, tasbihi, salati ga Annabi, sannan a roƙi alhairan duniya da na lahira.

Friday 10 March 2023

Karanta Hanyoyin Samun Nasara A Rayuwa (50) Cikin Sauki

Karanta Hanyoyin Samun Nasara A Rayuwa (50) Cikin Sauki

12. Jarraba ka gani: Duk abin da ba ka taɓa gwadawa ba ba za ka san cewa yana da riba ko bai da shi ba, idan kana da abubuwa da yawa da kake son zama ko kake son yi zaɓi mai sauƙin cikinsu wanda kake ganin za a iya samun abin da ake so a cikinsa, kafin ka fara, dubi waɗanda suka yi nisa a cikinsa ka ɗan tambaye su, idan kuma bayani ba zai yi ba to zauna kusa da su ka koya kafin ka shiga. Wannan idan kana son cin nasara kenan, amma kawai ka dubi abu da ido ka ce ba za ka iya ba matakin farko kenan na karya kai, da wahala ka zama abin da kake so.


Mutane kala-kala ne
Hoto: Forbes


MarubuciBaban Manar Alkasim


13. Me ka fara?: Mu ba mu da wannan lissafin, ba kamar Turawa ba ne da idan mutum ya so yin abu ya gaza sai ya fara binciken kansa me ya hana shi kaiwa? Idan ya samu sai ya yi maganinsa kawai, kai ma idan ka gano shi sai ka yi ƙoƙarin gyara shi ba wai ka ce tsarin ya rushe gaba ɗaya sai dai wani ba. Idan ka taɓa yin shago a jikin gidanka, wanda 'yan uwanka suka karya ka da bashi, kar ka ce ka kulle shagon shikenan, bar shi kowa ya ga lalacewarsa, sai ka riƙa gaya musu dalilin karyewarka, ɗan ba su sarari na ɗan wani lokaci, sai ka dawo da ƙarfi, a wannan lokacin ba bashi, don ba za a sake karyaka ba, idan ka yi haka za ka iya tsayuwa da ƙafafunka.


Wanda ya so shiga sana'ar kanikanci, ga shi ya iya, har ya buɗe nasa amma mutane ba sa zuwa, zai yi wahala a ce abin hawansu ne ya daina lalacewa, ya binciki ɗayan abubuwa guda uku: Anya lokacin da yake koyon aiki ya gwanance kuwa? Don dole waɗanda suka saba da shi su biyo shi; Anya ya sami wuri mai kyau kuwa? Anya mu'amalarsa da mutane tana da kyau kuwa? Kar ya ce ba a samun komai zai canja wata, wasu na samu ai, shi ma ƙila abin da ya gani kenan, sai ya binciki abubuwan nan 3 kawai ya gyara.


14. Hannu ɗaya ba ya ɗaukar jinka: Shakka babu wannan maganar gaskiya ce, mutane da dama an haifo su talakawa ne ba su mutu ba sai da suka yi arziki, wasu an haifo su a gidan kuɗi ne, kuma mahaifin ya mutu ya bar su da gado mai tarin yawa, sai dai kuma Allah bai yi musu arziki ba sun koma sahun masu ƙwatar rayukansu da ƙyar, haka rayuwa take a kowane lokaci. Yanzu dai tunda ka san inda kake son zuwa sauko da kanka ƙasa, kai me nema ne ba ka san inda za a dace ba, yi ƙoƙari ka shiga fannin da kake so, fara tafiyar tare da su, duk da cewa arziki ake nema yanzu ba lokacin tara shi ba ne, matakin farko na sanayya ne, akan yi ƙoƙarin a saba da mai iyo ne tun rani.


Manyan mutane ba sa son ka fito musu da maitarka ta son kuɗinsu ko nuna cewa kai fa kanka ya waye ɓaro-ɓaro, yanzu sai su yi ƙoƙarin rabuwa da kai, babban abin da za ka yi shi ne ƙanƙan da kai, babu matsala idan ka yi barci amma da ido ɗaya, koyi duk abin da kake buƙata, saba da irin mutanen da suka amfana, banda ƙarya banda ha'inci, banda nuna kwaɗayi a fili, da sannu za ka ga kai ake turawa wasu harkokin, kar ka damu da cewa ba ka samun komai tunda manufarka kai ma ta ka tura wasu ne anan gaba, ba wai a yi ta tura ka ana biyan ka ba, koyi aikin sosai.


15. Mutane kala-kala ne: Wani za ka taras a rayuwarsa ba abin da ya ƙi jini irin ya ga ma'aikacinsa ba ya neman nasa na kansa, yakan yi iya ƙoƙarin sa ya ga duk ma'aikatansa suna cikin wadata, shi yake tambayarsu abubuwan da suke yi, idan ba su yi masa ba ya ɗora su a kan hanya, wani kuwa ba ruwansa da kowa, abin da ya sani aikinsa kawai, mutum shi yasan yadda zai fidda kansa, wani bai son ka nuna kana son abin hannunsa, wani kuma ba abin da yake so kamar ka nuna masa kana da buƙatar wani abu daga gare shi, kowanne akwai, lura da wanda kake tare da shi.


Na zauna da wanda bai iya ba ma'aikacinsa abin hannunsa, amma bai damu da abin da za ka samu ta ma'aikatarsa ba, ko nawa ne ma kuwa, shi da kansa zai gaya maka cewa ka yi aiki idan kana son kuɗi, bai da bakin ciki kokaɗan. Irin waɗannan idan ka same su sai ka zage dantse ka yi aiki tuƙuru don tara abin da kake so, idan kuwa ka zauna da mutanen da ba su son ci-gaban kowa to ka ɓoye wayonka ka yi karatunka ka ƙara gaba, ba matsala ba ne ka zauna da wanda kake ƙaruwa da shi ta fuskar gina kai, don dama abin da ya kawo ka kenan.


DUBA NA GABAKaranta Hanyoyin Samun Nasara A Rayuwa (51) Cikin Sauki


Sai dai duk halin mutum ka sani cewa ba za ka iya kaɗa fuka-fukanka ka tashi sama ba sai ka bar ƙarƙashinsa ka sami gashin kanka, mutumin da ya yi ƙoƙarin tashi bayan yana ƙarƙashin wani ya san cewa ƙume kansa zai yi ya dawo ya durƙushe, ga zafin ƙume kai ga na faɗuwa, abubuwan da ke tattare da yunƙurin tashi a ƙasan wani sun haɗa da:-


1. Ƙoƙarin shiga gaban maigida.


2. Zargin sace kuɗinsa don gina kai.


3. Ƙwashe masa abokan hulɗa.


4. Ja da shi a al'amuran rayuwa.


5. Rashin aminci ta kowace fuska, da sauransu.


Za mu ci-gaba Insha Allah.

Monday 13 February 2023

Kalli Zafafan Hotunan Isah Adam Ferozkhan Na Cikin Shirin Labarina

Kalli Zafafan Hotunan Isah Adam Ferozkhan Na Cikin Shirin Labarina

Isah Adam ferozkhan wanda aka fi sani da Presdo a cikin shirin Labarina, ɗaya ne daga cikin jarumai a masana'antar shirya fina-finan Hausa (Kannywood).


Isah Ferozkhan
Hoto: Isah Ferozkhan


Hotunan sun ɗauki hankula sosai a shafukan Sada Zumunta duba da yanayin yadda aka ɗauki hotunan, wanda hakan ya taka muhimmiyar rawa sosai wajen ƙayatar da al'umma daga sassa daban-daban na faɗin ƙasar da ma Duniya baki ɗaya.


Presdo
Hoto: Isah Ferozkhan

Kalli ƙarin wasu daga cikin kyawawan hotunan na shi a ƙasa;


Isah Ferozkhan
Hoto: Isah Ferozkhan


Isah Adam
Hoto: Isah Ferozkhan


Presdo
Hoto: Isah Ferozkhan


Isah Adam
Hoto: Isah Ferozkhan